۱سالنامهلر 4
4
یهودانین نسئللری
1یهودانین اوغوللاری: پِرِص، خِصرون، کَرمی، خور و شوبال. 2شوبالین اوغلو رِآیادان یَخَت، یَخَتدن ده اَخومهی و لاهَد گلدی. بونلار صورعالیلارین نسئللری ائدئلر. 3عِطامین اوغوللاری بونلاردیر: یئزرِعِل، یئشما و یئدباش. اونلارین باجیسینین آدی خَصلِلفونیدئر. 4پِنواِلدن گِدور، عِصِردن ده خوشا گلدی. بونلار بیتلِحِمئن قوروجوسو اِفراتانین ائلک اوغلو خورون اؤولادلاریدیرلار. 5تقوعَعئن قوروجوسو اَشخورون ائکی آروادی وار ائدی: خِلا و نَعَرا. 6نَعَرا اونا بونلاری دوغدو: اَخوزّام، خِفِر، تِمانی و هااَخَشطاری. بونلار نَعَرانین اوغوللاری ائدئلر. 7خِلانین اوغوللاری: صِرِت، یئسخَر، اَتنان. 8قوس عانوب، صوبِبا و هاروم اوغلو اَخَرخِلئن نسئللرئنه آتا اولدو.
9یَعبِص قارداشلاریندان داها حؤرمتلی ائدی. آناسی اونون آدینی یَعبِص#4.9 عئبرانی دئلئنده «آغیر» قویموشدو، چونکی دمئشدی: «اونو آغری ائله دوغدوم.» 10یَعبِص ائسرایئلئن تاریسینی چاغیریب ددی: «کاشکی سن منه حقئقتن برکت ورهیدئن و تورپاقلاریمی گِنئشلَندئرهیدئن. کاشکی اَلئن منئمله اولایدی و منی شَردن قورویایدین کی، عذاب چکمهیئم.» تاری دا ائستهدئیی هر شیی اونا وردی.
11شوخانین قارداشی کِلوبدان مِخئر گلدی. مِخئردن اِشتون گلدی. 12اِشتوندان بِیت رافا، پاسِهاَخ، عئر و ناخاشین آتاسی تِخئنّا گلدی. بونلار رِکالیلاردیرلار. 13قِنَزئن اوغوللاری: عوتنیاِل و سِرایا. عوتنیاِلئن اوغوللاری خَتَت و 14عوفرانین قوروجوسو اولان مِعونوتهی. سِرایادان گِخَراشئم#4.14 عئبرانی دئلئنده «اوستالار درهسی» آتاسی یوآب گلدی. بو شهرئن ساکئنلری اوستالار اولدوغونا گؤره بله آدلانیردیلار. 15یِفونّهنئن اوغلو کالئبئن اوغوللاری: عئرو، اِلا و ناعَم. اِلانین اوغلو قِنَز ائدی. 16یِهَللِلِلئن اوغوللاری: زئف، زئفا، تئریا و اَسهرِل. 17عِزرانین اوغوللاری: یِتِر، مِرِد، عِفِر، یالون. مِرِدئن آرواد آلدیغی فئرعون قیزی بئتیانین اوغوللاری: مئریام، شَمّهی و اِشتِموعَعئن آتاسی یئشبَخ. 18یهودالی آروادی دا بونلاری دوغدو: گِدورون قوروجوسو یِرِد، سوکونون قوروجوسو خِبِر و زانواَخئن قوروجوسو یِقوتیاِل. 19نَخَمئن باجیسی حودئیانین آروادی ائدی. اونون اوغوللاریندان گَرملی قِعئلا و مَعَکالی اِشتِموعَعئن گلدی. 20شئمونون اوغوللاری: اَمنون، رئنّا، بِنخانان و تئلون. یئشعئنئن اوغوللاری: زوخِت و بِنزوخِت. 21یهودانین اوغلو شِلانین نسئللری: لِکانین آتاسی عِر، مارِشانین آتاسی لَعهدا و بِیت اَشبِعَعده اولان نازئک کتان توخویانلارین نسئللری، 22یوقئم و کوزِبالیلار، یوآش و ساراف کی، موآبدا و یاشوبی لِحِمده حؤکمدارلیق ادئردئلر. بو، قدئم حادئثهلردئر. 23اونلار کوزهگَر ائدئلر، نِتاعئمده و گِدِرادا یاشاییردیلار. پادشاه اوچون ائش گؤرهرک اورادا قالدیردیلار.
