Эəкəријјə 11
11
1Еј Ливан, гапыларыны ач ки,
Од сәнин сидр ағаҹларыны јандырыб-јахсын.
2Еј шам ағаҹы, фәрјад ет,
Чүнки сидр ағаҹы јыхылды,
Һүндүр ағаҹлар мәһв олду.
Фәрјад един, еј Башан палыдлары,
Галын мешәнин ағаҹлары бөјрү үстә ашды.
3Чобанларын фәрјадыны ешит,
Чүнки онларын фәхр етдикләри
Отлаглары мәһв олду.
Ҹаван асланларын нәрилтисинә гулаг ас,
Чүнки Иордан чајынын кәнарындакы сых мешә јох олду.
Ики чобан
4Аллаһым Рәбб белә дејир: «Кәсмәк үчүн ајрылмыш сүрүнү сән отар. 5О сүрүнүн гојунларыны аланлар онлары кәссә дә, тәгсирсиэ галыр. Онлары сатанлар исә “Рәббә алгыш олсун ки, дөвләтли олдум” дејир. Чобанлар өэ сүрүләринә аҹымыр. 6Мән дә даһа өлкәдә јашајан халга аҹымајаҹағам» бәјан едир Рәбб. «Һәр кәси өэ гоншусуна вә падшаһына тәслим едәҹәјәм. Өлкәни дағыдаҹаглар, Мән дә халгы әлләриндән гуртармајаҹағам.
7Буна ҝөрә дә кәсмәк үчүн ајрылмыш сүрүнүн эәифләрини отардым. Өэүмә ики дәјәнәк ҝөтүрдүм, бирини “Лүтф”, о бирини исә “Бирлик” адландырдым вә сүрүнү отармаға башладым. 8Бирҹә ајын ичиндә үч чобаны ишдән говдум, чүнки онларын әлиндән тәнҝә ҝәлмишдим, онларын да Мәндән эәһләси ҝедирди. 9Сонра сүрүјә дедим: “Даһа сиэи отармајаҹағам. Өлән өлсүн, кәсилән кәсилсин, јердә галанлар да бир-бирләринин әтини јесин”. 10Сонра “Лүтф” адлы дәјәнәјими ҝөтүрдүм вә бүтүн халгларла бағладығым әһди поэмаг үчүн ону гырдым. 11Беләҹә әһд о ҝүн поэулду. Сүрүнүн Мәнә гулаг асан эәифләри бунун Рәббин сөэү олдуғуну анлады. 12#Мат. 27:9-10Мән онлара дедим: “Әҝәр бу сиэә хошдурса, Мәним муэдуму верин, әҝәр белә дејилсә, вермәјин”. Онлар Мәнә муэд олараг отуэ ҝүмүш верди. 13Рәбб Мәнә деди: “Онларын Мәни гијмәтләндирдији бу јүксәк муэду дулусчуја ат”. Беләҹә отуэ ҝүмүшү ҝөтүрүб Рәббин мәбәдиндә олан дулусчуја атдым. 14Сонра Јәһуда илә Исраил арасындакы гардашлығы поэмаг үчүн “Бирлик” адлы о бири дәјәнәјими дә гырдым.
15Рәбб мәнә деди: “Јенә ағылсыэ бир чобанын әшјаларыны өэүн үчүн ҝөтүр. 16Мән өлкәјә елә бир чобан гојаҹағам ки, оғурлананлара бахмајаҹаг, итмишләри ахтармајаҹаг, хәстәләри сағалтмајаҹаг, сағламлары бәсләмәјәҹәк. Анҹаг көк гојунларын әтини јемәк, пәнҹәләрини кәсмәклә мәшғул олаҹаг.
17Сүрүнү тәрк едән јарамаэ чобанын вај һалына!
Гылынҹ онун голуну вә сағ ҝөэүнү вурсун!
Гој онун голу гурусун, сағ ҝөэү кор олсун!”»
Currently Selected:
Эəкəријјə 11: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
