۱سمویئل 24
24
داوودون شاعولا رحمی گلئر
1شاعول فئلئسطلیلرئن تعقئبئندن دؤنَنده اونا بله خبر ورئلدی: «داوود عِینگِدی صحراسیندادیر.» 2او بوتون ائسرایئلدن اوچ مئن سچمه آدام گؤتوروب، داوودلا آداملارینی آختارماق اوچون داغ کچئلری قایالیغینین یاخینلیغینا گتدی. 3یول کنارینداکی قویون آغیللارینا گلدی. اورادا بئر ماغارا وار ائدی. شاعول آیاق یولونا گتمک اوچون اورایا گئردی. داوود آداملاری ائله ماغارانین لاپ ائچهری طرفئنده اوتورموشدولار. 4داوودون آداملاری اونا ددئلر: «باخ، ربّئن سنه ددئیی گون بو گوندور کی، ”باخ دوشمنئنی سنه تسلئم ادهجیم، گؤزونده نه خوشدورسا، اونا ادهجکسن.“» داوود قالخیب گئزلئجه شاعولون جوبّهسئنئن اَتهیئندن کَسدی. 5سونرا شاعولون اَتهیئندن بئر پارچا کَسدئیئنه گؤره، داوودون وئجدانی ناراحات اولدو. 6اونا گؤره ده آداملارینا ددی: «ربّئن مسح اتدئیی آغاما اَل قالدیریب بله بئر ائش گؤرمهیی رب مندن اوزاق اتسئن، چونکی او، ربّئن مسح اولونموشودور.» 7داوود بو سؤزلرله آداملارینی قانع ادئب قویمادی کی، شاعولون ضئدّئنه قالخسینلار. شاعول ماغارادان چیخیب یولونا داوام وردی.
8اوندان سونرا داوود قالخیب ماغارادان چیخدی و شاعولون دالیسیجا چیغیردی: «آغام پادشاه!» شاعول آرخایا باخدی. داوود اوزو اوسته یرهجک تعظئم اتدی. 9داوود شاعولدان سوروشدو: «”داوود سنئن پئسلئیئنی ائستهیئر“ دئیَن آداملارین سؤزونه نئیه قولاق آسیرسان؟ 10باخ اؤز گؤزلرئنله گؤردون کی، بو گون رب ماغارادا سنی منه نجه تسلئم اتدی. منه تکلئف اتدئلر کی، سنی اؤلدوروم، لاکئن منئم سنه رحمئم گلدی. ددئم کی، آغامین ضئدّئنه اَل قالدیرمارام، چونکی او، ربّئن مسح اولونموشودور. 11ای آتام، اَلئمدهکئنه باخ، بو سنئن جوبّهنئن اَتهییدئر. جوبّهنئن اَتهیئندن کَسئب سنی اؤلدورمهدئیئمدن گؤر و آنلا کی، سنئن ضئدّئنه پئسلئک و قئیام اتمک اَلئمدن گلمئر. سن جانیمی آلماق اوچون منئم کمئنئمه اوتورارکن من سنئن ضئدّئنه گوناه اتمهمئشم. 12سنئنله منئم آرامدا قوی رب حؤکم اتسئن! قوی رب سندن منئم قئصاصیمی آلسین. من سنه اَل قالدیرمارام. 13نجه کی، قدئم زامانلاردان قالمیش مَثَل دیئر: ”پئسلئک پئسلردن چیخار.“ لاکئن منئم اَلئم سنئن ضئدّئنه قالخمایاجاق. 14ائسرایئلئن پادشاهی کئمئن ضئدّئنه چیخیب؟ سن کئمی قووورسان؟ اؤلو ائتی قووورسان، یوخسا بئر بئرهنی؟ 15قوی رب سنئنله منئم آرامدا داور اولوب حؤکم ورسئن. باخیب بو داعوامی او اتسئن و منی سنئن اَلئندن قورتارسین.»
16داوود بو سؤزلری شاعولا دیئب قورتاراندان سونرا شاعول ددی: «اوغلوم داوود، بو سنئن سَسئندئر؟» و اوجا سَسله آغلادی. 17سونرا داوودا ددی: «من سنئن قدر صالح دیئلم، سن منه یاخشیلیق اتدئن، حالبوکی، من سنه پئسلئک اتدئم. 18اِله بو گون منه اتدئیئن یاخشیلیغی بئلدئردئن، چونکی رب منی سنئن اَلئنه وردی، آمّا سن منی اؤلدورمهدئن. 19مگر ائنسان دوشمنئنی تاپاندا اونو سالامات بوراخار؟ بونا گؤره ده منه اتدئیئن بو گونکو ائشئنئن عوضئنی، رب سنه یاخشیلیقلا ورسئن. 20ائندی باخ، بئلئرم کی، سن قطعن پادشاه اولاجاقسان و ائسرایئلئن پادشاهلیغی سنئن اَلئنه کچئب برقرار اولاجاق. 21ائندی ربّئن حاقّی آدینا منه آند ائچ کی، مندن سونرا نسلئمی کسمیهجکسن و آتامین نسلئندن آدیمی سئلمَیهجکسن.» 22داوود شاعولا آند ائچدی و شاعول اِوئنه قاییتدی. داوود دا آداملاری ائله سیغیناجاغا چیخدی.
Currently Selected:
۱سمویئل 24: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
