حوارئلرئن ائشلری 28
28
مالتا جزئره سئنده
1اولار سالامات چیخاندان سورا، اؤیرندئک کی، جزئرهنئن آدی مالتادیر. 2او جزئره نئن اهالئسی بئزه بؤیوک بئر ائلطئفات گؤرستدئلر؛ یاغیش و سویوق اولدوغوندان اود قالاییب بئزئم هامیمیزی قبول الهدئلر. 3پولوس بئر چوخ اودون ییغیب اود اوستونه قویاندا، ائستئدن بئر افعی ائلان چیخدی و اونون اَلئنه یاپیشدی. 4جزئره اهلی ائلانی اونون اَلئندن آسیلمیش گؤرَنده، بئربئرلرئنه ددئلر: «یقئن کی بو آدام قاتئلدئر؛ گرچی دهنزدن خئلاص اولدی، آمّا عدالت اونا یاشاماق مجالی ورمز.» 5آمّا پولوس ائلانی سئلکلهیئب، اودا آتدی و هچ بئر زئیان گؤرمهدی. 6اولار گؤزلهیئردئلر کی، پولوسون بدنی شئشسئن و یا قفلتن اؤلوب یره ییخیلسین. آمّا بئر چوخ زامان گؤزلهدئکدن سورا اونا هچ بئر شی اولمادیغینی گؤرَنده، فئکئرلرئنی دیئشدئرئب ددئلر کی، او بئر آللاهدیر.
7او یرئن یاخینلیغیندا مولکر وار ائدی کی، پوبلئیوس آدلانان جزئرهنئن بؤیوکونه عایید ائدی. او بئزی قوناق قبول الهیئب اوچ گون بئزه نزاکت ائنن یاخشی یتئشدی. 8پوبلئیوسون آتاسی ناخوش اولموشدی و قیزدیرما و قانلی ائسهالی وار ائدی. پولوس اونون یانینا گتدی و دوعا الهیئب اَللرئنی اونون اوستونه قویدی و اونا شفا وردی. 9بو ائشدن سورا جزئرهدن اولان آیری ناخوشلار دا گلئب، شفا تاپیردیلار. 10اولار بئزه چوخ حؤرمت گؤرستدئلر و دهنزه چیخدیغیمیز واخت، احتئیاجیمیز اولان هر نهیی بئزئم اوچون حاضیرلادیلار.
پولوس روما چاتیر
11اوچ آیدان سورا، بئر گمی ائنن کی، قیشی جزئرهده کچئرتمئشدی، دهنزه چیخدیق. بو گمی ائسکندرئیه شهرئندن ائدی و اوندا «جوزا» علامتی وار ائدی. 12سئراکئیوس شهرئنه یتئشئب، لنگر آتدیق و اوردا اوچ گون قالدیق. 13اوردان دهنزه چیخیب رِگئیوم شهرئنه یتئشدئک. بئر گون سورا جنوب یلی اسدی و ائکئنجی گونی پوتولی شهرئنه یتئشدئک. 14اوردا بعضی قارداشلارا راست گلدئک و بئزدن دعوت الهدئلر کی، یدّی گون اولار ائنان قالاق. و بله ده روم شهرئنه گلدئک. 15اورداکی قارداشلار بئزئم بارهمئزده اشئدنده، آپئیوس بازاری و «اوچ میخانا» دیئلن یِره قدر پئشوازیمیزا گلدئلر. پولوس اولاری گؤرنده تارییا شوکور الهیئب اورَکلَندی. 16روما گئردئیئمئز واخت، پولوسا ائجازه ورئلدی کی، اونون کشئیئنی چکن سرباز ائنان تک باشینا قالسین.
پولوس رومدا
17اوچ گوندن سورا پولوس یهودئلرئن آدلی-سانلی آداملارینی بئر یره چاغیردی و ییغیلدیقلاری زامان، اولارا ددی: «قارداشلار، من خالقیمیزا و یا آتالاریمیزین رسملرئنئن ضئدّئنه بئر شی الهمهدئیئم حالدا، منی اورشلئمده زئندانی الهیئب روملولارین اَلئنه وردئلر. 18اولار دا منی ائستئنطاق الهیئب آزاد الهمک ائستهدئلر، چونکی منده اؤلومه لایئق بئر تقصئر یوخ ائدی. 19آمّا یهودئلر بونا موخالئفت الهینده مجبور قالدیم کی، ائمپراطورون محکمهسئنی طلب الهیئم. البتّه نه ائنکی، خالقیمیزدان بئر شئکایتئم اولا. 20اِله بو سببدن ده سئزی دعوت الهدئم کی، سئز ائنن گؤروشوب صؤحبت الهیم. چونکی من ائسرایئلئن اومئدی اوچون بو زنجئرلر ائنن باغلانمیشام.»
21اولار اونا ددئلر: «بئز سنئن حاقّیندا هچ بئر نامه یهودئیهدن آلمامیشیق، و اوردان گلن قارداشلاردان هچ بئری سنئن حاقّیندا خبر و یا پئس بئر شی گتئرمهیئب. 22آمّا ائستهیئرئک کی، سنئن فئکئرلرئنی اؤزوندن اشئدک. چونکی بئز بئلئرئک کی خالق هر یرده بو فئرقهنئن ضئدّئنه دانیشیرلار.»
23پولوس اوچون بئر گون تعیئن الهدئلر و بئر چوخ آدام اونون یاشادیغی اِوده اونون یانینا گلدی. او دا تارینین پادشاهلیغینی جئدّی شکئلده اولارا بیان الهیئب، سحردن آخشاما قدر آچیقلادی. او اللشئردی کی، موسانین شرئعتئندن و پیغمبرلردن اولاری عئسا حاقّیندا قانع الهسئن. 24بعضئلری دیئلن سؤزلر ائنن قانع اولدولار، آمّا قالانلاری ائنانمادیلار. 25اولار بئربئرلری ائنن راضیلاشمادیقدا، پولوسون بو سؤزوندن سورا چیخیب گتدئلر. «تارینین موقدّس روحی اِشَعیا پیغمبرئن واسئطهسی ائنن بئزئم آتالاریمیزا نه گؤزل بو سؤزی ددی:
26”بو خالقین یانینا گت و ده:
قولاغیز ائنان اشئده جکسئز، آمّا باشا دوشمهیهجکسئز،
گؤزلرئز ائنن باخاجاقسیز، آمّا آنلامایاجاقسیز،
27چونکی بو خالقین اورهیی برک اولوب.
قولاقلاری ائنن آغیر اشئدئرلر،
گؤزلرئنی یوموبلار،
اولمایا کی گؤزلری ائنن گؤرسونلر،
و قولاقلاری ائنن اشئتسئنلر،
اورَکلری ائنن آنلاییب
دؤنسونلر و من اولارا شفا ورئم.“
28ائندی بئلئن کی، تارینین بو نئجاتی قیرییهودئلره گؤندَرئلئب و اولار قولاق آساجاقلار.»
29پولوس بو سؤزلری دئیندن سورا، یهودئلر اله او حالدا کی بئربئرلری ائنن جرّی-بحث الهیئردئلر اوردان گتدئلر.
30پولوس ائجاره الهدئیی اِوده ائکی ائل تامام قالدی و یانینا گلن هر کسی قبول الهیئردی 31و تارینین پادشاهلیغینی اعلان الهیئب، رب عئسا مسئح حاقّیندا بوتون جسارت ائنن مانعسئز تعلئم ورئردی.
Currently Selected:
حوارئلرئن ائشلری 28: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
