۱سالنامهلر 12
12
داوودا قوشولان دؤیوشچولر
1داوود، قئش اوغلو شاعولدان گئزلهنَن واخت بئر نِچه نفر صئقلَگه، داوودون یانینا گلدئلر. اونلار دؤیوشده اونا کؤمک ادن ائگئدلر آراسیندا ائدئلر. 2بو آداملار اوخ-کامانلا سئلاحلانیب، صاغ و سول اَلله ساپانددان داش آتماغی و کامانلا اوخ آتماغی باجاریردیلار. اونلار بِنیامئن نسلئندن، شاعولون قوحوملاریندان ائدئلر. 3اونلارین باشچیسی اَخئعِزِر، سوراسی یوآش. اونلارین ائکئسی ده گئبعالی شِماعانین اوغوللاری ائدئلر، عَزماوِتئن اوغوللاری یِزیاِل و پِلِت، بِراکا و عَناتوتلو یِیهو، 4اوتوز ائگئددن بئری اولان و اونلارا باشچیلیق ادن گئبعونلو یئشمَعیا. سونرا اِرِمیا، یَخهزیاِل، یوخانان، گِدِرالی یوزاباد، 5اِلوزهی، یِرئموت، بِعَلیا، شِمَریا، خَروفلو شِفَطیا، 6اِلقانا، یئشّئیا، عَزهرِل، یوعِزِر، یَشوبعام، قوراخلیلار، 7گِدورلو یِروخام اوغوللاری یوعِلا و زِبَدیا.
8جادلیلاردان سئپر و نئزه ائشلهده بئلَن، دؤیوشمهیی باجاران جنگاورلر داوودون طرفئنه کچدئلر و چؤلدهکی قالایا گلدئلر. اونلارین اوزلری شئر اوزو کئمی ائدی و داغلارداکی جیرانلار کئمی قاچا بئلئردئلر. 9بئرئنجئسی عِزِر ائدی، ائکئنجئسی عوبَدیا، اوچونجوسو اِلئآب، 10دؤردونجوسو مئشمَنّا، بِشئنجئسی اِرِمیا، 11آلتینجیسی عَتّهی، یِدّئنجئسی اِلیاِل، 12سکّئزئنجئسی یوخانان، دوقّوزونجوسو اِلزاباد، 13اونونجوسو اِرِمیا، اون بئرئنجئسی مَکبَنّهی. 14بو جادلیلار قوشون باشچیلاری ائدئلر. لاپ ضعئفی یوز آدامین، لاپ گوجلوسو ده مئن آدامین قاباغینا چیخا بئلردی. 15اونلار بئرئنجی آیدا، اوردون چایی بوتون ساحئللری بویو قالخیب داشاندا، اونو کچئب درهلرده یاشایانلارین هامیسینی شرقه و قربه طرف قوودولار.
16سونرا بِنیامئنلیلردن و یهودالیلاردان دا داوودون یانینا، قالایا آداملار گلدئلر. 17داوود اونلارین پئشوازینا چیخدی و اونلارا ددی: «اگر منه کؤمک اوچون صولحله گلئبسئنئز، گؤزوم اوسته یِرئنئز وار، آمّا اگر گلئبسئنئز کی، منی دوشمنلرئمئن اَلئنه تسلئم ادهسئنئز، قوی آتالاریمیزین تاریسی بونو گؤرسون و حؤکم اتسئن، چونکی من سَهو بئر ائش اتمهمئشم.» 18روح اوتوز ائگئدئن باشچیسی عَماسهیئن اوستونه اِندی و او ددی:
«بئز سنئنله ائک، ای داوود،
بئز سنئن طرفئندهیئک، ای یَسّه اوغلو،
صولح، صولح اولسون سنه و سنه کؤمک ادنه،
دوغرودان دا تارین سنه کؤمک ادئر.»
داوود اونلاری قبول ادئب دسته باشچیلاری تعیئن اتدی.
19داوود فئلئسطلیلرله بئرلئکده شاعوللا موحارئبهیه چیخاندا، مِنَسّهلیلردن ده بعضئسی داوودون طرفئنه کچدئلر، لاکئن فئلئسطلیلره کؤمک اتمهدئلر. چونکی فئلئسطلیلرئن آغالاری مصلحتلهشئب ددئلر: «داوود بئزئم باشیمیزین باهاسینا آغاسی شاعوللا باریشار.» و اونو گری گؤندَردئلر. 20داوود صئقلَگه گِدَرکَن مِنَسّهلیلر اونون طرفئنه کچدئلر: عَدنَخ، یوزاباد، یِدئعهاِل، مئکایئل، یوزاباد، اِلئهو و صئلّهتهی. بونلار مِنَسّهلیلر آراسیندا مئنباشی ائدئلر. 21اونلار حرامی دستهسئنئن ضئدّئنه اولان دؤیوشده داوودا کؤمک اتدئلر، چونکی اونلارین هامیسی جنگاور ائدئلر، قوشون سرکردهلری ائدئلر. 22بلهجه گوندن-گونه داوودا کؤمک اتمک اوچون اونون یانینا دؤیوشچولر گلئردئلر، اِله کی، اونون قوشونو تاری قوشونو قدر بؤیوک اولدو.
