۱سالنامهلر 9
9
اسئرلئکدن اورشلئمه قاییدانلار
1بلهجه بوتون ائسرایئللیلر نسئل شجرهلرئنده قید اولموشدو و بونلار ائسرایئل پادشاهلارینین کئتابیندا یازیلمیشدیر.
یهودالیلار خائنلئکلرئنه گؤره بابئله اسئر آپاریلمیشدیلار. 2ائسرایئللیلردن بئرئنجی آداملار کی، مولکلرئنه قاییدیب اورادا ساکئن اولدولار، کاهئنلر، لاوئلیلر و معبد قوللوقچولاری ائدئلر. 3اورشلئمده ده یهودالیلاردان، بِنیامئنلیلردن، اِفرایئملیلردن و مِنَسّهلیلردن اولان بو آداملار تزهدن ساکئن اولدولار. 4یهودانین اوغلو پِرِصئن نسلئندن: بانی اوغلو ائمری اوغلو عومری اوغلو عَمّئهود اوغلو عوتهی. 5شئلونون نسلئندن: ائلک اوغلو عَسایا و اونون اوغوللاری. 6زِرَخئن نسلئندن: یِعواِل و اونون قوحوملاری. هامیسی بئرلئکده آلتی یوز دوخسان نفر ائدئلر. 7بِنیامئنئن نسلئندن: هَسّنوعا اوغلو هودَویا اوغلو مِشولّام اوغلو سَلّو، 8یِروخام اوغلو یئبنِیا، مئکری اوغلو عوزّی اوغلو اِلا و یئبنِیا اوغلو رِعواِل اوغلو شِفَطیا اوغلو مِشولّام. 9اونلار قوحوملاری ائله بئرلئکده نسئل شجرهلرئنه گؤره دوقّوز یوز اَلّی آلتی نفر ائدئلر. بونلارین هامیسی نسئل باشچیلاری ائدئلر.
10کاهئنلردن: یِدَعیا، یِهویارئب، یاکئن، 11تاری معبدئنئن ریئسی اَخئتوب اوغلو مِرایوت اوغلو صادوق اوغلو مِشولّام اوغلو خئلقئیا اوغلو عَزَریا، 12مَلکئیا اوغلو پَشخور اوغلو یِروخام اوغلو عَدایا و ائمّر اوغلو مِشئللِمئت اوغلو مِشولّام اوغلو یَخزِرا اوغلو عَدیاِل اوغلو مَعسهی. 13بونلار نسئل باشچیلاری ائدئلر. اونلار قوحوملاری ائله بئرلئکده، تاری معبدئنئن خئدمتی ائشئنده باجاریقلی اولان بو آداملار مئن یدّی یوز آلتمیش نفر ائدئلر.
14لاوئلیلردن: مِرارئنئن نسلئندن خَشَبیا اوغلو عَزرئقام اوغلو خَشّوب اوغلو شِمَعیا، 15بَقبَقّر، خِرِش، گالال، آساف اوغلو زئکری اوغلو مئکا اوغلو مَتّنهی، 16یِدوتون اوغلو گالال اوغلو شِمَعیا اوغلو عوبَدیا و اِلقانا اوغلو آسا اوغلو بِرِکیا کی، نِطوَفالیلارین کَندلرئنده یاشاییردی.
17معبد قاپیچیلاری: شَلّوم، عَقّوب، طَلمون، اَخئمَن و اونلارین قوحوملاری. شَلّوم اونلارین باشچیسی ائدی. 18اونلار بو گونه قدر ده معبدئن شرق طرفدهکی پادشاه قاپیسیندا کشئک چکئرلر. لاوئلیلرئن دوشَرگه قاپیچیلاری بونلاردیر. 19قورَخ اوغلو اِبیاساف اوغلو قورِه اوغلو شَلّوم و اونون قورَخ نسلئندن اولان قوحوملاری معبدئن آستانالاریندا کشئکچئلرئن خئدمت ائشئنه باشچیلیق ادئردئلر. اونلارین بابالاری ربّئن دوشَرگهسئنه گئرهجک یِرئنئن کِشئیئنی چکئردی. 20اَوّللر اِلعازار اوغلو پئنِخاس اونلارین باشچیسی ائدی و رب اونونلا ائدی. 21حوضور چادیرینین گئرئشئنده مِشِلِمیا اوغلو زِکَرئیّا قاپیچی ائدی. 22آستانالاردا قاپیچی اولماق اوچون سِچئلَن بوتون بو آداملار ائکی یوز اون ائکی نفر ائدئلر. اونلار اؤز کندلرئنده نسئل شجرهلرئنده قید ادئلمئشدئلر. اونلاری وظئفهلرئنه داوود و گؤروجو سَمویئل تعیئن اتمئشدی. 23بو آداملار و اونلارین نسئللری ربّئن معبدئنئن قاپیلاریندا حتّا چادیردا کشئک چکئردئلر. 24بو کشئکچئلر معبدئن دؤرد طرفئنده، شرق، قرب، شئمال و جنوب قاپیلاریندا دوروردولار. 25اؤز کَندلرئنده یاشایان قوحوملاری، واختدان-واختا، یدّی گونلویه اونلارین یانینا گلمهلی ائدئلر. 26لاوئلی اولان دؤرد قاپیچیلار ریئسی تاری معبدئنئن اوتاقلارینین و خزئنهلرئنئن کِشئیئنه قویولموشدولار. 27اونلار گجه ده تاری معبدئنئن اطرافیندا قالیردیلار، چونکی اونون کِشئیئنی چکمک و هر سحر قاپیلاری آچماق اونلارین ائشی ائدی.
