کولوسلولارا 1
1
1پولوسدان کی تارینین ائرادهسی ائنن عئسا مسئحئن حوارئسی دئر، و قارداشیمیز تئموتاعوسدان،
2مسئحده کولوسی شهرئنده اولان موقدّسلر و ائمانلی قارداشلارا.
آتامیز تاریدان سئزه فیض و سالاماتلیق اولسون.
شوکور و دوعا الهمک
3سئزئن اوچون دائم دوعا الهیئب، ربّئمئز عئسا مسئحئن آتاسی تارییا شوکور الهیئرئک. 4چونکی سئزئن مسئح عئسادا اولان ائمانیزدان و بوتون موقدّسلره اولان محبّتئزدن اشئتمئشئک. 5سئزئن اوچون گؤیلرده ساخلانمیش اومئددن اؤتری کی، اونی اوّلدن حقئقتئن کلامیندا، یعنی ائنجئلده اشئتدئز. 6او ائنجئل کی سئزه یتئشئب و بوتون دونیادا ثمره ورئب آرتیر، نجه کی سئزئن ده آرازدا، او گؤندن کی اونی اشئدئبسئز و تارینین فیضئنی حقئقتن درک الهیئبسئز، عمل الهیئر. 7نجه کی، اونی خئدمتده اولان عزئز اِپِفراسدان اؤیرندئز کی، بئزئم آدیمیزدا اؤزونی مسئحه قول اِلهمئش امئن خئدمتکاردیر. 8و سئزئن موقدّس روحدا اولان محبّتئزدن ده، اِله او بئزی خبردار الهدی.
9بو سببدن ده، بونی اشئتدئیئمئز گوندن سئزئن اوچون دوعا الهیئب یالوارماقدان ال چکمئرئک، اِله کی، بوتون حئکمت و روحانی فهمده اونون ائرادهسئنئن معرئفتی ائنن دولاسیز. 10اِله کی، ربّه لایئق بئر شکئلده رفتار الهیئب، اونی هر جهتدن راضی الئیهسئز و هر یاخشی ائشده ثمره گتئرئب، تارینی تانیماقدا ترقّی الئیهسئز. 11و بوتون تحمّول و صبری اله گتئرمک اوچون اونون شؤوکتلی قووّتئنه موطابئق، بوتون قودرت ائنن قووّتلنهسئز و شادلیق ائنان 12آتایا شوکور الئیهسئز کی، نوردا بئزه قودرت ورئب، اِله کی، موقدّسلرئن مئراثیندا شرئک اولاق. 13او بئزی ظولمتئن حاکئمئیّتئندن نئجات ورئب، اؤز عزئز اوغلونون پادشاهلیغینا کؤچورتدی کی، 14اوندا خئلاصیمیز وار، یعنی گوناهلارین باغیشلانماسی.
تایی اولمایان مسئح
15مسئح، گؤزه گؤرونمهین تارینین شمایئلیدئر، بوتون خئلقتئن ائلک دوغولانی. 16چونکی گؤیلرده و یرده هر شی، گؤزه گؤرونن و گؤرونمهین اونون واسئطهسی ائنن یاراندی، ائستر تختلر اولسون، ائستر حاکئمئیّتلر، ائستر ریاستلر اولسون ائستر قودرتلر، هر شی اونون واسئطهسی ائنن و اونون اوچون یارانیب. 17او، هر شیدن ائرهلیدئر و هر شی اوندا قائمدئر. 18بدنئن یعنی کئلئسانین دا باشی اِله او اؤزودور. او، باشلانیشدیر، اؤلولر آراسیندان ائلک دئرئلن. اِله کی، او اؤزی هر شیده بئرئنجی اولسون. 19چونکی آتانین کفی بو ائدی کی، بوتون دولولوق اوندا ساکئن اولسون 20و اونون واسئطهسی ائنن هر شیی اؤزی ائنن باریشدیرسین و اونون چارمیخینین قانی ائنن باریش حاکئم الهسئن، ائستر یرده اولان شیلری، ائستر گؤیلرده اولان شیلری.
21و سئزی ده، گرچی بئر زامانلار فئکئرلرئزده تاری ائنن قرئب و دوشمن ائدئز و عمللرئزده پئس ائدی، 22ائندی اؤز جئسمانی بدنئنده اؤلوم واسئطهسی ائنن باریشدیریب کی، سئزی تارییا موقدّس، لکهسئز و عیبسئز تقدئم الهسئن. 23اگر سئز دوغرودان ائمان اساسیندا مؤحکم و ثابئت دوراسیز و اشئتدئیئز ائنجئلئن اومئدئندن جایمایاسیز کی، گؤی آلتیندا اولان بوتون خئلقته اعلان اولوندی و من پولوس اونون خئدمتکاری اولدوم.
پولوسون کئلئسایا چکدئیی زحمت
24ائندی من سئزئن خاطئرئز اوچون چکدئیئم عذابلارا سوئنئرم و مسئحئن ذئلّتلرئندن آرتیق قالانی اؤز جئسمئمده تاماملاییرام، اونون بدنی اوچون کی کئلئسا دیر. 25من ده، تارینین سئزئن اوچون منه عطا الهدئیی وظئفهیه گؤره، کئلئسانین خئدمتچئسی اولدوم کی، تارینین کلامینی کامئل بئر شکئلده یرئنه یتئرئم. 26یعنی، او سئرّی کی، عصرلردن و نسئللردن گئزلی ائدی، آمّا ائندی اونون موقدّسلرئنه ظاهئر اولوب. 27اولارا کی، تاری ائراده الهدی کی، قیرییهودئلر آراسیندا اولان بو خئدمتئنئن جلالینین دؤولتلئیئنی بئلدئرسئن. یعنی سئزده اولان مسئحی کی، جلالین اومئدیدئر.
28بئز ده مسئحی اعلان الهیئب، بوتون حئکمت ائنن هر کسه نصئحت ورئب، تعلئم ورئرئک کی، هر کسی مسئحده کامئل تقدئم الهیک. 29اونون اوچون من ده زحمت چکئرم و ائچئمده قووّت ائنن ائشلهین قودرتئنه موطابئق جهد الهیئرم.
Currently Selected:
کولوسلولارا 1: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