داوودو پادشاه اتمک اوچون گلن آداملار
23بودور دؤیوش اوچون سئلاحلانمیش دؤیوشچولرئن سایی کی، خِبرونا، داوودون یانینا گلدئلر. اونلار گلدئلر کی، ربّئن سؤزونه گؤره شاعولون پادشاهلیغینی داوودا ورسئنلر: 24یهودالیلاردان آلتی مئن سکّئز یوز نفر، دؤیوش اوچون سئپر و نئزه ائله سئلاحلانمیش. 25شَمعونلولاردان دؤیوش اوچون یدّی مئن یوز نفر ائگئد دؤیوشچو، 26لاوئلیلردن دؤرد مئن آلتی یوز نفر، 27هارون اِوئنئن رهبری یِهویاداع و اونونلا بئرلئکده اوچ مئن یدّی یوز نفر، 28صادوق دا کی، جاوان و ائگئد بئر دؤیوشچو ائدی و اونون نسلئندن اولان ائیئرمی ائکی سرکرده، 29بِنیامئنلیلردن، شاعولون قوحوملاریندان اوچ مئن نفر. چونکی او واختاجاق اونلارین اَکثَرئیّتی شاعول اِوئنه وفالی قالمیشدیلار. 30اِفرایئملیلردن ائیئرمی مئن سکّئز یوز نفر جنگاور و اؤز نسئللرئنئن آدلی-سانلی آداملاری، 31مِنَسّه قبئلهسئنئن یاریسینین آراسیندان اون سکّئز مئن نفر کی، گلئب داوودو پادشاه اتمک اوچون تعیئن اولونموشدولار، 32یئسّاکارلیلاردان دؤورون وضعئیّتئنی آنلایان و ائسرایئله نه اتمک لازیم گلدئیئنی بئلَن آداملار کی، اونلارین باشچیلاری ائکی یوز نفر ائدئلر؛ و اونلارین امری آلتیندا اولان بوتون قوحوملاری، 33زِبولونلولاردان دؤیوشمهیی باجاران و بوتون سئلاحلارلا دؤیوش نئظامینی قورا بئلَن و صادئق اورَکله داوودا کؤمک ادن اَلّی مئن نفر، 34نَفتالئلیلردن مئن باشچی و اونلارلا بئرلئکده سئپر و نئزهسی اولان اوتوز یدّی مئن نفر، 35دانلیلاردان دؤیوش نئظامینی قورا بئلَن ائیئرمی سکّئز مئن آلتی یوز نفر، 36آشِرلیلردن دؤیوشمهیی باجاران و دؤیوش نئظامینی قورا بئلَن قیرخ مئن نفر، 37اوردون چایینین او تاییندا یاشایان رِعوبئنلیلردن، جادلیلاردان و مِنَسّه قبئلهسئنئن یاریسیندان دؤیوش اوچون هر جور سئلاحی اولان یوز ائیئرمی مئن نفر.
38بونلارین هامیسی، دؤیوشمهیی باجاران بو جنگاورلر، مؤحکم بئر قرارلا خِبرونا گلدئلر کی، داوودو بوتون ائسرایئله پادشاه اتسئنلر؛ ائسرایئللیلرئن قالان حئصّهسی ده بو نئیّتده اونلارلا بئر ائدئلر کی، داوودو پادشاه اتسئنلر. 39دؤیوشچولر اورادا اوچ گون داوودلا بئرلئکده قالدیلار و یِیئب-ائچدئلر، چونکی قوحوملاری اونلار اوچون حاضیرلیق گؤرموشدولر. 40اونلارا یاخین اولانلار دا، یئسّاکارا، زِبولونا و نَفتالئیه قدر اوزاقدا یاشایانلار دا، اونلارا اِششَکلر، دَوهلر، قاطیرلار و اؤکوزلر اوستونده بول ارزاق، اون، انجئر لاواشاسی، کئشمئش، شراب، زیتون یاغی، مال-حیوان و قویون-کچی گتئردئلر. او زامان ائسرایئلده دوغرودان دا شادلیق ائدی.
Currently Selected:
۱سالنامهلر 12: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
