حوارئلرئن ائشلری 11
11
پطروس اؤزوندن دئفاع الهیئر
1یهودئیه وئلایتئنده اولان حوارئلر و قارداشلار اشئتدئلر کی، قیرییهودئلر ده تارینین کلامینی قبول الهیئبلر. 2پس پطروس اورشلئمه گلنده، ختنه اولونانلار اوندان ائراد توتدولار و ددئلر: 3«سن ختنه اولونمایان آداملارین یانینا گتدئن و اولار ائنان یمک یدئن.»
4پطروس دا باشلاییب ترتئب ائنن اولارا نقل الهدی و ددی: 5«من یافا شهرئنده دوعا الهیئردئم. هوشدان گتدئیئم حالدا بئر رؤیا گؤردوم؛ دؤرد گوشهسئندن آسیلمیش بؤیوک سوفره یه بنزهر بئر جئسئم گؤیدن اندئرئلدی و یانیما قدر گلدی. 6اونون ائچئنه گؤزومی دئکئب دئقّت ائنن باخدیم و یرئن دؤرد آیاقلی حیوانلارینی، وحشی حیوانلارینی، سوروننلری و گؤی قوشلارینی گؤردوم. 7بئر سس ده اشئتدئم کی، منه دیئردی: ”قالخ پطروس، کس و یه.“
8آمّا من ددئم: ”اصلا، یارب، چونکی هچ واخت نجئس یا دا ناپاک بئر شی آغزیما گئرمهیئب.“
9سس ائکئنجی دفه گؤیدن منه خئطاب الهدی: ”تارینین پاک الهدئیئنی سن آرتیق نجئس سایما.“ 10بو، اوچ دفه تکرار اولدی و هر شی گئنه گؤیه چکئلدی.
11اله او آندا قیصرئیّهدن منئم یانیما گؤندَرئلن اوچ آدام، قالدیغیم اِوئن قاباغیندا دوردولار. 12موقدّس روح منه ددی کی، هچ شک الهمهدن اولار ائنان گدئم. بو آلتی قارداش دا من ائنن گدئب، او آدامین اِوئنه گئردئک. 13او دا بئزه نقل الهدی کی، نجه اِوئنده دوران ملهیی گؤردی کی، اونا دیئب: ” یافایا آداملار گؤندَر و پطروس چاغیریلان شمعونی بورایا گتئرت. 14او سنه سؤزلر دانیشار کی، اولار ائنان سن نئجات تاپارسان؛ هم سن و هم سنئن بوتون اِو اهلئن.“
15«من دانیشماغا باشلایاندا، موقدّس روح اولارین اوستونه نازئل اولدی، نجه کی، باشلانیشدا بئزه نازئل اولموشدی. 16اوندا ربّئن سؤزونی خاطیرلادیم کی، دمئشدی: ”یحیا سو ائنن تعمئد وردی، آمّا سئز تارینین موقدّس روحی ائنن تعمئد اولوناجاقسیز.“ 17ائندی اگر تاری اولارا دا همن عطانی وردی کی، بئزه ده رب عئسا مسئحه ائمان گتئردئیئمئز زامان عطا الهمئشدی، من کئمم کی، تارییا مانع اولا بئلم؟!»
18اولار بو سؤزلری اشئدندن سورا، ساکئت اولدولار و تارینی سئتایئش الهیئب ددئلر: «بله اولسا، تاری قیرییهودئلره ده حیات ورن تؤوبهنی عطا الهیئب.»
انطاکیهدهکی ائمانلیلار
19بله ده، استئفانین اؤلوموندن سورا باشلانان اذئیّتلره گؤره، داغیلمیش اولانلار فئنئقئیه، قئبرئس و انطاکئیهیه قدر گدئب تارینین کلامینی یهودئلردن باشقا هچ کسه دمهدئلر. 20آمّا اولارین ائچئنده قئبرئس و کرِنِیلی اولان بعضئلر وار ائدی کی، انطاکئیهیه گلئب یونانئلر ائنن ده دانیشدیلار و رب عئسانی اولارا اعلان الهدئلر. 21ربّئن اَلی اولار ائنان ائدی و چوخ آدام ائمان گتئرئب ربّه ساری دؤندولر.
