حوارئلرئن ائشلری 10
10
پطروس و کورنِلئیوس
1قیصرئیّهده ائتالیالی دیئلن لشکردن، کورنِلئیوس آدیندا بئر افسر وار ائدی. 2دوروستکار بئر آدام ائدی و تاری قورخوسی هم اؤزونون هم ده بوتون اِو اهلئنئن اورهیئنده وار ائدی. کورنِلئیوس خالقا چوخ صدقه ورئب دائم تارییا دوعا الهیردی. 3بئر گون ناهاردان سورا ساعات اوچه یاخین، رؤیادا آیدین گؤردی کی تارینین بئر ملهیی، اونون یانینا گلئب ددی: «ای کورنِلئیوس!»
4کورنِلئیوس گؤزلرئنی اونا زئلّهدی و قورخی ائنن ددی: «نهدئر، یارب؟»
ملک ده اونا ددی: «دوعالارین و صدقهلرئن تارینین حوضورونا یتئشئب و خاطیرلانیب. 5ائندی یافایا آداملار گؤندَر و پطروس چاغیریلان شمعونی بورایا گتئرت. 6او شمعون آدیندا بئر دابّاغین یانیندا کی، اِوی دهنز قیراغیندادیر، قوناقدیر.»
7اونونان دانیشان ملهیئن گتدئیئندن سورا، کورنِلئیوس نؤکرلرئندن ائکئسئنی و اونا دائم خئدمت الهین سربازلاردان دوروستکار بئرئنی چاغیردی 8و هر شیی نقل الهیندن سورا، اولاری یافایا گؤندَردی.
9او گونون صاباحی، اوندا کی اولار یولدا ائدئلر، شهره یاخینلاشاندا، ساعات اون ائکئیه یاخین پطروس دوعا الهمک اوچون داما چیخدی. 10آج اولوب یمک ائستهدی؛ آمّا اولار حله یمهیی حاضیرلایاندا، پطروسی بئر هوشسوزلوق توتدی. 11او، گؤیون آچیلدیغینی و دؤرد بوجاغیندان آسیلمیش بؤیوک سوفرهیه بنزهر بئر جئسمی گؤردی کی، یره ساری اندئرئلئر. 12ائچئنده یرئن هر جور دؤرد آیاقلی حیوانلاری و سوروننلری و گؤی قوشلاری وار ائدی. 13و اونا بئر سس گلدی: «پطروس، قالخ، کس و یه!»
14آمّا پطروس ددی: «خیر، یارب! چونکی من اصلا ناپاک و نجئس بئر شی یمهمئشم.»
15گئنه ائکئنجی دفه اونا بئر سس گلدی: «تارینین پاک الهدئیئنی، سن ناپاک سایما!»
16بو اوچ دفه تکرار اولدی، سورا سوفره بئردن گؤیه قالخیزیلدی.
17پطروس حله فئکرئنده گؤردویی بو رؤیانین نه دمک اولدوغونا تعجّوب الهیئردی کی، کورنِلئیوس طرفئندن گؤندَرئلن آداملار شمعونون اِوئنی سوروشوب، قاپی آغزیندا دوردولار. 18و اوجا سس ائنن سوروشوردولار: «آیا پطروس چاغیریلان شمعون بوردا قوناقدیر؟»
19پطروس حله رؤیا حاقّیندا دوشونوردی کی، موقدّس روح اونا ددی: «باخ، اوچ نفر سنی آختاریر. 20سن دور، آشاغی اِن و هچ شک الهمهدن اولار ائنان گت، چونکی اولاری من گؤندَرمئشم.»