28اونلارین بعضئسی خئدمت قابلارینا باخیردی: بونلاری ساییب ائچهری گتئرئردئلر و ساییب اِشئیه آپاریردیلار. 29بعضئلری ده باشقا اشیالارا، موقدّس مکانین بوتون شیلرئنه، نارین اون، شراب، زیتون یاغی، کوندور و عطرئیّاتلار اوستونده نظارتچی قویولموشدولار. 30کاهئنلردن بعضئسی عطرئیّاتلاردان قاتیشیق مادّه حاضیرلاییردیلار. 31کؤکهلرئن ساجدا پئشئرئلمهسی قورَخ نسلئندن اولان شَلّومون ائلک اوغلو لاوئلی مَتّئتیانین عؤهدهسئنده ائدی. 32اونلارین قوحات نسلئندن اولان قوحوملاریندان بعضئسئنه ده هر سَبّت گونو تقدئم چؤرهیئنئن حاضیرلانماسی تاپشیریلمیشدی. 33لاوئلیلرئن نسئل باشچیلاری اولان نغمهچئلر باشقا خئدمتدن آزاد اولوب، معبدئن اوتاقلاریندا قالیردیلار، چونکی اونلار گجه-گوندوز اؤز ائشلری ائله مشغول اولمالی ائدئلر. 34بونلار نسئل شجرهلرئنه گؤره لاوئلیلرئن نسئل باشچیلاری ائدئلر و اورشلئمده یاشاییردیلار.
پادشاه شاعولون اَجدادلاری و نسئللری
(۱سال. ۸:۲۸-۳۸)
35گئبعونون آتاسی یِعیاِل گئبعوندا یاشاییردی و آروادینین آدی مَعَکا ائدی. 36ائلک اوغلو عَبدون ائدی، او بئرئلری ده: سور، قئش، بَعَل، نِر، ناداب، 37جِدور، اَخیو، زِکَرئیّا و مِقلوت. 38مِقلوتدان شئمام گلدی. اونلار قوحوملارینین یانیندا، اورشلئمده قوحوملاری ائله بئرلئکده یاشاییردیلار. 39نِردن قئش گلدی، قئشدن ده شاعول. شاعولدان یوناتان، مِلکئشوعع، اَبئناداب و اِشبَعَل گلدی. 40یوناتانین اوغلو مَرئببَعَل ائدی. مَرئببَعَلدن مئکا تؤرهدی. 41مئکانین اوغوللاری: فئتون، مالَک، تَخرِعَع و آخاز. 42آخازدان یَهوعَدّه#9.42 عئبرانی متنئنده «یَعرا»، ۱سال. ۳۶:۸ گؤره «یَهوعَدّه» یازیلیر. گلدی، یَهوعَدّهدن ده عالِمِت، عَزماوِت و زئمری. زئمرئدن موصا گلدی. 43موصادان بئنعا گلدی. بئنعانین اوغلو رِفایا، اونون اوغلو اِلعاسا، اونون اوغلو اَصِل. 44اَصِلئن آلتی اوغلو وار ائدی، اونلارین آدلاری بلهدئر: عَزرئقام، بوکرو، ائسماعئل، شَعَریا، عوبَدیا و خَنان. بونلار اَصِلئن اوغوللاری ائدئلر.
Currently Selected:
۱سالنامهلر 9: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
