تثنئیه 8
8
ربّی یاددان چیخارتمایین
1بو گون سئزه بویوردوغوم بوتون امرلری یرئنه یتئرمهیه چالیشین کی، یاشاییب چوخالاسینیز و ربّئن آتالارینیزا ورمهسئنی آند ائچدئیی تورپاغا گئرئب اورایا مالئک اولاسینیز. 2تارینیز ربّئن سئزه قیرخ ائل صحرادا یول گؤرستدئیئنی یادا سالین. بونو اونا گؤره اتدی کی، کئبئرئنئزی قیرسین و سئزی ائمتاحان ادئب، اورهیئنئزده اولانی بئلسئن؛ گؤرسون کی، آیا اونون امرلرئنه عمل ادهجکسئنئز یا یوخ. 3تَکَبّورونوزو سیندیردی و سئزی آج قویدو. سونرا دا سئزی مانّا ائله یدئرتدی کی، نه سئز، نه ده آتالارینیز گؤرموشدونوز. بونونلا سئزه آنلاتماق ائستهدی کی، ائنسان آنجاق چؤرکله یوخ، ربّئن آغزیندان چیخان هر بئر سؤزله یاشایا بئلر. 4بو قیرخ ائل عرضئنده پالتارینیز ییرتیلیب داغیلمادی، آیاقلارینیز شئشمهدی. 5بونو اورَکدن درک اتمهلئسئنئز کی، تارینیز رب ده، آتا ورن کئمی، اؤز اوغلونا تربئیه ورئر. 6بلهجه تارینیز ربّئن امرلرئنی ساخلاییب، اونون یوللاری ائله گدئن و اوندان قورخون. 7چونکی تارینیز رب سئزی یاخشی تورپاغا، چای و گؤللری اولان، دره و تپهلرئنده بولاقلار آخان یرلره آپاریر؛ 8بوغدا، آرپا، اوزوم، انجئر، نار، زیتون یاغی و بال اولان اؤلکهیه. 9اِله بئر اؤلکهیه کی، اورادا قیتلیق اولمادان چؤرک یئیهجکسئنئز، هچ نَیه ده مؤحتاج اولمایاجاقسینیز؛ داشلاریندان دمئر، تپهلرئندن ده مئس چیخاردا بئلهجکسئنئز. 10یِیئب-دویاندا سئزه وردئیی یاخشی تورپاغا گؤره تارینیز ربّی موبارک چاغیراجاقسینیز.
تکبّوردن چکئنئن
11احتئیاطلی اولون کی، تارینیز ربّئن امرلرئنی، حؤکملرئنی و قایدالارینی یرئنه یتئرمهمکله اونو یاددان چیخارتمایاسینیز، اونلاری کی، بو گون سئزه امر ادئرم. 12یوخسا یِیئب دویاندا، گؤزل اِولر تئکئب ائچهرئسئنده اوتوراندا، 13ناخیرینیز و سورونوز چوخالاندا، قیزیل-گوموشونوز و هر شیئنئز آرتاندا، 14اورهیئنئز کئبئرله دولار و سئزی مئصئر تورپاغیندان، نؤکرچئلئک دئیاریندان چیخاردان تارینیز ربّی یاددان چیخاردارسینیز. 15رب سئزی او بؤیوک و قورخولو صحرادا، زَهَرلی ائلان و عَقرَبلرله دولو اولان او سوسوز شوران تورپاقلاردا گَزدئردی؛ سئزه داش قایادان سو چیخارتدی. 16صحرادا سئزی آتالارینیزا معلوم اولمایان مانّا ائله یدئرتدی کی، کئبئرئنئزی سیندیرسین و سئزی ائمتاحان ادئب، نهایت سئزه خیئر یتئرسئن. 17مبادا اورهیئنئزده دئیهسئنئز: ”بئز اؤز قابئلئیّتئمئزله، اَلئمئزئن قودرتی ائله بو ثروتی قازاندیق.“ 18آمّا سئز تارینیز ربّی خاطیرلایین، چونکی اودور کی، سئزه بو ثروتی قازانماق قابئلئیّتئنی ورئر. او بونو ادئر کی، آتالارینیزا آند ائچدئیی عهدئنی تصدئق اتسئن. نجه کی، بو گون گؤرورسونوز.
19اگر تارینیز ربّی یاددان چیخاردیب، آیری آللاهلارین دالینجا گدهسئنئز، اونلارا قوللوق ادئب اونلاری پرستئش ادهسئنئز، بو گون ضئدّئنئزه شهادت ورئرم کی، حقئقتن محو اولاجاقسینیز! 20رب سئزئن قاباغینیزدان مئلّتلری یوخ اتدئیی کئمی، سئزی ده یوخ اِدَر، چونکی تارینیز ربّئن سؤزونه قولاق آسمادینیز.
Currently Selected:
تثنئیه 8: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
