۲سالنامهلر 27
27
یهودا پادشاهی یوتام
(۲پاد. ۱۵:۳۲-۳۸)
1یوتام، پادشاه اولدوغو واخت، ائیئرمی بش یاشیندا ائدی و اورشلئمده اون آلتی ائل پادشاهلیق اتدی. آناسی صادوقون قیزی یِروشا ائدی. 2یوتام آتاسی عوزّئیانین اتدئیی کئمی، ربّئن گؤزونده دوغرو اولان ائشلر اتدی، آمّا ربّئن معبدئنه گئرمهدی. خالق حله ده فساد ائشلهدئردی.
3او، ربّئن معبدئنئن یوخاری دروازاسینی دوزَلتدی، عوفِل دوواریندا چوخ تعمئرات اتدی. 4یهودانین داغلیق بؤلگهسئنده شهرلر، مِشهلرده ده قالالار و بورجلر تئکدی. 5یوتام عَمّونلولار پادشاهینین ضئدّئنه ووروشدو و اونلاری مغلوب اتدی. عَمّونلولار اونا او ائل یوز تالانت#27.5 تقرئبن ۴۵/۳ تون گوموش و اون مئن کور#27.5 تقرئبن ۱۸۰۰ تون بوغدا، اون مئن کور آرپا وردئلر. ائکئنجی و اوچونجو ائل ده عَمّونلولار اونا بو قدر وردئلر. 6یوتام قووّتلَندی، چونکی تاریسی ربّئن حوضوروندا اؤز یوللارینی دوزَلتمئشدی. 7یوتامین قالان ائشلری، بوتون دؤیوشلری و عمللری بارهده ائسرایئل و یهودا پادشاهلارینین کئتابیندا یازیلیبدیر. 8او، پادشاه اولدوغو واخت، ائیئرمی بش یاشیندا ائدی و اورشلئمده اون آلتی ائل پادشاهلیق اتدی. 9یوتام اؤلوب آتالاری ائله یاتدی و اونو داوودون شهرئنده باسدیردیلار. اونون یرئنه اوغلو آخاز پادشاه اولدو.
Currently Selected:
۲سالنامهلر 27: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