22اولارین حاقّیندا اولان خبر اورشلئمدهکی کئلئسانین قولاغینا چاتدی. اولار دا بارنابانی انطاکئیهیه گؤندَردئلر. 23اوندا کی بارنابا گلدی، تارینین فیضئنه شاهئد اولان زامان سوئندی و هامینی تشوئق الهدی کی، ربّه اورَکدن باغلی اولوب وفالی قالسینلار؛ 24چونکی او، یاخشی بئر آدام، و موقدّس روح و ائمان ائنان دولی ائدی، اونا گؤره ده بؤیوک بئر جاماعات ربّه ائمان گتئردی.
25پس بارنابا شاعولی آختارماق اوچون طرسوسا گتدی؛ 26و اونی تاپدیغی زامان انطاکئیهیه گتئردی. اولار بئر ائل تامام کئلئسا ائنن قالیب چوخ آداما تعلئم وردئلر و شاگئردلر ائلک دفه انطاکئیهده مسئحی چاغیریلدیلار.
27او گونلرده نچه بئر پیغمبر اورشلئمدن انطاکئیهیه گلدئلر. 28اولاردان بئری کی آقابوس آدیندا ائدی، دوروب موقدّس روحون واسئطهسی ائنن بئلدئردی کی، بوتون روم دونیاسینا بؤیوک بئر قحطی گلهجک. بو قحطی کلودئیوسون دؤورانیندا باش وردی. 29پس شاگئردلر قرار وردئلر کی، هر بئری گوجی چاتدیغینا قدر، یهودئیهده یاشایان قارداشلارینا کؤمک گؤندَرسئنلر. 30پس بونا عمل الهیئب، کؤمهیی بارنابا و شاعولون اَلی ائنن آغساقّاللارا گؤندَردئلر.
Currently Selected:
حوارئلرئن ائشلری 11: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
حوارئلرئن ائشلری 11
11
پطروس اؤزوندن دئفاع الهیئر
1یهودئیه وئلایتئنده اولان حوارئلر و قارداشلار اشئتدئلر کی، قیرییهودئلر ده تارینین کلامینی قبول الهیئبلر. 2پس پطروس اورشلئمه گلنده، ختنه اولونانلار اوندان ائراد توتدولار و ددئلر: 3«سن ختنه اولونمایان آداملارین یانینا گتدئن و اولار ائنان یمک یدئن.»
4پطروس دا باشلاییب ترتئب ائنن اولارا نقل الهدی و ددی: 5«من یافا شهرئنده دوعا الهیئردئم. هوشدان گتدئیئم حالدا بئر رؤیا گؤردوم؛ دؤرد گوشهسئندن آسیلمیش بؤیوک سوفره یه بنزهر بئر جئسئم گؤیدن اندئرئلدی و یانیما قدر گلدی. 6اونون ائچئنه گؤزومی دئکئب دئقّت ائنن باخدیم و یرئن دؤرد آیاقلی حیوانلارینی، وحشی حیوانلارینی، سوروننلری و گؤی قوشلارینی گؤردوم. 7بئر سس ده اشئتدئم کی، منه دیئردی: ”قالخ پطروس، کس و یه.“
8آمّا من ددئم: ”اصلا، یارب، چونکی هچ واخت نجئس یا دا ناپاک بئر شی آغزیما گئرمهیئب.“
9سس ائکئنجی دفه گؤیدن منه خئطاب الهدی: ”تارینین پاک الهدئیئنی سن آرتیق نجئس سایما.“ 10بو، اوچ دفه تکرار اولدی و هر شی گئنه گؤیه چکئلدی.
