تثنئیه 5
5
اون فرمان
(چیخ. ۲۰:۱-۱۷)
1او واخت موسا بوتون ائسرایئللیلری چاغیریب ددی: «اشئت، ای ائسرایئل! بو گون سنه ددئیئم قایدالار و حؤکملری اؤیرهنئب، اونلارا دئقّتله عمل ات! 2تاریمیز رب بئزئمله خورِبده عهد باغلادی. 3رب بو عهدی آتالاریمیزلا یوخ، بئزئمله، بوتون بورادا بو گون دئری قالانلاریمیزلا باغلادی. 4رب داغداکی آلووون ائچهرئسئندن سئزئنله اوزبه اوز دانیشدی. 5او زامان ربّئن سؤزونو اعلان اتمک اوچون، سئزئنله ربّئن آراسیندا من دایانمیشدیم. چونکی سئز آلوودان قورخدوغونوزا گؤره داغا چیخمادینیز. رب ددی:
6”تارین رب منم کی، سنی مئصئر تورپاغیندان، نؤکرچئلئک دئیاریندان چیخارتدیم.
7مندن باشقا هچ آللاهلارین اولماسین.
8اؤزون اوچون هچ بئر اویما بوت، نه یوخاریداکی گؤیده اولان یا دا آشاغیداکی یرده اولان، نه ده یرئن آلتینداکی سولاردا اولان شیلرئن هچ بئرئنئن اوخشاری دوزَلتمه. 9بله شیلری پرستئش اتمه، اونلارا خئدمت ده اتمه. چونکی من، سنئن تارین رب، قیرتلی تارییام. مندن نئفرت ادن آتالارین جزاسینی اوچ-دؤرد نسله قدر اؤولادلارینا چکدئرهرم. 10لاکئن منی سِوئب امرلرئمه عمل ادنلرئن مئنلر نسلئنه قدر مهرئبانلیق گؤرسدهرم.
11تارین ربّئن آدینی بوش یره دئلئنه گتئرمه، چونکی رب اؤز آدینی بوش یره دئلئنه گتئرهنی جزاسیز قویماز.
12سَبّت گونونو ساخلا و اونو موقدّس توت. نجه کی، تارین رب سنه امر ادئب. 13آلتی گون چالیشیب بوتون ائشلرئنی گؤر. 14لاکئن یدّئنجی گون تارین ربّئن سَبّت گونودور. بو گون سن، اوغلون، قیزین، قولون، کنئزئن، اؤکوزون، اِششهیئن، هچ بئر حیوانین، یانیندا قالان یاد اِللئن ده هچ بئر ائش گؤرمهسئن، اِله کی، قول-کنئزئن ده سنئن کئمی ائستئراحت اتسئن. 15یادیندا ساخلا کی، مئصئر تورپاغیندا قول ائدئن، و تارین رب سنی اورادان قووّتلی اَلی ائله، اوزانان قولو ائله چیخارتدی؛ بونا گؤره تارین رب سنه امر اتدی کی، سَبّت گونونو ساخلایاسان.
16تارین ربّئن امر اتدئیی کئمی آتا-آنانا حؤرمت ات کی، عؤمرون اوزون اولسون و تارین ربّئن سنه ورهجیی تورپاقدا حیاتین خوش کچسئن.
17قتل اتمه.
18زئنا اتمه.
19اوغورلوق اتمه.
20قونشونون ضئدّئنه یالاندان شهادت ورمه.
21قونشونون آروادینا طاماح سالما. قونشونون اِوئنه، زمئسئنه، قولونا، کنئزئنه، اؤکوزونه، اِششهیئنه و یا هچ بئر شیئنه طاماح سالما.“
22رب بو سؤزلری بوتون جاماعاتینیزا داغدا آلووون، بولودون و قالین ظولمَتئن ائچهرئسئندن اوجادان ددی و آیری بئر سؤز دِمهدی. سونرا بونلاری ائکی داش لؤوحهسی اوستونه یازیب منه وردی.
23داغ آلوولانیب یانارکَن، ظولمت ائچئندن سئز اونون سَسئنی اشئدنده، بوتون قبئله باشچیلارینیز و آغساقّاللارینیز منه یاخینلاشدی. 24سئز بله دِدئنئز: ”باخ، تاریمیز رب بئزه احتئشامینی و عظمتئنی گؤرسهدئب، بئز ده اونون سَسئنی آلووون ائچهرئسئندن اشئتمئشئک. بو گون گؤردوک کی، تاری ائنسانلا دانیشیر و ائنسان حله ده صاغ قالیر. 25ائندی نئیه اؤلَک؟ چونکی بو بؤیوک آلوو بئزی کوله دؤندَرهجک. اگر تاریمیز ربّئن سَسئنی داها آرتیق اشئدک، اؤلهجَیئک. 26بوتون بشرئیّت آراسیندا کئم وار کی، وار اولان تارینین سَسئنی بئزئم کئمی آلوو ائچهرئسئندن اشئتسئن و صاغ قالسین؟ 27سن اونا یاخینلاش و تاریمیز ربّئن دئیهجیی هر شیه قولاق آس. سونرا تاریمیز ربّئن ددئیی هر شیی بئزه دِه! بئز ده اونا قولاق آسیب عمل ادهرئک.“
28سئز منه بونلاری دئیَنده، رب سئزئن بو سؤزلرئنئزی اشئتدی، و رب منه ددی: ”بو خالقین سنه ددئکلرئنی اشئتدئم. ددئیی هر شیی یاخشی ادئبلر. 29کاشکی بله اورَکلری اولسایدی، کاشکی مندن قورخسایدیلار و بوتون امرلرئمی هر زامان ساخلاسایدیلار. او زامان هم اؤزلرئنئن، هم ده اؤولادلارینین حیاتی ابده کئمی خوش کچردی. 30گت، اونلارا دِه: چادیرلارینیزا قاییدین. 31آمّا سن بورادا یانیمدا دایان. بوتون امرلری، قایدالار و حؤکملری سنه دئیهجیم. سن خالقا اؤیرت کی، مولک اوچون اونلارا ورهجیئم تورپاقدا بونلاری یرئنه یتئرسئنلر.“ 32بلهجه تارینیز ربّئن سئزه امر اتدئکلرئنی دئقّتله ساخلایین، اونلاردان نه صاغا، نه ده سولا دؤنون. 33تارینیز ربّئن سئزه امر اتدئیی بوتون یولدا گَزئن کی، صاغ قالاسینیز و حیاتینیز خوش کچسئن. و مولک اوچون آلاجاغینیز تورپاقدا اوزون عؤمور سورهسئنئز.
Currently Selected:
تثنئیه 5: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
