تثنئیه 26
26
ائلک محصول و اوندا-بئر حئصّه
1او زامان کی، تارینیز ربّئن ائرث اولاراق سئزه ورهجیی تورپاغا گئرئرسئنئز و اورادا اونا مالئک اولوب ساکئن اولورسونوز، 2بوتون محصوللارین نوبارینی کی، تارینیز ربّئن سئزه ورهجیی اؤلکهنئن تورپاقلاریندان ییغیبسینیز، گؤتورون و بئر سبده ییغین. سونرا تارینیز ربّئن اؤز آدینا مسکن سچهجیی یره گدئن. 3او دؤورده خئدمت ادن کاهئنئن یانینا گدئب دیئن: ”تاریم ربّه بو گون اعلان ادئرم کی، ربّئن آتالاریمیزا ورمهیه آند ائچدئیی اؤلکهیه داخئل اولموشام.“ 4کاهئن اَلئنئزدن سبدی آلیب اونو تارینیز ربّئن قوربانگاهی قاباغیندا یره قویسون. 5تارینیز ربّئن قاباغیندا جاواب ورئب دیئن: ”آتام کؤچَری اَرَملی ائدی، مئصئره گدئب اورادا ساکئن اولدو، سایدا چوخ آز ائدی؛ لاکئن بؤیوک، گوجلو و چوخسایلی بئر مئلّت اولدو. 6مئصئرلیلر بئزئمله پئس رفتار اتدئلر. بئزی ذلئل ادئب اوستوموزه آغیر ائش یوکلهدئلر. 7او واخت آتالاریمیزین تاریسی ربّه فریاد اتدئک و رب سَسئمئزی اشئتدی. عذابیمیزی، اَذئیّتئمئزی و ذلالتئمئزی گؤردو. 8رب قووّتلی اَلی ائله، اوزانان قولو ائله، بؤیوک زَهمی ائله، علامت و مؤجوزهلری ائله بئزی مئصئردن چیخارتدی. 9او بئزی بو یره گتئرئب سود و بال آخان بو تورپاغی بئزه وردی. 10ائندی، یارب، منه وردئیئن تورپاغین محصول نوبارینی سنه گتئرمئشَم.“ سونرا سبدی تارینیز ربّئن قاباغینا قویوب اونون حوضوروندا سجده ادئن. 11سئز، لاوئلیلر و آرانیزدا یاشایان قرئبلر تارینیز ربّئن سئزه و عایئلهنئزه وردئیی بوتون یاخشی شیلر اوچون شادلیق ادهجکسئنئز.
12اوچونجو ائل کی، اوندا بئر حئصّهسئنئن تقدئم اتمه ائلیدئر، محصولونوزون بوتون اوندا-بئرئنی بئر یانا ییغین. آییرما ائشئنی قورتاراندان سونرا، اوندا-بئر حئصّهسئنی لاوئلیلره، قرئبلره، یِتئملره و دول آروادلارا ورئن کی، شهرلرئنئزده اونلار دا یِیئب دویسونلار. 13تارینیز ربّه دیئن: ”منه امر اتدئیئن بوتون امرلره موطابئق، من موقدّس پایی اِودن چیخاردیب لاوئلیلره، قرئبلره، یِتئملره و دوللارا وردئم. امرلرئندن چیخمادیم، هچ بئرئنی یاددان چیخارتمادیم. 14بو پایدان یاس توتارکَن یمهدئم، اونو اِودن چیخارداندا نجئس دیئلدئم و اونو اؤلولره تقدئم اتمهدئم. تاریم ربّئن سؤزونه قولاق آسدیم؛ منه امر اتدئکلرئنئن هامیسینی یرئنه یتئردئم. 15موقدّس مسکنئندن، گؤیلردن آشاغییا باخ. خالقین ائسرایئله، آتالاریمیزا ائچدئیئن آندا گؤره بئزه وردئیئن تورپاغا، سود و بال آخان تورپاغا برکت ور.“
تارینین اؤز خالقی
16بو گون تارینیز رب سئزه امر ادئر کی، بو قایدالارا، حؤکملره عمل ادهسئنئز. دئقّتلی اولون کی، اونلارا بوتون قلبئنئزله، بوتون جانینیزلا عمل ادهسئنئز. 17بو گون ربّئن تارینیز اولدوغونو، اونون یوللاری ائله گدهجَیئنئزی، قانونلارینی، امرلرئنی، حؤکملرئنی توتاجاغینیزی، و اونون سؤزونه قولاق آساجاغینیزی بیان اتدئنئز. 18بو گون رب سئزه وردئیی سؤزه گؤره بیان اتدی کی، اونا مخصوص خالق اولاسینیز. اونا گؤره ده بوتون امرلرئنی توتمالیسینیز. 19او زامان ددئیی کئمی رب، یاراتدیغی بوتون مئلّتلردن تعرئفده، شؤهرتده و حؤرمتده سئزی اوستون ادهجک کی، تارینیز رب اوچون تقدئس ادئلمئش خالق اولاسینیز.»
Currently Selected:
تثنئیه 26: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
