اِستِر 6
6
پادشاهین موردوکایی شَرَفلَندئرمه‌سی
1همئن گجه پادشاهین یوخوسو قاچدی. او امر اتدی کی، حؤکمدارلیغینین خاطئره کئتابی، سالنامه‌لر کئتابی گتئرئلسئن. بونلار پادشاهین حوضوروندا اوخوندو. 2اورادا یازی تاپیلدی کی، موردوکای سارای دروازاسینین کشئکچئلرئندن بئگتان و تِرِش آدلی ائکی خادئم حاقّیندا خبر ورمئشدی کی، پادشاه اَخَشوِروشا سوئی‌قصد حاضیرلاییبلار. 3پادشاه ددی: «بونا گؤره موردوکایا هانسی شرف و عئزّت ورئلدی؟» اونون خئدمتئنده دوران نؤکرلر ددی: «بونا گؤره اونا هچ نه ادئلمه‌یئب.» 4پادشاه ددی: «حَیَطده کئم وار؟» بو زامان هامان پادشاهین سارایینین باییر حَیَطئنه گئرمئشدی کی، پادشاهلا دا‌نیشیب موردوکایی دوزَلتدئیی دار آغاجیندان آسدیرسین. 5پادشاهین نؤکرلری اونا ددی: «باخ، هامان حَیَطده دایانیب.» پادشاه ددی: «گلسئن ائچه‌ری.» 6هامان ائچه‌ری گلنده پادشاه اوندان سوروشدو: «پادشاهین شَرَفلَندئرمک ائسته‌دئیی آداما نه گرک ادئلسئن؟» هامان دا اؤزو اؤزونده دوشوندو: «مندن باشقا کئمی شَرَفلَندئرمک ائستر کی؟» 7بو حالدا هامان پادشاها بله ددی: «پادشاه کئمی شَرَفلَندئرمک ائسته‌سه، قوی اونا بله ادئلسئن: 8پادشاهین گِیئندئیی شاهلیق لئباسی و پادشاهین مئندئیی آت کی، باشینا شاهلیق تاجی تاخیلیر، گتئرئلسئن. 9همئن پالتار و آت پادشاهین لاپ اوجا روطبه‌لی ریئسلرئندن بئرئنئن اَلئنه ورئلسئن کی، پادشاهین شَرَفلَندئرمک ائسته‌دئیی آدامی گِیئندئرئب آتا مئندئرسئنلر و شهر میدانیندا گَزدئرسئنلر و قاباغا دوشوب بله جار چکسئنلر: ”پادشاه ائسته‌دئیی آدامی بو جور شَرَفلَندئرئر.“» 10پادشاه هامانا ددی: «پالتار و آتی تز گؤتور و سارای دروازاسیندا وظئفه‌یه دوران یهودی موردوکایا ددئکلرئنئن هچ بئرئنی اَسکئلتمه‌دن ات.»
11هامان پالتاری و آتی گؤتوروب موردوکایا گِیئندئردی. سونرا آتا مئندئرئب شهرئن میدانیندا گَزدئردی و قاباغیندا جار چکدی: «پادشاه ائسته‌دئیی آدامی بو جور شَرَفلَندئرئر.» 12بوندان سونرا موردوکای سارای دروازاسینا قاییتدی. لاکئن هامان ماتم ائچئنده باشی اؤرتولو حالدا تز اِوه قاییتدی. 13او، آروادی زِرِشه و بوتون دوستلارینا باشینا گلن بوتون احوالاتلاری دانیشدی. حئکمتلی مصلحتچئلری ائله آروادی زِرِش اونا ددئلر: «اگر قاباغیندا ییخیلماغا باشلادیغین بو موردوکای یهودی عئرقئندندئر، اونا گوجون چاتماز، قطعن قاباغیندا ییخیلاجاقسان.» 14اِله اونونلا صؤحبت ادئردئلر کی، پادشاهین حرم‌آغالاری گلئب هامانی تَلَسئک اِستِرئن قوردوغو ضئیافته آپاردیلار.
@ 2022 Korpu Company