۱سالنامهلر 2
2
ائسرایئلئن اوغوللاری
1ائسرایئلئن اوغوللاری بونلاردیر: رِعوبئن، شَمعون، لاوی، یهودا، یئسّاکار، زِبولون، 2دان، یوسئف، بِنیامئن، نَفتالی، جاد و آشِر.
یهودانین نسئللری
3یهودانین اوغوللاری: عِر، اونان و شِلا. اونون بو اوچ اوغلو کَنَعانلی بَتشوعهدن دوغولدو. یهودانین ائلک اوغلو عِر ربّئن گؤزونده پئس آدام ائدی، اونا گؤره ده رب اونو اؤلدوردو. 4یهودانین گلئنی تامار اونا پِرِصی و زِرَخی دوغدو. یهودانین جَمئسی بش اوغلو وار ائدی.
5پِرِصئن اوغوللاری: خِصرون و خامول. 6زِرَخئن اوغوللاری: زئمری، اِیتان، هِیمان، کَلکول، و دارَع. بونلار جَمئسی بش نفر ائدی. 7کَرمئنئن اوغلو عاکار وقف اولونموش شیده خائنلئک ادئب، ائسرایئلی بلایا سالدی. 8اِیتانین اوغلو عَزَریا ائدی.
9خِصرونون اوغوللاری: یِرَخمیاِله، رام، و کِلوبای#2.9 یعنی کالئب.
داوودون اجدادلاری
10رام عَمّئنادابا آتا اولدو و عَمّئناداب یهودالیلارین رهبری نَخشونا آتا اولدو. 11نَخشوندان سَلما، سَلمادان دا بوعَز گلدی. 12بوعَز عوبِده آتا اولدو، و عوبِد یَسّهیه آتا اولدو. 13یَسّهنئن اوغوللاری بونلار ائدی: ائلک اوغلو اِلئآب، ائکئنجئسی اَبئناداب، اوچونجوسو شئمعا، 14دؤردونجوسو نِتهنِل، بِشئنجئسی رَدّی، 15آلتینجیسی اوصِم، یِدّئنجئسی داوود. 16اونلارین باجیلاری صِرویا و اَبئگائل ائدی. صِرویانین اوچ اوغلو وار ائدی: اَبشهی، یوآب، و عَساهِل. 17اَبئگائل عَماسانی دوغدو. عَماسانین آتاسی ائسماعئللی یِتِر ائدی.
خِصرونون باشقا نسئللری
18خِصرون اوغلو کالئبئن آروادی عَزوبا و یِرئعوت اونا اؤولادلار دوغدولار. کالئبئن عَزوبادان اولان اوغوللاری بونلاردیر: یِشِر، شوباب و اَردون. 19عَزوبانین اؤلوموندن سونرا، کالئب اِفراتی آرواد آلدی و او دا کالئبه خورو دوغدو. 20خوردان اوری، اورئدن ده بِصهلِل گلدی.
21بوندان سونرا خِصرون، آلتمیش یاشیندا ائکَن، گئلعادین آتاسی اولان ماکئرئن قیزینی آرواد آلدی؛ او، خِصرونا سِگوبو دوغدو. 22سِگوب یاعئرئن آتاسی ائدی. یاعئرئن گئلعاد تورپاغیندا ائیئرمی اوچ شهری وار ائدی. 23آمّا گِشور و اَرام اونلاردان یاعئرئن شهرلرئنی آلدیلار، بوندان علاوه، قِناتی و اونون قصبهلرئنی ده آلدیلار. جَمئسی آلتمیش شهری آلدیلار. بونلارین هامیسی گئلعادین آتاسی ماکئرئن نسئللری ائدی. 24خِصرون اؤلدوکدن سونرا، کالئب اِفراتایا گتدی، خِصرونون آروادی اَبئیا اونا تِقوعهنئن قوروجوسو اَشخورو دوغدو.
