۲سالنامهلر 29
29
یهودا پادشاهی خئزقئیا
(۲پاد. ۱۸:۱-۳)
1خئزقئیا، پادشاه اولدوغو واخت، ائیئرمی بش یاشیندا ائدی و اورشلئمده ائیئرمی دوقّوز ائل پادشاهلیق اتدی. آناسی زِکَرئیّا قیزی اَبئیا ائدی. 2خئزقئیا، آتاسی داوودون اتدئیی کئمی، ربّئن گؤزونده دوغرو اولان ائشلر اتدی.
معبدئن تمئزلَنمهسی
3خئزقئیا، پادشاهلیغینین بئرئنجی ائلئنده، بئرئنجی آیدا، ربّئن معبدئنئن قاپیلارینی آچدی و اونلاری تعمئر اتدی. 4کاهئنلری و لاوئلیلری چاغیردی، اونلاری شرق میدانینا ییغدی. 5خئزقئیا اونلارا ددی: «ای لاوئلیلر، منی اِشئدئن! ائندی اؤزونوزو و آتالارینیزین تاریسی ربّئن معبدئنی تقدئس ادئن و موقدّس یردن نجئس شیلری چیخاردین. 6آتالاریمیز وفاسیز اولوب تاریمیز ربّئن نظرئنده پئس اولان ائشلر ادئبلر و اونو ترک ادئبلر. ربّئن خیمهسئندن اوز دؤندَرئب اونا آرخا چِوئرئبلر. 7ایوانین قاپیلارینی دا باغلاییبلار، چیراقلاری سؤندوروبلر، ائسرایئل تاریسینین موقدّس یرئنده بوخور یاندیرماییبلار و یاندیرما قوربانلاری گتئرمهیئبلر. 8بونا گؤره ده ربّئن قضبی یهودانین و اورشلئمئن اوستونه گلدی و گؤزلرئنئزله گؤردویونوز کئمی اونلاری دهشت، تشوئش و حقارت آلتینا سالدی. 9اونا گؤره ده آتالاریمیز قیلینجلا اؤلدورولموش، اوغوللاریمیز، قیزلاریمیز و آروادلاریمیز اسئرلئکدهدئر. 10ائندی اورهیئمه قویموشام کی، ائسرایئلئن تاریسی ربله عهد باغلاییم، اِله کی، اؤز آلوولانان قضبئنی بئزدن دؤندَرسئن. 11اوغوللاریم، لاقید اولمایین، چونکی رب سئزی سِچئب کی، اونون حوضوروندا دوروب خئدمت ادهسئنئز و اونون بوخور یاندیران خئدمتچئلری اولاسینیز.»
12لاوئلیلردن بو آداملار قالخدیلار: قوحات نسلئندن عَماسهی اوغلو مَخَت و عَزَریا اوغلو یواِل؛ مِراری نسلئندن عَبدی اوغلو قئش و یِهَللِلِل اوغلو عَزَریا؛ گِرشون نسلئندن زئمّا اوغلو یوآخ و یوآخ اوغلو عِدِن؛ 13اِلئصافان نسلئندن شئمری و یِعیاِل؛ آساف نسلئندن زِکَرئیّا و مَتّنهی؛ 14هِیمان نسلئندن یِخیاِل، شئمعی و یِدوتون نسلئندن شِمَعیا و اوزّیاِل. 15اونلار قارداشلارینی ییغدیلار و اؤزلرئنی تقدئس اتدئلر. پادشاهین امر اتدئیی کئمی، ربّئن سؤزلرئنه گؤره گتدئلر کی، ربّئن معبدئنی تمئزلهسئنلر. 16کاهئنلر ده ربّئن معبدئنئن ائچ حئصّهسئنه گئردئلر کی، اورانی تمئزلهسئنلر و ربّئن معبدئنده تاپدیقلاری هر نجئس شیی معبدئن حَیَطئنه چیخارتدیلار. سونرا لاوئلیلر اونلاری گؤتوروب باییرا، قئدرون درهسئنه آپاردیلار. 17بئرئنجی آیین بئرئنجی گونونده تقدئساتمه ائشئنه باشلادیلار و همئن آیین سکّئزئنجی گونونده ربّئن ایوانینا قدر چاتدیلار. سکّئز گونده ربّئن معبدئنی تقدئس اتدئلر و بئرئنجی آیین اون آلتینجی گونونده باشا چاتدیردیلار.
18سونرا خئزقئیا پادشاهین یانینا گلئب ددئلر: «بئز ربّئن بوتون معبدئنی، یاندیرما قوربانلارینین گتئرئلدئیی قوربانگاهینی و اونون بوتون آوادانلیغینی، تقدئم چؤرکلری قویولان مئزی و اونون بوتون لوازئماتینی تمئزلهدئک. 19آخاز پادشاهین پادشاهلیغی زامانیندا، خائنلئکله آتدیغی بوتون اشیالاری دا حاضیرلادیق و تقدئس اتدئک. ائندی اونلار ربّئن قوربانگاهی قاباغیندادیرلار.»
