لوقا روایت 16
16
دوز اولمایان ناظئر
1عئسا شاگئردلرئنه بولاری دا ددی: «وارلی آدامین بئر ناظئری وار ائدی، او وارلی آداما خبر گلدی کی ناظئر اونون مالینی پایمال الهیئر. 2آغا ناظئری یانینا چاغیریب ددی: ”سنئن حاقّیندا بو اِشئتدئکلرئم نهدئر؟ ناظئرلئیئنئن حساب کئتابینی ور، چونکی آرتیق منئم ناظئرئم اولا بئلمَزسن.“
3او ناظئر اؤز-اؤزونه ددی: ”نه الهیئم؟ چونکی اَربابیم ائسته یئر ناظئرلئک ائشئنی مندن آلا. تورپاق قازماغا گوجوم یِتئشمَز، یولچولوقدان دا کی، اوتانیرام. 4بئلدئم نه اِله یئم کی، ناظئرلئکدن قووولدوغوم زامان، خالق منی اِولرئنه قبول اِلَه سئنلر.“ 5او واخت اَربابینا بورجلی اولانلارین هامیسینی بئر-بئر یانینا چاغیردی. بئرئنجئسئنه ددی: ” اَربابیما نه قدر بورجلوسان؟“ 6او آدام ددی: ”یوز اؤلچی زیتون یاغی.“ ناظئر اونا ددی: ”اؤز قبضئنی گؤتور، تِز اوتور و یاز، اَلّی اؤلچی.“ 7سورا او بئرئسئنه ددی: ”سن نه قدر بورجلوسان؟“ او آدام ددی: ”یوز اؤلچی بوغدا.“ ناظئر اونا ددی: ”اؤز قَبضئنی گؤتور و یاز، هشتاد.“
8اَرباب دوز اولمایان ناظئری، فراستلی رفتار اِله دئیئنه گؤره تعرئفلهدی. چونکی بو دونیانین اوغوللاری آیری آداملار ائنان اولان موناسئبتلرئنده ائشیق اوغوللاریندان چوخ فراستلیدئرلر. 9سئزه دیئرم: بو دونیانین یالان اولان ثروتی ائنن اؤزوزه دوستلار قازانین کی، ثروتئز یوخ اولان زامان، اولار سئزی ابدی مسکنلره قبول الهسئنلر.
10او آدام کی کئچئک بئر ائشده امئن اولا، بؤیوک ائشده ده امئن اولار. او آدام دا کی کئچئک بئر ائشده صادئق اولمایا، بؤیوک ائشده ده صادئق اولماز. 11بس، اگر سئز یالان اولان ثروتده امئن اولماییبسیز، حقئقی ثروتی کئم سئزه تاپشیرار؟ 12و اگر سئز اؤزگه بئر آدامین مالیندا امئن اولماییبسیز، کئم اؤز مالیزی سئزه وِرَر؟ 13هچ بئر نؤکر ائکی اربابا قوللوق اِلئیه بئلمز؛ چونکی یا بئرئندن نئفرت الهیئب او بئرئسئنی سِوَر، یا دا بئرئنه وفالی قالیب، او بئرئسئنی حقئر سایار. هم تارییا هم ده پولا قوللوق الئیهبئلمزسئز.»
14پولپرست فرئسئلر بوتون بو سؤزلری اِشئدئب، عئسانی رئشخند الهدئلر. 15عئسا اولارا ددی: «سئز او آداملارسیز کی، خالقین قاباغیندا اؤزوزی دوز آداملار گؤرسه دئز سئز، آمّا سئزئن اوره یئزدن تارینین خبری وار. چونکی ائنسانلار آراسیندا اَعلا ساییلان شی، تارینین گؤزونده ائیرهندئرن بئر شیدئر.
