۲سالنامهلر 16
16
آسا ائله ائسرایئل پادشاهی بَعشانین موحارئبهسی
(۱پاد. ۱۵:۱۷-۲۲)
1آسانین پادشاهلیغینین اوتوز آلتینجی ائلئنده ائسرایئل پادشاهی بَعشا یهودایا هوجوم اتدی و راما شهرئنی گوجلَندئردی کی، یهودا پادشاهی آسانین یانینا گلئب-گِدنلره مانع اولسون. 2آسا ربّئن معبدئنئن و پادشاه سارایینین خزئنهلرئندن قیزیل-گوموشو گؤتوردو و اونلاری دَمَشقده یاشایان اَرام پادشاهی بِن-هَدَده بو خبرله گؤندَردی: 3«نجه سنئن آتانلا منئم آتام آراسیندا سازئش وار ائدی، قوی بئزئم آرامیزدا دا سازئش اولسون. باخ، سنه قیزیل-گوموش گؤندَرمئشم؛ گت ائسرایئل پادشاهی بَعشا ائله اولان سازئشئنی پوز کی، مندن گری چکئلسئن.» 4بِن-هَدَد آسا پادشاها قولاق آسدی و قوشون باشچیلارینی ائسرایئل شهرلرئنئن اوستونه گؤندَردی. اونون قوشونلاری عئیّونو، دانی، آبِلمایئمی و نَفتالئنئن بوتون آنبار شهرلرئنی اَله کچئرتدئلر. 5بَعشا بونو اشئتدئکده رامانی تئکمهیی دایاندیردی و ائشئنی بوراخدی. 6آسا پادشاه بوتون یهودالیلاری یانینا ییغدی. اونلار رامادا بَعشانین تئکمکده اولدوغو یرلرئن داشلارینی و دئرَکلرئنی داشیدیلار. آسا بونلارلا گئبعانی و مئصپانی تئکدی.
7او واخت گؤروجو خَنانی، یهودا پادشاهی آسانین یانینا گلئب اونا ددی: «ائندی کی تارین ربّه یوخ، اَرام پادشاهینا بِل باغلادین، بونا گؤره ده اَرام پادشاهینین قوشونو سنئن اَلئندن قاچدی. 8مگر کوشلولار و لوبلولار دؤیوش آتلی و دؤیوش عارابالاری ائله چوخ بؤیوک بئر قوشون دیئلدئلر؟ لاکئن ربّه بِل باغلادیغین اوچون، او دا اونلاری سنه تسلئم اتدی. 9چونکی ربّئن گؤزلری یر اوزونو سِیر ادئر کی، اورهیی کامئل بئر شکئلده اونونلا اولانلاری قووّتلَندئرسئن. آغیلسیزلیق اتدئن. دوغرودان دا ائندئدن بله موحارئبهلرئن اولاجاق.» 10آسا گؤروجویه قضبلَندی و اونو زئندانا سالدی، چونکی بونون اوچون اونا حئدّتلَنمئشدی. او واخت آسا خالقدان بعضئلرئنه ظولم اتدی.
آسانین پادشاهلیغینین آخیری
(۱پاد. ۱۵:۲۳-۲۴)
11آسانین ائشلری، ائلک ائشلرئندن آخیر ائشلرئنه قدر، باخ، یهودا و ائسرایئل پادشاهلارینین کئتابیندا یازیلیبدیر. 12آسانین پادشاهلیغینین اوتوز دوقّوزونجو ائلئنده، اونون آیاقلارینا مرض دوشدو، ناخوشلوغو گت-گده آغیرلاشدی، لاکئن ناخوش اولدوقدا دا ربّی یوخ، حکئملری آختاردی. 13آسا پادشاهلیغینین قیرخ بئرئنجی ائلئنده اؤلوب آتالاری ائله یاتدی. 14اونو داوودون شهرئنده اؤزو اوچون قازدیغی قبئرده باسدیردیلار و اونو گؤزل ادوئیّات و هر جور قاتیشمیش عطرئیّاتلا دولو یاتاغا قویدولار. اونون خاطئرئنه چوخ بؤیوک بئر اود قالاسی یاندیردیلار.
Currently Selected:
۲سالنامهلر 16: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
