۲سالنامهلر 5
5
1بلهجه ربّئن معبدی اوچون سولیمانین گؤردویو بوتون ائشلر قورتاردی. سولیمان آتاسی داوودون تقدئس اتدئیی قیزیل-گوموشو و بوتون اشیالاری ائچهری گتئرئب، تارینین معبدئنئن خزئنهلرئنه قویدو.
عهد ساندیغینین معبده گتئرئلمهسی
(۱پاد. ۸:۱-۱۱)
2او زامان سولیمان ائسرایئلئن آغساقّاللارینی، بوتون قبئله باشچیلارینی، یعنی ائسرایئل اؤولادلارینین نسئل رهبرلرئنی اورشلئمه، اؤزونون یانینا ییغدی کی، ربّئن عهد ساندیغینی داوودون شهری اولان صَحیوندان گتئرسئنلر. 3یدّئنجی آیدا اولان بایرام واختی بوتون ائسرایئل خالقی پادشاهین یانینا ییغیلدی. 4سونرا بوتون ائسرایئل آغساقّاللاری گلدئلر و لاوئلیلر ساندیغی گؤتوردولر. 5لاوئلی کاهئنلر اونونلا بئرلئکده حوضور چادیرینی و چادیردا اولان بوتون موقدّس اشیالاری گتئردئلر. 6سولیمان پادشاه و اونون یانینا ییغیلمیش بوتون ائسرایئل جاماعاتی، ساندیغین قاباغیندا او قدر قویون-کچی و گامیش قوربان کَسدئلر کی، چوخلوغونا گؤره سایی-حسابا گلمَزدی. 7کاهئنلر ربّئن عهد ساندیغینی معبدئن ائچ اوتاغینا، یعنی لاپ موقدّس یره، کَرّوبلارین قانادلاری آلتینداکی اؤز یرئنه گتئردئلر. 8کَرّوبلار قانادلارینی ساندیغین یری اوستونده آچمیشدیلار و ساندیغی و اونون دئرَکلرئنی یوخاریدان اؤرتموشدولر. 9دئرَکلر اله اوزون ائدی کی، اونلارین اوجو ائچ اوتاغین قاباغینداکی موقدّس یردن گؤرونوردو، آنجاق باییر طرفدن گؤرونموردو. اونلار بو گونه قدر اورادادیرلار. 10ساندیقدا هچ بئر شی یوخ ائدی، مگر موسانین خورِبده قویدوغو ائکی لؤوحه. رب اورادا، ائسرایئل اؤولادلارینین مئصئردن چیخدیقلاری واخت، اونلارلا عهد باغلامیشدی.
11کاهئنلر موقدّس یردن چیخدیلار. حاضیر اولان کاهئنلرئن هامیسی بؤلمهلرئنی گؤزلَمهدن اؤزلرئنی تقدئس اتمئشدئلر. 12نغمه اوخویان لاوئلیلرئن هامیسی دا، آساف، هِیمان، یِدوتون و اونلارین اوغوللاری ائله قوحوملاری نازئک کتان گِیئنمئش، سئنجلر، چنگلر و طنبورلارلا قوربانگاهین شرق طرفئنده دایاندیلار و اونلارلا برابر یوز ائیئرمی کاهئن کَرهنای چالیردی. 13کَرهنای چالانلار و نغمهچئلر بئر سَسله ربّه حمد و شوکور اتمکله سَسلرئنی بئرلئکده اوجالتدیلار. کَرهنایلارین، سئنجلرئن، و باشقا موسئقی آلَتلرئنئن سَسی اوجالاندی. اونلار ربّه حمد ادئب ددئلر: «او، دوغرودان یاخشیدیر، چونکی محبّتی ابدیدئر.» او واخت ربّئن معبدی بئر بولودلا اله دولدو کی، 14کاهئنلر او بولودا گؤره اورادا دایانیب خئدمت اده بئلمهدئلر، چونکی ربّئن شؤوکتی تارینین معبدئنی دولدورموشدو.
Currently Selected:
۲سالنامهلر 5: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