21پطروس آداملارین یانینا آشاغی دوشوب اولارا ددی: «باخین، آختاردیغیز آدام منم. نه ائش اوچون گلئبسئز؟»
22اولار دا ددئلر: «افسر کورنِلئیوس کی، صالح، تاریدان قورخان و بوتون یهودی خالقینین طرفئندن یاخشی تانینان بئر آدامدیر، موقدّس بئر ملهیئن وسئلهسی ائنن اونا ائلهام اولوندی کی، سنئن دالینجا گؤندَرئب، سنی اؤز اِوئنه گتئرتسئن و سنئن سؤزلرئنی اشئتسئن.» 23پس پطروس دا اولاری ائچهری چاغیردی کی، اونا قوناق اولسونلار.
او گونون صاباحی قالخیب اولار ائنان گتدی و یافا شهرئنده اولان قارداشلارین بعضئلری ده اونونان گتدئلر. 24او بئری گون قیصرئیّهیه یتئشدئلر. کورنِلئیوس اؤز قارداشلارینی و یاخین دوستلارینی بئر یره چاغیریب اولاری گؤزلهیئردی. 25پطروس ائچهری گئرنده، کورنِلئیوس پئشوازینا گلئب اونون آیاقلارینا دوشدی و اونا سجده الهدی. 26آمّا پطروس اونی قالخیزیب ددی: «قالخ، من ده آنجاق بئر ائنسانام.»
27پطروس کورنِلئیوس ائنان صؤحبت الهین حالدا ائچهری گئردی و چوخلی آدامین ییغیلدیغینی گؤردی. 28و اولارا ددی: «سئز اؤزوز بئلئرسئز کی، بئر یهودئیه آیری مئلّتدن اولان بئر آدام ائنان دانیشماق و یا گؤروشمک جائز دیئل. آمّا تاری منه گؤرسهدئب کی، هچ آدامی ناپاک یا دا نجئس سایماییم. 29بونا گؤره ده، چاغیریلدیغیم زامان، هچ اعتئراض الهمهدن گلدئم. ائندی سوروشورام؛ نه ائش اوچون منئم دالیمجا گؤندَردئز؟»
30کورنِلئیوس ددی: «دؤرد گون بوندان قاباق اؤز اِوئمده ناهاردان سورا ساعات اوچه یاخین دوعا الهیئردئم. بئردن پارلاق پالتار گیمئش بئر آدام قاباغیمدا دوروب، 31ددی: ”کورنِلئیوس! سنئن دوعالارین اشئدئلئب و صدقهلرئن تارینین حوضوروندا خاطیرلانیب. 32یافایا آداملار گؤندَر و پطروس چاغیریلان شمعونی بورایا گتئرت. او دهنز قیراغیندا دبّاغ شمعونون اِوئنده قوناقدیر.“ 33بله ده تزلئک ائنن سنئن دالینجا گؤندَردئم و سن ده نه یاخشی اله دئن کی، گلدئن! ائندی بئز هامیمیز تارینین حوضوروندا بوردا حاضیریق کی، ربّئن سنه امر الهدئیی هر شیی اشئدک.»
34پطروس آغزینی آچیب ددی: «دوغرودان دا آنلاییرام کی، تاری آداملار آراسیندا فرق قویمور، 35بلکی هر مئلّتده اوندان قورخان و دوز عمل الهین هر کس اونا مقبولدور. 36سئز بئلئرسئز کی تاری او کلامی، ائسرایئل خالقینا گؤندَردی و هامینین ربّی اولان عئسا مسئحئن واسئطهسی ائنن صولح و سالاماتلیغین خوش خبرئنی اعلان الهدی. 37سئز اؤزوز بئلئرسئز بو ائش یحیانین اعلان الهدئیی تعمئددن سورا، جلئل وئلایتئندن باشلاییب یهودئیهنئن بوتون هر یرئنده باشوردی 38و تاری نجه ناصئرهلی عئسانی موقدّس روح و قووّت ائنن مسح الهدی. عئسا هر یره گدئب یاخشیلیق الهیئردی و ائبلئسئن ظولمی آلتیندا اولانلارین هامیسینی شفا ورئردی، چونکی تاری اونونان ائدی.
