۲سمویئل 20
20
بِنیامئنلی شِبَعئن قئیامی
1اله بو زامانلار بِنیامئنلی بئکری اوغلو شِبَع آدیندا دَیَرسئز بئر آدام تصادوفَن گئلگالدا ائدی. او، کَرهنای چالیب ددی: «بئزئم داوودلا رابئطهمئز قالماییب. یَسّهنئن اوغلوندا هچ بئر پاییمیز یوخدور! ای ائسرایئللیلر، هامینیز اِوئنئزه دؤنون!» 2بوتون ائسرایئللیلر ده داوودو آتیب بئکری اوغلو شِبَعئن دالینجا گتدئلر. لاکئن یهودالیلار، پادشاهلاری داوودا صادئق قالیب اوردون چاییندان اورشلئمه قدر اونو موشایئعت اتدئلر.
3داوود پادشاه اورشلئمدهکی اِوئنه گدئب اون آروادی، اِوی حئفظ اتمک اوچون ساخلادیغی جارئیهلری گؤتوروب اؤز نظارتی آلتیندا ساخلادی و اونلارین یاشاییشینی تأمئن اتدی، لاکئن یانلارینا گئرمهدی. اؤلَنه قدر بو آروادلار دول کئمی قالیب باغلی ساخلاندیلار.
4پادشاه عماسایا ددی: «اوچ گون عرضئنده یهودالیلاری منئم یانیما چاغیر و اؤزون ده بورادا اول.» 5عماسا یهودالیلاری بئر یره چاغیرماق اوچون گتدی، لاکئن یوبانیب اونون اوچون تعیئن اولونان واختدا گری قاییتمادی. 6داوود ابئشهیه ددی: «ائندی بئکری اوغلو شِبَع بئزه اَبشالومدان داها چوخ زئیان ووراجاق. سن آغانین قوللارینی گؤتور، اونو تعقئب اتمهیه گت. یوخسا او اؤزونه قالا دووارلی شهرلر تاپار و گؤزوموزدن قاچار.» 7بلهجه یوآبین آداملاری، کِرِتلیلرله پِلِتلیلر و بوتون جنگاورلر اورشلئمدن چیخدیلار کی، بئکری اوغلو شِبَعی تعقئب اتسئنلر.
8اونلار گئبعونداکی بؤیوک قایانین یانیندا اولاندا، عماسا اونلارین پئشوازینا گلدی. یوآب دؤیوش پالتارینی گِیمئشدی و پالتارینین اوستونده کمری وار ائدی. کمرئنه باغلی قینیندا اولان بئر قیلینج بلئنده ائدی. او قاباغا گِدَرکَن قیلینج قینیندان چیخدی. 9یوآب عماسایا ددی: «قارداشیم، آیا یاخشیسان؟» سونرا یوآب صاغ اَلی ائله عماسانین ساقّالیندان یاپیشدی کی، اونو اؤپسون. 10آمّا عماسا یوآبین سول اَلئندهکی قیلینجا اهمئیّت ورمهدی. یوآب قیلینجی ائله عماسانین قارنیندان ووروب باغیرساقلارینی یره اله تؤکدو کی، ائکئنجی ضربهیه احتئیاج قالمادان عماسا اؤلدو. سونرا یوآب و قارداشی اَبشهی بئکری اوغلو شِبَعی تعقئب اتدئلر. 11یوآبین آداملاریندان بئری اونون یانیندا دوروب ددی: «کئم یوآبدان راضیدیر، کئم داوودون طرفئندهدئر، یوآبین دالینجا گلسئن.» 12لاکئن عماسا اصلی یولون اورتاسیندا قان ائچئنده اوزوردو. یوآبین طرفداری اولان بو آدام گؤردو کی، عماسانین جسدئنئن یانینا گلن هر کس دایانیر. خالقین دایاندیغینی گؤردویو اوچون جسدی اصلی یولدان گؤتوروب چؤله آپاردی و اوستونه بئر پالتار آتدی. 13عماسانین جسدی اصلی یولدان گؤتورولدوکده، هامی یوآبین دالینجا گتدئلر کی، بئکری اوغلو شِبَعی تعقئب اتسئنلر.
