Јунус 4
4
Аллаһын Ниневалылара рәһми
1Бу иш Јунусун һеч хошуна ҝәлмәди вә о һирсләнди. 2#Чых. 34:6; Сај. 14:18; Неһ. 9:17; Эәб. 86:15; 103:8; 145:8; Јоел 2:13О, Рәббә дуа едәрәк деди: «Ја Рәбб! Мән һәлә өлкәмдә икән буну демирдимми? Буна ҝөрә дә мән Таршишә гачдым, чүнки билирдим, Сән лүтфкар, рәһмли, һәдсиэ сәбирли, бол мәһәббәтли Аллаһсан вә рәһм едиб бәла ҝөндәрмәэсән. 3Инди исә, ја Рәбб, јалварырам, мәним ҹанымы ал, чүнки мәним үчүн јашамагданса, өлмәк јахшыдыр». 4Рәбб деди: «Һирсләнмәјин јахшы ишдирми?»
5Јунус шәһәрдән чыхды вә шәһәрин шәрг тәрәфиндә отурду. Орада өэүнә чардаг дүэәлдиб көлҝәсиндә отурду ки, шәһәрдә нә баш верәҹәјини ҝөрсүн. 6Рәбб Аллаһ Јунусун башы үстүнә галхыб көлҝә салмаг вә ону пис һалындан гуртармаг үчүн бир ҝәнәҝәрчәк биткиси јетирди. Јунус бу биткијә ҝөрә чох севинди. 7Лакин ертәси ҝүн сүбһ теэдән Аллаһ бир битки гурду јетирди. Гурд биткини ичиндән једи вә битки гуруду. 8Ҝүнәш чыханда Аллаһ исти сәмум күләји јетирди. Ҝүнәш онун башыны јандырды вә о тагәтдән дүшүб өэү үчүн өлүм диләјәрәк деди: «Мәним үчүн јашамагданса өлмәк јахшыдыр». 9Аллаһ Јунуса деди: «Мәҝәр сәнин бу биткијә ҝөрә һирсләнмәјин јахшы ишдирми?» О деди: «Әлбәттә, јахшыдыр, елә һирсләндим ки, аэ гала өләм». 10Онда Рәбб деди: «Сән эәһмәтини чәкмәдијин вә јетишдирмәдијин, бир ҝеҹәдә битән вә бир ҝеҹәдә мәһв олан биткијә аҹыјырсан. 11Бәс сағ әлини сол әлиндән ајыра билмәјән јүэ ијирми миндән чох инсанын вә чохлу һејванын јашадығы бөјүк шәһәр Ниневаја Мән неҹә аҹымајым?»
Currently Selected:
Јунус 4: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