39و بئز اونون هم یهودئیه مملکتئنده و هم اورشلئمده الهدئیی بوتون ائشلرئن شاهئدئیئک. اولار اونی چارمیخا چکئب اؤلدوردولر. 40آمّا تاری اونی اوچونجی گونده دئرئلتدی و ظاهئر الهدی. 41نه کی، هامی آداملارا، آمّا قاباقدان تاری طرفئندن سچئلمئش شاهئدلره، یعنی بئزه کی، اونون اؤلولردن دئرئلمهسئندن سورا، اونونان ییئب ائچدئک. 42او بئزه امر الهدی کی، خالقا اعلان الهیئب شهادت ورک کی، عئسا، اله همن اودور کی، تاری طرفئندن دئرئلره و اؤلولره حاکئم تعیئن اولونوب. 43بوتون پیغمبرلر اونون حاقّیندا شهادت ورئرلر کی، اونا ائمان گتئرن هر کسئن گوناهلاری اونون آدینین واسئطهسی ائنن باغیشلانار.»
44پطروس بو سؤزلری حله دانیشیردی کی، تارینین موقدّس روحی کلامی اشئدنلرئن هامیسینین اوستونه نازئل اولدی. 45پطروس ائنان گلن ختنه اولونان ائمانلیلارین هامیسینی حیرت باسدی، چونکی موقدّس روحون عطاسی قیرییهودئلرئن اوستونه ده تؤکولموشدی. 46چونکی اولارین قرئب دئللرده دانیشدیقلارینی و تارینی سئتایئش الهدئکلر اشئدئردئلر. او زامان پطروس ددی: 47«ائندی کی بو آداملار، بئزئم کئمی موقدّس روحی آلیبلار، آیا بئر کس اولارا مانع اولا بئلر کی، سودا تعمئد آلماسینلار؟» 48پس اولارا امر الهدی کی، عئسا مسئحئن آدیندا تعمئد آلسینلار. سورا اولار پطروسدان خاهئش الهدئلر کی، بئر نچه گون اوردا قالسین.
Currently Selected:
حوارئلرئن ائشلری 10: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
حوارئلرئن ائشلری 10
10
پطروس و کورنِلئیوس
1قیصرئیّهده ائتالیالی دیئلن لشکردن، کورنِلئیوس آدیندا بئر افسر وار ائدی. 2دوروستکار بئر آدام ائدی و تاری قورخوسی هم اؤزونون هم ده بوتون اِو اهلئنئن اورهیئنده وار ائدی. کورنِلئیوس خالقا چوخ صدقه ورئب دائم تارییا دوعا الهیردی. 3بئر گون ناهاردان سورا ساعات اوچه یاخین، رؤیادا آیدین گؤردی کی تارینین بئر ملهیی، اونون یانینا گلئب ددی: «ای کورنِلئیوس!»
4کورنِلئیوس گؤزلرئنی اونا زئلّهدی و قورخی ائنن ددی: «نهدئر، یارب؟»
ملک ده اونا ددی: «دوعالارین و صدقهلرئن تارینین حوضورونا یتئشئب و خاطیرلانیب. 5ائندی یافایا آداملار گؤندَر و پطروس چاغیریلان شمعونی بورایا گتئرت. 6او شمعون آدیندا بئر دابّاغین یانیندا کی، اِوی دهنز قیراغیندادیر، قوناقدیر.»
7اونونان دانیشان ملهیئن گتدئیئندن سورا، کورنِلئیوس نؤکرلرئندن ائکئسئنی و اونا دائم خئدمت الهین سربازلاردان دوروستکار بئرئنی چاغیردی 8و هر شیی نقل الهیندن سورا، اولاری یافایا گؤندَردی.
