۱سمویئل 22
22
1داوود گَت شهرئندن یولا چیخیب عَدوللام ماغاراسیندا گئزلَندی. قارداشلاری و آتاسینین اِو اهلی بونو اشئدنده اورایا اونون یانینا گلدئلر. 2وضعئیّتی آغیر اولان هر کس، بورجو اولان، ناراضی اولان هر کس اونون یانینا ییغیلدی و داوود اونلارین باشچیسی اولدو. ائندی اونون یانیندا دؤرد یوز نفره قدر آدام وار ائدی.
3داوود اورادان موآبین مئصپا شهرئنه گلئب موآب پادشاهینا ددی: «خاهئش ادئرم، تارینین منه نه ادهجیئنی بئلَنه قدر، قوی آتاملا آنام گلئب یانیندا قالسین.» 4داوود اونلاری موآب پادشاهینین یانیندا قویدو و اؤزو قالادا قالدیغی مودّتده، آتا و آناسی موآب پادشاهینین یانیندا قالدیلار. 5جاد پیغمبر داوودا ددی: «سن قالادا قالما، یهودا دئیارینا گت.» داوود اورادان چیخیب خِرِت مِشهسئنه گتدی.
شاعولون نوبداکی کاهئنلری اؤلدورمهسی
6شاعول اشئتدی کی، داوودلا یانینداکی آداملارین یری بَلّی اولوب. او، گئبعاداکی بئر تپهده، گَز آغاجینین آلتیندا اوتورموشدو و اَلئنده بئر نئزه وار ائدی، بوتون اعیانلاری دا اطرافیندا دایانمیشدیلار. 7شاعول اونلارا ددی: «قولاق آسین، ای بِنیامئنلیلر! مگر یَسّهنئن اوغلو سئزئن هامینیزا زَمئلر و اوزوملوکلر وِرَر؟ مگر هامینیزی مئنباشی و یوزباشی اِدَر؟ 8چونکی هامینیز منئم اوچون فئتنه قوروبسونوز، منئم اوغلوم یَسّهنئن اوغلو ائله عهد باغلایان زامان، بونو قولاغیما چاتدیران اولمادی و هچ بئرئنئزئن منه یازیغی گلمهدی. اوغلوم منئم اوستومه قولومو قیزدیریر کی، منه کمئن قورسون، نجه کی، بو گوندور. و بونو قولاغیما چاتدیران یوخدور.» 9لاکئن اِدوملو دواِق ده کی، شاعولون اعیانلارینین یانیندا دایانمیشدی، شاعولا ددی: «یَسّهنئن اوغلونو نوبدا، اَخئطوب اوغلو اَخئمِلِکئن یانینا گلنده گؤردوم. 10اورادا اَخئمِلِک داوود اوچون ربدن مصلحت ائستهدی و اونا هم ارزاق، هم ده فئلئسطلی گولیاتین قیلینجینی وردی.»
11او زامان پادشاه آدام گؤندَردی کی، اَخئطوب اوغلو کاهئن اَخئمِلِکی، آتاسینین بوتون عایئلهسئنی، و نوبدا اولان کاهئنلری اونون یانینا گتئرسئنلر. اونلارین هامیسی پادشاهین یانینا گلدی. 12شاعول ددی: «ای اَخئطوب اوغلو، ائندی منی قولاق آس.» اَخئمِلِک ددی: «بویورون، آغام.» 13شاعول ددی: «نه اوچون سن و یَسّهنئن اوغلو منئم ضئدّئمه فئتنه قوروبسونوز و سن اونا چؤرک و قیلینج ورئبسن، تاریدان دا اونون اوچون مصلحت ائستهیئبسن؟ بونون اوچون کی، منئم ضئدّئمه قالخسین و بو گونکو کئمی منه کمئن قورسون؟» 14اَخئمِلِک پادشاها جاواب وردی: «بوتون اعیانلارینین آراسیندا داوود کئمی وفالیسی مگر وار؟ او، پادشاهین کورهکنی، موحافئظهچئلرئن باشچیسی و سنئن اِوئنده مؤحترم ساییلان آدامدیر. 15اونون اوچون تاریدان مصلحت ائستمهیی مگر او گوندن باشلامیشام؟ اصلا! پادشاهیم بو قولونا و آتامین عایئلهسئنه شر آتماسین، چونکی قولونون بو ائشدن هچ بئر خبری یوخدور.» 16لاکئن پادشاه ددی: «ای اَخئمِلِک، سن و آتانین اِو اهلی قطعن اؤلمهلیسئنئز.» 17پادشاه یانینداکی گودوکچو عسگرلره ددی: «دؤنون، ربّئن کاهئنلرئنی اؤلدورون. اونا گؤره کی، اونلار دا داوودلا بئرلهشئبلر. چونکی اونون قاچدیغینی بئلئردئلر، لاکئن بو خبری قولاغیما چاتدیرمادیلار.» آمّا پادشاهین آداملاری ائستمهدئلر کی، ربّئن کاهئنلرئنه اَل قالدیریب اؤلدورسونلر. 18پادشاه اِدوملو دواِقه ددی: «دؤن، بو کاهئنلره هوجوم ات.» اِدوملو دواِق دؤنوب کاهئنلره هوجوم اتدی و او گون کتان اِفود گئیَن هشتاد بش کاهئنی اؤلدوردو. 19سونرا او، کاهئنلرئن شهری اولان نوبو دا قیلینجدان کچئرتدی. بوتون کئشئلری، آروادلاری، اوشاقلار و کؤرپهلری، اِلهجه ده اؤکوزلری، اِششَکلری و قویونلاری قیلینجدان کچئرتدی.
20اَخئطوبون اوغلو اَخئمِلِکئن اوغوللاریندان اِبیاتار آدلی بئر نفر قورتولوب داوودون یانینا قاچدی. 21اِبیاتار داوودا خبر وردی کی، شاعول ربّئن کاهئنلرئنی اؤلدوروب. 22داوود اِبیاتارا ددی: «او گون اِدوملو دواِق اورادا اولاندا یقئن بئلئردئم کی، بونو شاعولا چاتدیراجاق. آتانین بوتون اِو اهلئنئن قیریلماسینا سبب من اولدوم. 23یانیمدا قال، قورخما، چونکی منئم جانیمی آلماق ائستهین سنئن ده جانینی آلماق ائستهیئر. منئم یانیمدا سالامات قالارسان.»
Currently Selected:
۱سمویئل 22: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