شئمعونون نسئللری
24شئمعونون اوغوللاری: نِمِهاول، یامئن، یارئب، زِرَخ و شاعول. 25شاعولون اوغلو شَلّوم، اونون اوغلو مئبسام، اونون اوغلو مئشماع. 26مئشماعین اوغوللاری: اونون اوغلو خَمّواِل، اونون اوغلو زَکّور، اونون اوغلو شئمعی. 27شئمعئنئن اون آلتی اوغلو و آلتی قیزی وار ائدی، لاکئن قارداشلارینین اوغوللاری چوخ دیئلدی و اونلارین بوتون نسلی یهودا اوغوللاری قدر چوخالمادی.
28اونلار بو یرلرده یاشاییردیلار: بئرشئبا، مولادا، خَصَرشوعال، 29بئلحا، عِصِم، تولاد، 30بِتوعِل، خورما، صئقلَگ، 31بِیت مَرکابوت، خَصَر سوسئم، بِیت بئری و شَعهرهیئم. داوودون پادشاهلیق اتدئیی دؤوره قدر اونلارین شهرلری بونلار ائدی. 32اونلارین قصبهلری بونلار ائدی: اِیتام، عَیئن، رئمّون، توکِن و عاشان؛ جَمی بش قصبه. 33بو قصبهلرئن اطرافیندا بَعَله قدر اولان بوتون کَندلر ده اونلارین یاشادیقلاری یرلر ائدی. اونلارین نسئل شجرهسی بلهدئر: 34مِشوباب، یَملِک، اَمَصیا اوغلو یوشا، 35یواِل، عَسیاِل اوغلو سِرایا اوغلو یوشئبیا اوغلو یِیهو، 36اِلیوعِنهی، یَعهقوبا، یِشوخایا، عَسایا، عِدیاِل، یِسئمیاِل، بِنایا، 37شِمَعیا اوغلو شئمری اوغلو یِدایا اوغلو اَلّون اوغلو شئفعی اوغلو زئزا. 38بو آدلاری چکئلَنلر نسئل رهبرلری ائدئلر و اونلارین نسئللری آرتیب چوخالمیشدی. 39اونلار گِدورون یاخینلیغینا، درهنئن شرق طرفئنه قدر گتدئلر کی، سورولری اوچون اوتلاق آختارسینلار. 40بول و یاخشی اوتلاق تاپدیلار، اؤلکه ده گِنئش، ساکئت و دئنج ائدی. اونلاردان قاباق اورادا خاملیلار یاشاییردی. 41بو آدلاری یازیلانلار، یهودا پادشاهی خئزقئیانین دؤورونده گلئب، اؤز چادیرلاریندا اولان خاملیلار و اورادا اولان مِعونلولاری قیردیلار. اونلاری کامئل محو ادئب یرلرئنده یاشادیلار، چونکی اورادا سورولری اوچون اوتلاق وار ائدی. بو گونه قدر ده بلهدئر. 42همئن شئمعونلولاردان بش یوز نفر سِعئر داغینا گتدئلر. یئشئعئن اوغوللاری پِلَطیا، نِعَریا، رِفایا و اوزّیاِل اونلارا باشچیلیق ادئردی. 43اونلار صاغ قالان عَمالِقلی قاچانلاری قیردیلار. اونلار بو گونه قدر ده اورادا یاشاییرلار.
Currently Selected:
۱سالنامهلر 4: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
