عِزرا 3
3
اورشلئمدهکی قوربانگاهین تئکئلمهسی
1یدّئنجی آی گلدئکده، آرتیق ائسرایئللیلر اؤز شهرلرئنده ائدئلر. خالق بئر نفر کئمی اورشلئمده بئر یره ییغیلدی. 2یوصاداق اوغلو یوشَعله کاهئن قارداشلاری، سِعَلتیاِل اوغلو زِروبّابئل قارداشلاری ائله قالخدیلار و ائسرایئل تاریسینین قوربانگاهینی قوردولار کی، اوستونده یاندیرما قوربانلاری تقدئم ادئلسئن، نجه کی، تاری آدامی موسانین شرئعتئنده یازیلمیشدی. 3بلهجه قوربانگاهی اَوّلکی بونؤوره اوستونده قوردولار، چونکی اطرافدا یاشایان خالقلاردان قورخوردولار. سونرا اونون اوستونده سحر و آخشام ربّه یاندیرما قوربانلاری تقدئم اتدئلر. 4یازییا گؤره، چارداقلار بایرامی کچئرتدئلر و قایدایا گؤره گونبهگون موعَیّن مئقداردا گوندهلئک یاندیرما قوربانلاری تقدئم اتدئلر. 5سونرا دائمی یاندیرما قوربانلاری وردئلر. تزه آی مراسئملرئنئن، اِلهجه ده ربّئن تقدئس اتدئیی بوتون بایراملارین تقدئملرئنی و هامینین اؤز گؤیلو ائله ربّه وردئکلرئنی تقدئم اتدئلر. 6اونلار یدّئنجی آیین بئرئنجی گونونده ربّه یاندیرما قوربانلاری تقدئم اتمهیه باشلادیلار، لاکئن ربّئن معبدئنئن بونؤورهسی قویولمامیشدی.
معبدئن بونؤورهسئنئن قویولماسی
7داشیونانلارا و دولگرلره پول وردئلر. فارس پادشاهی کوروشدان ائجازه آلدیقلارینا گؤره، صئدونلولارلا صورلولارا یمک-ائچمَک و زیتون یاغی وردئلر کی، لوبناندان دهنز یولو ائله یافایا سئدر آغاجلاری گتئرسئنلر.
8تاری معبدئنه، اورشلئمه یِتئشمهلرئنئن ائکئنجی ائلئن ائکئنجی آییندا، سِعَلتیاِل اوغلو زِروبّابئل و یوصاداق اوغلو یَشوع، او بئری قارداشلاری ائله یعنی کاهئنلر، لاوئلیلر، و اسئرلئکدن اورشلئمه قاییدانلارین هامیسی ائشه باشلادیلار. ائیئرمی و اوندان یوخاری یاشدا اولان لاوئلیلری ربّئن معبدئنئن تئکئنتی ائشئنه نظارتچی تعیئن اتدئلر. 9لاوئلیلردن یوشَع و اؤولادلاری ائله قارداشلاری، یهودا #3.9 یعنی «هودَویا» باخ: ۲: ۴۰ نسلئندن عمله گلن قَدمیاِل اؤولادلاری، خِناداد اؤولادلاری، نوهلری و قارداشلاری تارینین معبدئنده ائشلهینلره نظارت اتدئلر. 10بنّالار ربّئن معبدئنئن بونؤورهسئنی قویان زامان، ائسرایئل پادشاهی داوودون قویدوغو قایدایا اَساسن، کاهئنلر اؤز مخصوص پالتارینی گِیئنئب، اَللرئندهکی کَرهنایلارلا دوردولار، آساف اؤولادلاریندان اولان لاوئلیلر ده سئنجلرله اؤز یرلرئنی توتدولار کی، ربّه حمد اتسئنلر. 11اونلار اوخویوردولار و ربّه حمد و شوکور ادئب دیئردئلر: «رب یاخشیدیر، چونکی ائسرایئلئن اوستونده محبّتی ابدیدئر.» بوتون خالق ربّه حمد ادنده، اونلار اوجادان قیشقیردیلار، چونکی ربّئن معبدئنئن بونؤورهسی قویولموشدو. 12اَوّلکی معبدی گؤرموش بئر چوخ قوجا کاهئنلر، لاوئلیلر و نسئل باشچیلاری معبدئن بونؤورهسئنئن قویولدوغونو گؤرنده، هؤنکوروب آغلادیلار، لاکئن بئر چوخلاری سِوئنجدن هارای چکدئلر. 13خالقین گورولتولو شادلیق سَسی ائله آغلاشما سَسئنی بئربئرئندن آییرماق اولمازدی، چونکی اونلارین گورولتو ائله قوپان هارای سَسی اوزاقلاردا اِشئدئلئردی.
Currently Selected:
عِزرا 3: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