9او گونون صاباحی، اوندا کی اولار یولدا ائدئلر، شهره یاخینلاشاندا، ساعات اون ائکئیه یاخین پطروس دوعا الهمک اوچون داما چیخدی. 10آج اولوب یمک ائستهدی؛ آمّا اولار حله یمهیی حاضیرلایاندا، پطروسی بئر هوشسوزلوق توتدی. 11او، گؤیون آچیلدیغینی و دؤرد بوجاغیندان آسیلمیش بؤیوک سوفرهیه بنزهر بئر جئسمی گؤردی کی، یره ساری اندئرئلئر. 12ائچئنده یرئن هر جور دؤرد آیاقلی حیوانلاری و سوروننلری و گؤی قوشلاری وار ائدی. 13و اونا بئر سس گلدی: «پطروس، قالخ، کس و یه!»
14آمّا پطروس ددی: «خیر، یارب! چونکی من اصلا ناپاک و نجئس بئر شی یمهمئشم.»
15گئنه ائکئنجی دفه اونا بئر سس گلدی: «تارینین پاک الهدئیئنی، سن ناپاک سایما!»
16بو اوچ دفه تکرار اولدی، سورا سوفره بئردن گؤیه قالخیزیلدی.
17پطروس حله فئکرئنده گؤردویی بو رؤیانین نه دمک اولدوغونا تعجّوب الهیئردی کی، کورنِلئیوس طرفئندن گؤندَرئلن آداملار شمعونون اِوئنی سوروشوب، قاپی آغزیندا دوردولار. 18و اوجا سس ائنن سوروشوردولار: «آیا پطروس چاغیریلان شمعون بوردا قوناقدیر؟»
19پطروس حله رؤیا حاقّیندا دوشونوردی کی، موقدّس روح اونا ددی: «باخ، اوچ نفر سنی آختاریر. 20سن دور، آشاغی اِن و هچ شک الهمهدن اولار ائنان گت، چونکی اولاری من گؤندَرمئشم.»
21پطروس آداملارین یانینا آشاغی دوشوب اولارا ددی: «باخین، آختاردیغیز آدام منم. نه ائش اوچون گلئبسئز؟»
22اولار دا ددئلر: «افسر کورنِلئیوس کی، صالح، تاریدان قورخان و بوتون یهودی خالقینین طرفئندن یاخشی تانینان بئر آدامدیر، موقدّس بئر ملهیئن وسئلهسی ائنن اونا ائلهام اولوندی کی، سنئن دالینجا گؤندَرئب، سنی اؤز اِوئنه گتئرتسئن و سنئن سؤزلرئنی اشئتسئن.» 23پس پطروس دا اولاری ائچهری چاغیردی کی، اونا قوناق اولسونلار.
او گونون صاباحی قالخیب اولار ائنان گتدی و یافا شهرئنده اولان قارداشلارین بعضئلری ده اونونان گتدئلر. 24او بئری گون قیصرئیّهیه یتئشدئلر. کورنِلئیوس اؤز قارداشلارینی و یاخین دوستلارینی بئر یره چاغیریب اولاری گؤزلهیئردی. 25پطروس ائچهری گئرنده، کورنِلئیوس پئشوازینا گلئب اونون آیاقلارینا دوشدی و اونا سجده الهدی. 26آمّا پطروس اونی قالخیزیب ددی: «قالخ، من ده آنجاق بئر ائنسانام.»
27پطروس کورنِلئیوس ائنان صؤحبت الهین حالدا ائچهری گئردی و چوخلی آدامین ییغیلدیغینی گؤردی. 28و اولارا ددی: «سئز اؤزوز بئلئرسئز کی، بئر یهودئیه آیری مئلّتدن اولان بئر آدام ائنان دانیشماق و یا گؤروشمک جائز دیئل. آمّا تاری منه گؤرسهدئب کی، هچ آدامی ناپاک یا دا نجئس سایماییم. 29بونا گؤره ده، چاغیریلدیغیم زامان، هچ اعتئراض الهمهدن گلدئم. ائندی سوروشورام؛ نه ائش اوچون منئم دالیمجا گؤندَردئز؟»
30کورنِلئیوس ددی: «دؤرد گون بوندان قاباق اؤز اِوئمده ناهاردان سورا ساعات اوچه یاخین دوعا الهیئردئم. بئردن پارلاق پالتار گیمئش بئر آدام قاباغیمدا دوروب، 31ددی: ”کورنِلئیوس! سنئن دوعالارین اشئدئلئب و صدقهلرئن تارینین حوضوروندا خاطیرلانیب. 32یافایا آداملار گؤندَر و پطروس چاغیریلان شمعونی بورایا گتئرت. او دهنز قیراغیندا دبّاغ شمعونون اِوئنده قوناقدیر.“ 33بله ده تزلئک ائنن سنئن دالینجا گؤندَردئم و سن ده نه یاخشی اله دئن کی، گلدئن! ائندی بئز هامیمیز تارینین حوضوروندا بوردا حاضیریق کی، ربّئن سنه امر الهدئیی هر شیی اشئدک.»
