۱سالنامهلر 24
24
کاهئنلر و اونلارین خئدمت قایدالاری
1هارون نسلئنئن بؤلوکلری بونلاردیر. هارونون اوغوللاری: ناداب، اَبئهو، اِلعازار و ائتامار. 2لاکئن ناداب و اَبئهو آتالاریندان اوّل اؤلدو و اوغوللاری دا یوخ ائدی. بونا گؤره ده اِلعازار و ائتامار کاهئن اولدولار. 3داوود، اِلعازار نسلئندن صادوق و ائتامار نسلئندن اَخئمِلِکئن کؤمهیی ائله اونلاری خئدمت ائشلرئنه گؤره نؤوبهلره آییردی. 4اِلعازار نسلی آراسیندا ائتامار نسلئندن داها چوخ نسئل باشچیسی تاپیلدی، اونا گؤره ده اونلار بله بؤلوندولر: اِلعازار نسلئندن نسئل باشچیسی اون آلتی نفر، ائتامار نسلئندن نسئل باشچیسی سکّئز نفر. 5بلهجه اونلار پوشکله هَمَن قایدا ائله آیریلدیلار، چونکی هم اِلعازار نسلئندن، هم ده ائتامار نسلئندن موقدّس یرده و تارینین حوضوروندا دورماق اوچون باشچیلار وار ائدی. 6پادشاهین، ریئسلرئن، کاهئن صادوقون، اِبیاتار اوغلو اَخئمِلِکئن، کاهئنلرئن و لاوئلیلرئن نسئل باشچیلارینین قاباغیندا لاوئلی مئرزه نِتهنِل اوغلو شِمَعیا اونلاری قیده آلدی. بئر نسئل اِلعازار اوچون، او بئری ائتامار اوچون آلیندی.
7بئرئنجی پوشک یِهویارئبه، ائکئنجئسی یِدَعیایا، 8اوچونجوسو خارئمه، دؤردونجوسو سِعورئمه، 9بِشئنجئسی مَلکئیایا، آلتینجیسی مئیامئنه، 10یِدّئنجئسی هَقّوصه، سکّئزئنجئسی اَبئیایا، 11دوقّوزونجوسو یِشوعَعه، اونونجوسو شِکَنیایا، 12اون بئرئنجئسی اِلیاشئبه، اون ائکئنجئسی یاقئمه، 13اون اوچونجوسو خوپّایا، اون دؤردونجوسو یِشِبابا، 14اون بِشئنجئسی بئلگایا، اون آلتینجیسی ائمّره، 15اونیِدّئنجئسی خِزئره، اونسکّئزئنجئسی هَپّئصصِصه، 16اون دوقّوزونجوسو پِتَخیایا، ائیئرمئنجئسی یِخِزقِله، 17ائیئرمی بئرئنجئسی یاکئنه، ائیئرمی ائکئنجئسی گامولا، 18ائیئرمی اوچونجوسو دِلایایا، ائیئرمی دؤردونجوسو مَعَزیایا چیخدی. 19ائسرایئلئن تاریسی ربّئن امر اتدئیی کئمی آتالاری هارونون واسئطهسیائله اونلارا ورئلَن قایدالارینا گؤره، ربّئن معبدئنه گئرمک اوچون خئدمت ائشلری بله ائدی.
قالان لاوئلیلرئن سئیاهیسی
20لاوئلیلرئن قالان بؤلمهلری بونلاردیر: عَمرامین نسلئندن شوبااِل، شوبااِلئن نسلئندن یِخدِیا. 21رِخَبیالیلارا گلئنجه رِخَبیالی نسلئندن ائلک اوغلو یئشّئیا. 22یئصهارین نسلئندن شِلوموت، شِلوموتون نسلئندن یَخَت. 23خِبرونون اوغوللاری: ائلک اوغلو یِریا، ائکئنجئسی اَمَریا، اوچونجوسو یَخهزیاِل، دؤردونجوسو یِقَمعام. 24اوزّیاِلئن نسلئندن مئکا، مئکانین نسلئندن شامئر. 25مئکانین قارداشی یئشّئیا، یئشّئیانین نسلئندن زِکَرئیّا. 26مِرارئنئن اوغوللاری: مَخلی و موشی. یَعَزیانین اوغلو: بِنو. 27مِراری نسلئندن اولان یَعَزیانین اوغوللاری: بِنو، شوهَم، زَکّور و عئبری. 28مَخلینئن نسلئندن اِلعازار. اونون اوغلو یوخ ائدی. 29قئشئن نسلئندن یِرَخمِهاِل. 30موشینئن اوغوللاری: مَخلی، عِدِر و یِرئموت. بونلار نسئللرئنه گؤره لاوئلیلرئن بؤلوکلرئدئر. 31اونلار دا قوحوملاری اولان هارون نسلی کئمی پادشاه داوودون، صادوقون، اَخئمِلِکئن، کاهئنلرئن نسئل باشچیلارینین و لاوئلیلرئن قاباغیندا پوشک آتدیلار. بؤیوک نسئل باشچیلاری دا، قوحوملاری اولان کئچئک نسئل باشچیلاری دا هَمَن قایدا ائله پوشک آتدیلار.
Currently Selected:
۱سالنامهلر 24: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
