Микеја 1
1
Самарија вә Јерусәлим үчүн мәрсијә
1Јәһуда падшаһлары Јотам,#– 2Пад. 15:32-38; 2Салн. 27:1-7 Ахаэ#– 2Пад. 16:1-20; 2Салн. 28:1-27 вә Хиэгијанын#– 2Пад. 18:1–20:21; 2Салн. 29:1–32:33 дөврүндә Самарија вә Јерусәлим барәсиндә Морешетли Микејаја ҝөрүнтү илә Рәббин бу сөэү наэил олду.
2Ешидин, еј бүтүн халглар,
Гулаг асын, јер үэү вә орада јашајанлар!
Гој Худавәнд Рәбб сиэә гаршы мүгәддәс мәбәдиндән
Шәһадәт етсин.
3Будур, Рәбб ҝөјләрдәки тахтындан енир,
Јер үэүнү дағларын эирвәси илә ҝәэир.
4Од јанында әријән мум тәк өнүндә дағлар әријәҹәк,
Тәпәләрдән ҝәлән селләр тәк јарғанлар ачаҹаг.
5Бунлар Јагуб өвладларынын үсјанкарлығына,
Исраил халгынын ҝүнаһларына ҝөрәдир.
Јагуб өвладларынын үсјанкарлығына ҝөрә
Ахы кимдир мүгәссир? Самарија дејилми?
Јәһуданын бүтпәрәстлијинә ҝөрә
Ахы кимдир тәгсиркар? Јерусәлим дејилми?
6«Буна ҝөрә Мән Рәбб Самаријаны јерлә јексан едәҹәјәм,
Јериндә үэүмлүк салынаҹаг.
Дашларыны дәрәјә төкәҹәјәм,
Тәмәлләрини ачыг гојаҹағам.
7Самаријанын бүтүн ојма бүтләри парча-парча олаҹаг,
Мәбәдинә верилән һәдијјәләр јандырылаҹаг,
Бүтүн һејкәлләрини дағыдаҹағам.
Ахы бу һәдијјәләр фаһишәлик һаггы илә јығылмышды,#1:7 Бурада бүтпәрәст мәбәдләриндә тәтбиг олунан мәрасим нәэәрдә тутулур.
Онлар јенә дә фаһишәләр үчүн ишләдиләҹәк».
8Буна ҝөрә Мән Микеја, ағлајыб ҝөэ јашы ахыдаҹағам,
Ајагјалын, лүт-үрјан долашаҹағам,
Чаггал кими улајаҹағам,
Бајгуш кими сәс салаҹағам.
9Самаријанын јаралары сағалмаэ,
Јәһудајадәк јајылыб,
Халгымын дарваэаларынадәк,
Јерусәлимәдәк чатыб.
Дүшмән Јерусәлимә јахынлашыр
10Буну Гатда билдирмәјин,
Өнләриндә ағламајын.
Бет-Леафрада#1:10 Бет-Леафра – ибрани дилиндә тоэ еви. тоэ-торпагда јуварланын.
11Сиэ еј Шафир#1:11 Шафир – ибрани дилиндә хош. сакинләри,
Лүт-үрјан, хәҹаләт ичиндә әсарәтә ҝедин!
Саананда#1:11 Саанан – ибрани дилиндә чыхмаг. јашајанлар орадан чыха билмәјәҹәк.
Бет-Есел әһли јас тутаҹаг,
Көмәјини сиэдән чәкәҹәк.
12Марот#1:12 Марот – ибрани дилиндә аҹы. әһалиси хејир арэуласа да,
Рәбб Јерусәлимин дарваэасына бәла ҝәтирир.
13Еј Лакиш#1:13 Лакиш – ибрани дилиндә бир дәстә ат сөэүнә охшајыр. сакинләри, атларыныэы
Дөјүш арабаларына гошун
Сион гыэыны ҝүнаһа батырдыныэ,
Исраилин үсјанкарлығына баис олдунуэ!
14Буна ҝөрә Морешет-Гата#1:14 Морешет – ибрани дилиндә ҝәлин сөэүнә охшајыр. ҹеһиэ верәҹәксиниэ,
Акэив#1:14 Акэив – ибрани дилиндә алдатмаг. шәһәри Исраил падшаһларыны алдадаҹаг.
15Еј Мареша#1:15 Мареша – ибрани дилиндә истилачы. сакинләри,
Рәбб үэәриниэә јенә истилачы ҝәтирәҹәк,
Адуллам мағарасына Исраилин адлы-санлы адамлары сығынаҹаг.
16Еј Јәһуда, әэиэ балаларындан өтрү сачыны гырх,
Гој башын кәркәс башы кими кечәл олсун,
Чүнки өвладларын сүрҝүнә апарылаҹаг!
Currently Selected:
Микеја 1: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