34پطروس آغزینی آچیب ددی: «دوغرودان دا آنلاییرام کی، تاری آداملار آراسیندا فرق قویمور، 35بلکی هر مئلّتده اوندان قورخان و دوز عمل الهین هر کس اونا مقبولدور. 36سئز بئلئرسئز کی تاری او کلامی، ائسرایئل خالقینا گؤندَردی و هامینین ربّی اولان عئسا مسئحئن واسئطهسی ائنن صولح و سالاماتلیغین خوش خبرئنی اعلان الهدی. 37سئز اؤزوز بئلئرسئز بو ائش یحیانین اعلان الهدئیی تعمئددن سورا، جلئل وئلایتئندن باشلاییب یهودئیهنئن بوتون هر یرئنده باشوردی 38و تاری نجه ناصئرهلی عئسانی موقدّس روح و قووّت ائنن مسح الهدی. عئسا هر یره گدئب یاخشیلیق الهیئردی و ائبلئسئن ظولمی آلتیندا اولانلارین هامیسینی شفا ورئردی، چونکی تاری اونونان ائدی.
39و بئز اونون هم یهودئیه مملکتئنده و هم اورشلئمده الهدئیی بوتون ائشلرئن شاهئدئیئک. اولار اونی چارمیخا چکئب اؤلدوردولر. 40آمّا تاری اونی اوچونجی گونده دئرئلتدی و ظاهئر الهدی. 41نه کی، هامی آداملارا، آمّا قاباقدان تاری طرفئندن سچئلمئش شاهئدلره، یعنی بئزه کی، اونون اؤلولردن دئرئلمهسئندن سورا، اونونان ییئب ائچدئک. 42او بئزه امر الهدی کی، خالقا اعلان الهیئب شهادت ورک کی، عئسا، اله همن اودور کی، تاری طرفئندن دئرئلره و اؤلولره حاکئم تعیئن اولونوب. 43بوتون پیغمبرلر اونون حاقّیندا شهادت ورئرلر کی، اونا ائمان گتئرن هر کسئن گوناهلاری اونون آدینین واسئطهسی ائنن باغیشلانار.»
44پطروس بو سؤزلری حله دانیشیردی کی، تارینین موقدّس روحی کلامی اشئدنلرئن هامیسینین اوستونه نازئل اولدی. 45پطروس ائنان گلن ختنه اولونان ائمانلیلارین هامیسینی حیرت باسدی، چونکی موقدّس روحون عطاسی قیرییهودئلرئن اوستونه ده تؤکولموشدی. 46چونکی اولارین قرئب دئللرده دانیشدیقلارینی و تارینی سئتایئش الهدئکلر اشئدئردئلر. او زامان پطروس ددی: 47«ائندی کی بو آداملار، بئزئم کئمی موقدّس روحی آلیبلار، آیا بئر کس اولارا مانع اولا بئلر کی، سودا تعمئد آلماسینلار؟» 48پس اولارا امر الهدی کی، عئسا مسئحئن آدیندا تعمئد آلسینلار. سورا اولار پطروسدان خاهئش الهدئلر کی، بئر نچه گون اوردا قالسین.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company