11اله او آندا قیصرئیّهدن منئم یانیما گؤندَرئلن اوچ آدام، قالدیغیم اِوئن قاباغیندا دوردولار. 12موقدّس روح منه ددی کی، هچ شک الهمهدن اولار ائنان گدئم. بو آلتی قارداش دا من ائنن گدئب، او آدامین اِوئنه گئردئک. 13او دا بئزه نقل الهدی کی، نجه اِوئنده دوران ملهیی گؤردی کی، اونا دیئب: ” یافایا آداملار گؤندَر و پطروس چاغیریلان شمعونی بورایا گتئرت. 14او سنه سؤزلر دانیشار کی، اولار ائنان سن نئجات تاپارسان؛ هم سن و هم سنئن بوتون اِو اهلئن.“
15«من دانیشماغا باشلایاندا، موقدّس روح اولارین اوستونه نازئل اولدی، نجه کی، باشلانیشدا بئزه نازئل اولموشدی. 16اوندا ربّئن سؤزونی خاطیرلادیم کی، دمئشدی: ”یحیا سو ائنن تعمئد وردی، آمّا سئز تارینین موقدّس روحی ائنن تعمئد اولوناجاقسیز.“ 17ائندی اگر تاری اولارا دا همن عطانی وردی کی، بئزه ده رب عئسا مسئحه ائمان گتئردئیئمئز زامان عطا الهمئشدی، من کئمم کی، تارییا مانع اولا بئلم؟!»
18اولار بو سؤزلری اشئدندن سورا، ساکئت اولدولار و تارینی سئتایئش الهیئب ددئلر: «بله اولسا، تاری قیرییهودئلره ده حیات ورن تؤوبهنی عطا الهیئب.»
انطاکیهدهکی ائمانلیلار
19بله ده، استئفانین اؤلوموندن سورا باشلانان اذئیّتلره گؤره، داغیلمیش اولانلار فئنئقئیه، قئبرئس و انطاکئیهیه قدر گدئب تارینین کلامینی یهودئلردن باشقا هچ کسه دمهدئلر. 20آمّا اولارین ائچئنده قئبرئس و کرِنِیلی اولان بعضئلر وار ائدی کی، انطاکئیهیه گلئب یونانئلر ائنن ده دانیشدیلار و رب عئسانی اولارا اعلان الهدئلر. 21ربّئن اَلی اولار ائنان ائدی و چوخ آدام ائمان گتئرئب ربّه ساری دؤندولر.
22اولارین حاقّیندا اولان خبر اورشلئمدهکی کئلئسانین قولاغینا چاتدی. اولار دا بارنابانی انطاکئیهیه گؤندَردئلر. 23اوندا کی بارنابا گلدی، تارینین فیضئنه شاهئد اولان زامان سوئندی و هامینی تشوئق الهدی کی، ربّه اورَکدن باغلی اولوب وفالی قالسینلار؛ 24چونکی او، یاخشی بئر آدام، و موقدّس روح و ائمان ائنان دولی ائدی، اونا گؤره ده بؤیوک بئر جاماعات ربّه ائمان گتئردی.
25پس بارنابا شاعولی آختارماق اوچون طرسوسا گتدی؛ 26و اونی تاپدیغی زامان انطاکئیهیه گتئردی. اولار بئر ائل تامام کئلئسا ائنن قالیب چوخ آداما تعلئم وردئلر و شاگئردلر ائلک دفه انطاکئیهده مسئحی چاغیریلدیلار.
27او گونلرده نچه بئر پیغمبر اورشلئمدن انطاکئیهیه گلدئلر. 28اولاردان بئری کی آقابوس آدیندا ائدی، دوروب موقدّس روحون واسئطهسی ائنن بئلدئردی کی، بوتون روم دونیاسینا بؤیوک بئر قحطی گلهجک. بو قحطی کلودئیوسون دؤورانیندا باش وردی. 29پس شاگئردلر قرار وردئلر کی، هر بئری گوجی چاتدیغینا قدر، یهودئیهده یاشایان قارداشلارینا کؤمک گؤندَرسئنلر. 30پس بونا عمل الهیئب، کؤمهیی بارنابا و شاعولون اَلی ائنن آغساقّاللارا گؤندَردئلر.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company