حوارئلرئن ائشلری 26
26
1اَغرئپا پادشاه پولوسا ددی: «اؤزون حاقّیندا دانیشماغا ائجازن وار.»
او زامان پولوس اَلئنی اوزادیب دئفاعئیهسئنی باشلادی: 2«اَغرئپا پادشاه! من اوچون بئر سعادتدئر کی، یهودئلر طرفئندن وورولدوغوم بوتون ائتّئهاملارا گؤره بو گون سنئن حوضوروندا اؤزومدن دئفاع الهیئرم. 3عَلَلخوصوص کی، سن اؤزون یهودئلرئن بوتون رسملر و بحثلرئنی بئلئرسن. بونا گؤره ده خاهئش الهیئرم کی، منه صبئر ائنن قولاق آساسان.
4«بوتون یهودئلر بئلئرلر کی، نجه من جاوانلیغیمدان عؤمرومی خالقیمین ائچئنده و اورشلئمده کچئرتمئشم. 5اولار منی اوزون بئر مودّت تانیدیقلارینا گؤره، اگر ائستهسهلر، شهادت وره بئلرلر کی، دئنئمئزئن لاپ جئدّی فئرقهسی اولان فرئسی فئرقهسئنه باغلی یاشامیشام. 6ائندی ده تاری طرفئندن آتالاریمیزا ورئلمئش وعده اومئدی اوچون موحاکئمهیه چکئلمئشم. 7اله او وعده کی، بئزئم اونائکی قبئلهمئز، گجه-گوندوز تارییا صداقت ائنن خئدمت الهمک ائنن یرئنه یتئشمهسئنی گؤزلهیئرلر و بو اومئد اوچون ای پادشاه، یهودئلر طرفئندن موتّهم اولموشام. 8نه اوچون سئز تارینین اؤلولری دئرئلتمهسئنی ائنانیلماز بئر شی حساب الهیئرسئز؟
9«دوغروسی، من اؤزوم ده گومان الهیئردئم کی، ناصئرهلی عئسانین آدینین ضئدّئنه گرک چوخ عداوتلی ائشلر گؤروم. 10اله اورشلئم شهرئنده ده بونی الهیئردئم. باش کاهئنلردن ائختئیار آلیب موقدّسلردن چوخلارینی زئندانلارا سالیردیم، اولارین اؤلومه ورئلمهسئنه ده راضی ائدئم. 11بوتون عئبادتگاهلاردا اولاری جزالاندیریب اَللشدئم کی، کوفر دمهیه مجبور الهیئم. اولارین ضئدّئنه حددن آرتیق قودوروب، حتّا اؤزگه شهرلرده بله اولاری تعقئب الهیئردئم.
12«بو خوصوصدا باش کاهئنلرئن ائختئیار و فرمانی ائنن دمشق شهرئنه گدئردئم. 13گون اورتا واختی، ای پادشاه، یول اوستونده گونون ائشیغیندان داها پارلاق بئر ائشیق منئم و من ائنن سفره چیخانلارین اطرافیندا ائشیلدادی. 14بئز هامیمیز یره ییخیلدیق و بئر سس اشئتدئم کی، عئبرانی دئلئنده منه دیئر: ”شاعول! شاعول! نه اوچون منه عذاب ورئرسن؟! میخلارا تپئک وورماق سنه چتئندئر.“
15«ددئم: ”سن کئمسن، یارب؟“ رب ده ددی:
”من سنئن عذاب وردئیئن عئسایام! 16آمّا قالخ، آیاغا دور. چونکی بو قصد اوچون سنه ظاهئر اولموشام کی، سن هم گؤردویون هم ده سنه ظاهئر الئیهجهیئم شیلرئن خئدمتچئسی و شاهئدی اولاسان؛ 17من سنی اؤز خالقیندان و قیرییهودئلردن خئلاص الهمک ائنن، ائندی اولارین یانینا گؤندَرئرم، 18اله کی گؤزلرئنی آچاسان و اولار قارانلیقدان ائشیغا و شیطانین حاکئمئیّتئندن تارییا طرف دؤنهلر اله کی گوناهلاری باغیشلانا و او آداملار آراسیندا کی منه اولان ائمان ائنان تقدئس اولونوبلار مئراثا نایئل اولالار.“
19«بونا گؤره، ای پادشاه اَغرئپا، گؤیدن گلن رؤیایا ناموطئع اولمادیم، 20بلکی اوّل دمشقده اولانلارا، اورشلئمدهکئلره، سورا بوتون یهودئیه دئیاریندا یاشایانلارا، و حتّا قیرییهودئلره ده اعلان الهدئم کی، تؤوبه الهیئب تارییا طرف دؤنسونلر و تؤوبهیه لایئق ائشلر گؤرسونلر. 21بولاردان اؤتری یهودئلر منی معبدده توتوب اؤلدورمهیه اَللَشدئلر. 22آمّا تاریدان گلن کؤمک ائنن بو گونه قدر قالیب هم کئچئیه، هم ده بؤیوکه شهادت ورئرم. من هچ بئر شی دمئرم مگر بو کی، او سؤزلری کی پیغمبرلر و موسا دمئشدی گرک یرئنه یتئشه: 23بو کی، وعده ورئلن مسئح گرک عذاب چکه و ائلک آدام اولا کی اؤلولردن دئرئلئر، اله کی هم بئزئم خالقیمیزا، هم ده قیرییهودئلره ائشیغی اعلان اِلئیه.»
24پولوس اؤز دئفاعسیندا حله بو سؤزی دیئردی کی، والی فِستوس اوجا سَس ائنن ددی: «پولوس، عاغیلین باشیندان چیخیب! علمئنئن چوخلوغی سنی دَلی الهیئب.»
25آمّا پولوس ددی: «عالئجناب فِستوس، عاغیلیم باشیمدان چیخماییب، بلکی حقئقت و عاغیلا سیغان سؤزلری دیئرم. 26چونکی پادشاهین دا بو شیلردن خبری وار و من جورعت ائنن اونونان دانیشیرام. آرخایینام کی، بولارین هچ بئری اونون نظرئندن قاچماز، چونکی بو ائش خلوت بئر گوشهده باش ورمهیئب. 27پادشاه اَغرئپا، آیا سن پیغمبرلره ائنانیرسان؟ بئلئرم کی، ائنانیرسان.»
28اَغرئپا پولوسا جاواب وردی: «اله بو آز زاماندا ائسته یئرسن کی منی مسئحی اولماغا قانع الئیهسن؟»
29پولوس دا اونا ددی: «آز یا چوخ، تاریدان ائسته یئرم کی، آنجاق سن یوخ، بلکی بو گون منی اشئدنلرئن هامیسی، منئم کئمی اولسونلار، اَلبتّه بو زنجئرلردن باشقا.»
30پادشاه قالخدی. والی، برنئکی و اولار ائنان اوتورانلار دا قالخدیلار. 31اوندا کی اشئیه گتدئلر، بئربئرلری ائنن دانیشیب دیئردئلر: «بو آدام اؤلومه، یا دا حبسه لایئق بئر ائش گؤرمهیئب.»
32اَغرئپا فِستوسا ددی: «بو آدام اگر ائمپراطورون محکمهسئنی طلب الهمهسیدی، آزاد اولا بئلهردی.»
Currently Selected:
حوارئلرئن ائشلری 26: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