14شِبَع بوتون ائسرایئل قبئلهلرئنئن ائچهرئسئندن آبِله، حتّا بِیتمَعَکا و بوتون بِرئم دئیارلارینا قدر کچدی و بوتون جاماعات ییغیلیب اونون دالینجا گتدی. 15یوآبین یانینداکی بوتون خالق گلئب شِبَعئن قالدیغی آبِلبِیتمَعَکا شهرئنی موحاصئرهیه آلدیلار و شهر دووارینا ضئدّ دایانان بئر تورپاق ییغینی قوردولار و دوواری ییخماغا باشلادیلار. 16بئر آغیلّی آرواد شهردن قیشقیریب ددی: «قولاق آسین! قولاق آسین! خاهئش ادئرم، یوآبا دیئن: ”بورایا یاخینلاش، سنه سؤزوم وار.“» 17یوآب اونا یاخینلاشاندا آرواد سوروشدو: «یوآب سنسن؟» او جاواب وردی: «بلی، منم.» آرواد اونا ددی: «سن بو کنئزئنئن سؤزونه قولاق آس.» یوآب ددی: «اشئدئرم.» 18آرواد سؤزونه داوام وردی: «قدئم زامانلاردا دئیَردئلر ”آبِلده مصلحت آلین.“ و داعوانی بله حلّ اِدَردئلر. 19من صولح سِوَن و ائسرایئله وفالی آداملاردان بئرئیَم. سن ائستهیئرسن کی، ائسرایئلده شهرلرئن آناسی اولان بئر شهری داغیداسان. نه اوچون ائستهیئرسن کی، ربّئن ائرثئنی محو ادهسن؟» 20یوآب جاواب وردی: «ائراق اولسون، مندن ائراق اولسون کی، داغیتماق و یا محو اتمک نئیّتئنده اولام! 21مطلب بله دیئل. لاکئن اِفرایئمئن داغلیق بؤلگهسئندن بئکری اوغلو شِبَع آدلی بئر آدام، داوود پادشاهین ضئدّئنه عوصیان قالدیریب. فقط اونو بئزه ورئن، من ده بو شهردن چکئلهرم.» آرواد یوآبا ددی: «باخ، اونون باشی، شهر دوواریندان سنه آتیلاجاق.» 22آرواد آغیلّی تَرپهنئب خالقینین یانینا گتدی. اونلار دا بئکری اوغلو شِبَعئن باشینی کسئب یوآبا آتدیلار. بوندان سونرا یوآب شیپور چالدی و قوشون شهرئن موحاصئرهسئندن چکئلدی. هامی اؤز اِوئنه قاییتدی. یوآب دا اورشلئمه، پادشاهین یانینا قاییتدی.
23یوآب بوتون ائسرایئل قوشونونون باشچیسی ائدی. یِهویاداعین اوغلو بِنایا کِرِتلیلرئن و پِلِتلیلرئن باشچیسی ائدی. 24اَدورام ائجباری ائشچئلرئن باشچیسی و اَخئلود اوغلو یِهوشافاط دا سالنامهچی ائدی. 25شِوا مئرزه، صادوق و اِبیاتار دا کاهئن ائدئلر، 26یاعئرلی عئرا دا داوودون کاهئنی ائدی.
Currently Selected:
۲سمویئل 20: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
۲سمویئل 20
20
بِنیامئنلی شِبَعئن قئیامی
1اله بو زامانلار بِنیامئنلی بئکری اوغلو شِبَع آدیندا دَیَرسئز بئر آدام تصادوفَن گئلگالدا ائدی. او، کَرهنای چالیب ددی: «بئزئم داوودلا رابئطهمئز قالماییب. یَسّهنئن اوغلوندا هچ بئر پاییمیز یوخدور! ای ائسرایئللیلر، هامینیز اِوئنئزه دؤنون!» 2بوتون ائسرایئللیلر ده داوودو آتیب بئکری اوغلو شِبَعئن دالینجا گتدئلر. لاکئن یهودالیلار، پادشاهلاری داوودا صادئق قالیب اوردون چاییندان اورشلئمه قدر اونو موشایئعت اتدئلر.
3داوود پادشاه اورشلئمدهکی اِوئنه گدئب اون آروادی، اِوی حئفظ اتمک اوچون ساخلادیغی جارئیهلری گؤتوروب اؤز نظارتی آلتیندا ساخلادی و اونلارین یاشاییشینی تأمئن اتدی، لاکئن یانلارینا گئرمهدی. اؤلَنه قدر بو آروادلار دول کئمی قالیب باغلی ساخلاندیلار.
4پادشاه عماسایا ددی: «اوچ گون عرضئنده یهودالیلاری منئم یانیما چاغیر و اؤزون ده بورادا اول.» 5عماسا یهودالیلاری بئر یره چاغیرماق اوچون گتدی، لاکئن یوبانیب اونون اوچون تعیئن اولونان واختدا گری قاییتمادی. 6داوود ابئشهیه ددی: «ائندی بئکری اوغلو شِبَع بئزه اَبشالومدان داها چوخ زئیان ووراجاق. سن آغانین قوللارینی گؤتور، اونو تعقئب اتمهیه گت. یوخسا او اؤزونه قالا دووارلی شهرلر تاپار و گؤزوموزدن قاچار.» 7بلهجه یوآبین آداملاری، کِرِتلیلرله پِلِتلیلر و بوتون جنگاورلر اورشلئمدن چیخدیلار کی، بئکری اوغلو شِبَعی تعقئب اتسئنلر.