16یحیانین زامانیناجاق، تؤورات و پیغمبرلر یازیلاری سئزه یول گؤرسدئردئلر. او زاماندان بری تارینین پادشاهلیغینین خوش خبری اعلان اولونور و هر کس اورایا زور ائنان گئرمهیه اَللَشئر. 17آمّا گؤی ائنن یِرئن آرادان گتمه سی، شرئعتئن بئر نوقطهسئنئن دوشمهسئندن چوخ آساندیر.
18هر کس آروادینی بوشاییب آیری آرواد ائنان اِولَنسه زئنا الهیئر. هر کس ده اَرئندن بوشانان آرواد ائنان اِولَنسه زئنا الهیئر.
ائلعازر و وارلی آدام
19وارلی بئر آدام وار ائدی کی، باهالی ارغوانی رنگئنده و یوموشاق کتاندان پالتار گِیَردی و هر گونون خوش کِچئردمَک ائنن کف اله ردی. 20ائلعازر آدیندا بئر فاغیر وار ائدی کی، بدنئنی یارا بوروموشدی و او وارلی آدامین قاپیسینین یانیندا یاتیردی. 21ائلعازر آرزی اِله یئردی کی، او وارلی آدامین سوفرهسئندن تؤکولن خیریم-خیردالار ائنان قارنینی دویورسون؛ بوندان علاوه حتّا ائتلَر گَلئب، ائلعازرئن یارالارینی یالاییردیلار. 22بو فاغیر اؤلدی و ملکلر اونی ائبراهئم پیغمبرئن یانینا آپاردیلار؛ او وارلی آدام دا اؤلدی، و باسدیریلدی. 23او وارلی آدام اؤلولر دئیاریندا، عذاب چَکن واخت یوخاری باخیب، اوزاقدان ائبراهئم پیغمبری کی ائلعازر ده اونون یانیندا ائدی گؤردی. 24وارلی آدام باغیریب ددی: ”ای آتام ائبراهئم! منه رحمئن گلسئن. ائلعازری گؤندَر، بارماغینین اوجونی سودا ائسلادیب منئم دئلئمی سَرئنلَتسئن، چونکی بو اود دا عذاب چَکئرم.“ 25آمّا ائبراهئم پیغمبر ددی: ” ای اؤولاد، یادینا سال کی، حیاتیندا یاخشی شیلر سنئن پایین اولدی. اله بوجور، پئس شیلر ده ائلعازرئن پایی اولدی. آمّا ائندی او بوردا راحاتدیر، سن عذاب چَکئرسن. 26بوندان علاوه، سئز ائنن بئزئم آرامیزدا بؤیوک بئر اوچوروم قویولوب کی، بوردان سئزئن یانیزا کِچمک ائستهیَنلر، کِچه بئلمه یه لر. اِلهبوجور اوردا اولانلار دا بئزئم یانیمیزا کِچه بئلمه یه لر.“ 27وارلی آدام ددی: ” اگر بِله دئر، یالواریرام ائبراهئم آتا! ائلعاذری آتامین اِوئنه گؤندَرهسن. 28چونکی منئم بش قارداشیم وار، ائلعازری گؤندر کی اولاری خبردار اِله سئن، اولمایا کی اولار دا بو عذاب یِرئنه گله لر.“ 29آمّا ائبراهئم پیغمبر اونا ددی: ”اولاردا موسا پیغمبرئن تؤوراتی و پیغمبرلرئن یازیلاری وار، قوی اولارین سؤزلرئنه قولاق آسسینلار.“ 30وارلی آدام ددی: ”یوخ، ائبراهئم آتا! اگر اؤلنلَردن بئری اولارین یانینا گِتسه، اولار تؤوبه اِله یَرلر.“ 31ائبراهئم اونا ددی: ”اگر موسا و پیغمبرلرئن سؤزلرئنه قولاق آسماسالار، حتّا اگر اؤلولردن بئری دئرئلسه ده، اولار قانع اولمازلار.“»
Currently Selected:
لوقا روایت 16: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