25خِصرونون ائلک اوغلو یِرَخمیاِلئن اوغوللاری: ائلک اوغلو رام، بونا، اورِن، اوصِم و اَخئیا. 26یِرَخمیاِلئن آیری بئر آروادی وار ائدی، اونون آدی عطارا ائدی. اونامین آناسی او ائدی. 27یِرَخمیاِلئن ائلک اوغلو رامین اوغوللاری: مَعَص، یامئن و عِقِر. 28اونامین اوغوللاری: شَمّهی و یاداع. شَمّهیئن اوغوللاری: ناداب و اَبئشور. 29اَبئشورون آروادینین آدی اَبئگائل ائدی. او، اَبئشورا اَخبانی و مولئدی دوغدو. 30نادابین اوغوللاری: سِلِد و اَپّهیئم. سِلِد اوغولسوز اؤلدو. 31اَپّهیئمئن اوغلو یئشعی ائدی. یئشعئنئن اوغلو شِشان ائدی. شِشانین اوغلو اَخلای ائدی. 32شَمّهیئن قارداشی یاداعین اوغوللاری: یِتِر و یوناتان. یِتِر اوغولسوز اؤلدو. 33یوناتانین اوغوللاری: پِلِت و زازا. بونلار یِرَخمیاِلئن نسئللری ائدئلر.
34شِشانین اوغوللاری یوخ ائدی، فقط قیزلاری وار ائدی. شِشانین بئر مئصئرلی قولو وار ائدی، اونون آدی یَرخاع ائدی. 35شِشان قولو یَرخاعیا قیزینی آرواد وردی. آروادی اونا عَتّهیی دوغدو. 36عَتّهیدن ناتان، ناتاندان دا زاباد گلدی. 37زاباددان اِفلال، اِفلالدان دا عوبِد گلدی. 38عوبِددن یِیهو، یِیهودان دا عَزَریا گلدی. 39عَزَریادان خِلِص، خِلِصدن ده اِلعاسا گلدی. 40اِلعاسادان سئسمهی، سئسمهیدن ده شَلّوم گلدی. 41شَلّومدان یِقَمیا، یِقَمیادان دا اِلئشاماع گلدی.
42یِرَخمیاِلئن قارداشی کالئبئن اوغوللاری: زئفئن آتاسی ائلک اوغلو مِیشاع، خِبرونون آتاسی مارِشا. 43خِبرونون اوغوللاری: قورَخ، تَپّواَخ، رِقِم و شِمَع. 44شِمَعدن یورقوعامین آتاسی رَخَم، رِقِمدن ده شَمّهی گلدی. 45شَمّهیئن اوغلو ماعون ائدی. ماعوندان بِیت صور گلدی. 46کالئبئن جارئیهسی عِیفا خارانی، موصانی و گازِزی دوغدو. خاران گازِزئن آتاسی ائدی. 47یاهدایین اوغوللاری: رِگِم، یوتام، گِیشان، پِلِت، عِیفا و شاعَف. 48کالئبئن جارئیهسی مَعَکا شِبِری و تئرخهنانی دوغدو. 49او، هم ده، مَدمَنّانین آتاسی شَعَفی، مَکبَنّهیئن و گئبعانین آتاسی شِوانی دوغدو. کالئبئن قیزی عَکسا ائدی. 50بونلار کالئبئن نسئللری ائدئلر.
اِفراتانین ائلک اوغلو خورون اوغوللاری بونلاردیر: قئریَتیِعهرئمئن آتاسی شوبال، 51بیتلِحِمئن آتاسی سَلما، بِیت گادِرئن آتاسی خارِف. 52قئریَتیِعهرئمئن آتاسی شوبالین نسئللری بونلاردیر: هارواِلیلر، مِنوخوتلولارین یاریسی. 53قئریَتیِعهرئمئن نسئللری: یِتِرلیلر، پوتلولار، شومالیلار، مئشرالیلار. بونلارین آراسیندان صورعالیلار و اِشتااوللولار چیخدیلار. 54سَلمانین نسئللری: بیتلِحِملیلر، نِطوَفالیلار، عَطِروت بِیت یوآبلیلار، مانهخَتلیلرئن یاریسی و صورعالیلار. 55یَعبِصده یاشایان مئرزهلرئن نسئللری: تئرعالیلار، شئمعاتلیلار، سوکاتلیلار. بونلار بِیت رِکابین آتاسی خَمّتئن نسلئندن اولان قئنلیلردئرلر.
Currently Selected:
۱سالنامهلر 2: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