8اونلار گئبعونداکی بؤیوک قایانین یانیندا اولاندا، عماسا اونلارین پئشوازینا گلدی. یوآب دؤیوش پالتارینی گِیمئشدی و پالتارینین اوستونده کمری وار ائدی. کمرئنه باغلی قینیندا اولان بئر قیلینج بلئنده ائدی. او قاباغا گِدَرکَن قیلینج قینیندان چیخدی. 9یوآب عماسایا ددی: «قارداشیم، آیا یاخشیسان؟» سونرا یوآب صاغ اَلی ائله عماسانین ساقّالیندان یاپیشدی کی، اونو اؤپسون. 10آمّا عماسا یوآبین سول اَلئندهکی قیلینجا اهمئیّت ورمهدی. یوآب قیلینجی ائله عماسانین قارنیندان ووروب باغیرساقلارینی یره اله تؤکدو کی، ائکئنجی ضربهیه احتئیاج قالمادان عماسا اؤلدو. سونرا یوآب و قارداشی اَبشهی بئکری اوغلو شِبَعی تعقئب اتدئلر. 11یوآبین آداملاریندان بئری اونون یانیندا دوروب ددی: «کئم یوآبدان راضیدیر، کئم داوودون طرفئندهدئر، یوآبین دالینجا گلسئن.» 12لاکئن عماسا اصلی یولون اورتاسیندا قان ائچئنده اوزوردو. یوآبین طرفداری اولان بو آدام گؤردو کی، عماسانین جسدئنئن یانینا گلن هر کس دایانیر. خالقین دایاندیغینی گؤردویو اوچون جسدی اصلی یولدان گؤتوروب چؤله آپاردی و اوستونه بئر پالتار آتدی. 13عماسانین جسدی اصلی یولدان گؤتورولدوکده، هامی یوآبین دالینجا گتدئلر کی، بئکری اوغلو شِبَعی تعقئب اتسئنلر.
14شِبَع بوتون ائسرایئل قبئلهلرئنئن ائچهرئسئندن آبِله، حتّا بِیتمَعَکا و بوتون بِرئم دئیارلارینا قدر کچدی و بوتون جاماعات ییغیلیب اونون دالینجا گتدی. 15یوآبین یانینداکی بوتون خالق گلئب شِبَعئن قالدیغی آبِلبِیتمَعَکا شهرئنی موحاصئرهیه آلدیلار و شهر دووارینا ضئدّ دایانان بئر تورپاق ییغینی قوردولار و دوواری ییخماغا باشلادیلار. 16بئر آغیلّی آرواد شهردن قیشقیریب ددی: «قولاق آسین! قولاق آسین! خاهئش ادئرم، یوآبا دیئن: ”بورایا یاخینلاش، سنه سؤزوم وار.“» 17یوآب اونا یاخینلاشاندا آرواد سوروشدو: «یوآب سنسن؟» او جاواب وردی: «بلی، منم.» آرواد اونا ددی: «سن بو کنئزئنئن سؤزونه قولاق آس.» یوآب ددی: «اشئدئرم.» 18آرواد سؤزونه داوام وردی: «قدئم زامانلاردا دئیَردئلر ”آبِلده مصلحت آلین.“ و داعوانی بله حلّ اِدَردئلر. 19من صولح سِوَن و ائسرایئله وفالی آداملاردان بئرئیَم. سن ائستهیئرسن کی، ائسرایئلده شهرلرئن آناسی اولان بئر شهری داغیداسان. نه اوچون ائستهیئرسن کی، ربّئن ائرثئنی محو ادهسن؟» 20یوآب جاواب وردی: «ائراق اولسون، مندن ائراق اولسون کی، داغیتماق و یا محو اتمک نئیّتئنده اولام! 21مطلب بله دیئل. لاکئن اِفرایئمئن داغلیق بؤلگهسئندن بئکری اوغلو شِبَع آدلی بئر آدام، داوود پادشاهین ضئدّئنه عوصیان قالدیریب. فقط اونو بئزه ورئن، من ده بو شهردن چکئلهرم.» آرواد یوآبا ددی: «باخ، اونون باشی، شهر دوواریندان سنه آتیلاجاق.» 22آرواد آغیلّی تَرپهنئب خالقینین یانینا گتدی. اونلار دا بئکری اوغلو شِبَعئن باشینی کسئب یوآبا آتدیلار. بوندان سونرا یوآب شیپور چالدی و قوشون شهرئن موحاصئرهسئندن چکئلدی. هامی اؤز اِوئنه قاییتدی. یوآب دا اورشلئمه، پادشاهین یانینا قاییتدی.
23یوآب بوتون ائسرایئل قوشونونون باشچیسی ائدی. یِهویاداعین اوغلو بِنایا کِرِتلیلرئن و پِلِتلیلرئن باشچیسی ائدی. 24اَدورام ائجباری ائشچئلرئن باشچیسی و اَخئلود اوغلو یِهوشافاط دا سالنامهچی ائدی. 25شِوا مئرزه، صادوق و اِبیاتار دا کاهئن ائدئلر، 26یاعئرلی عئرا دا داوودون کاهئنی ائدی.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company