20خئزقئیا پادشاه سحر تزدن دوردو و شهرئن ریئسلرئنی ییغیب ربّئن معبدئنه گتدی. 21پادشاهلیق، موقدّس مکان، و یهودا اوچون یدّی گامیش، یدّی قوچ، یدّی قوزو و یدّی اِرکَک کچی یاندیرما قوربانی گتئردئلر. او، هارون نسلئندن اولان کاهئنلره امر اتدی کی، اونلاری ربّئن قوربانگاهیندا تقدئم اتسئنلر. 22گامیشلاری کَسدئلر و کاهئنلر قانی گؤتوروب قوربانگاها سَپدئلر، قوچلاری کَسدئلر و قانی قوربانگاها سَپدئلر، قوزولاری کَسدئلر و قانی قوربانگاها سَپدئلر. 23سونرا اِرکَک کچئلری ده کی، گوناه قوربانی ائدی، پادشاهین و جاماعاتین قاباغینا گتئردئلر و اَللرئنی اونلارین اوستونه قویدولار. 24کاهئنلر اونلاری کَسدئلر و قانلارینی قوربانگاها آخیتدیلار کی، بوتون ائسرایئللیلرئن گوناهلارینی کفّاره اتسئن. چونکی پادشاه امر اتمئشدی کی، یاندیرما قوربانی و گوناه قوربانی بوتون ائسرایئل اوچون گتئرئلسئن.
25داوودون، پادشاهین گؤروجوسو جادین و پیغمبر ناتانین امرئنه گؤره، خئزقئیا لاوئلیلری سئنجلرله، چنگلرله و طنبورلارلا ربّئن معبدئنه تعیئن اتدی. بو امر پیغمبرلر واسئطهسیائله ربدن گلمئشدی. 26لاوئلیلر داوودون موسئقی آلَتلری ائله، کاهئنلر ده کَرهنایلارلا دایاندیلار. 27خئزقئیا امر اتدی کی، یاندیرما قوربانی قوربانگاهدا تقدئم ادئلسئن. یاندیرما قوربانینین تقدئمی باشلاناندا، کَرهنایلارین و ائسرایئل پادشاهی داوودون موسئقی آلَتلرئنئن سَسی آلتیندا ربّئن نغمهسی ده باشلاندی. 28بوتون جاماعات سجده اتدی، نغمهچئلر نغمه اوخودولار، کَرهنایلار چالانلار چالدیلار. بونلارین هامیسی یاندیرما قوربانینین تقدئمی قورتارانا قدر داوام وردی. 29یاندیرما قوربانینین تقدئمی قورتاراندا، پادشاه و یانیندا اولانلارین هامیسی اَیئلئب سجده اتدئلر. 30خئزقئیا پادشاه و ریئسلر لاوئلیلره امر اتدئلر کی، داوودون و گؤروجو آسافین سؤزلری ائله ربّه حمد اوخوسونلار. اونلار شادلیقلا حمد اوخودولار و اَیئلئب سجده اتدئلر.
31سونرا خئزقئیا ددی: «ائندی کی، اؤزونوزو ربّه وقف ادئبسئنئز، یاخین گلئن، ربّئن معبدئنه قوربانلار و شوکور تقدئملری گتئرئن.» جاماعات قوربانلار و شوکور تقدئملری گتئردئلر، اورهیی ائستهیَنلرئن هامیسی یاندیرما قوربانلاری تقدئم اتدئلر. 32جاماعاتین گتئردئیی یاندیرما قوربانلارینین سایی یتمئش گامیش، یوز قوچ، ائکی یوز قوزو ائدی. بونلارین هامیسی ربّه یاندیرما قوربانی گتئرئلدی. 33تقدئس اولونان حیوانلارین سایی دا آلتی یوز گامیش و اوچ مئن قویون ائدی. 34آمّا کاهئنلر آز ائدئلر و بوتون یاندیرما قوربانلارینین دَرئسئنی سویا بئلمهدئلر. ائش قورتارانا قدر، کاهئنلر ده اؤزلرئنی تقدئس ادنه قدر، قارداشلاری لاوئلیلر، کاهئنلره کؤمک اتدئلر. چونکی لاوئلیلر کاهئنلردن آرتیق خالئص اورَکله اؤزلرئنی تقدئس اتمئشدئلر. 35باریش قوربانلارینین پئیی و یاندیرما قوربانلاری ائله بئرلئکده گتئرئلمئش مایع تقدئملر ده چوخ ائدی. بلهجه ربّئن معبدئنئن خئدمتی تزهدن باشلاندی. 36خئزقئیا و بوتون خالق تارینین خالق اوچون گؤردویو ائشئنه گؤره سِوئندئلر. چونکی بو ائش گؤزلَنئلمهدن اولموشدو.
Currently Selected:
۲سالنامهلر 29: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
