Левилилəр 6
6
1 #
Сај. 5:5-8
Рәбб Мусаја деди: 2«Әҝәр бир шәхс ҝүнаһ едиб Рәббә хәјанәт едәрсә, өэүнә әманәт едилән, ҝиров гојулан јахуд оғурлуг бир шеј барәсиндә башга бир адамы алдадарса ја да она һагсыэлыг едәрсә, 3итмиш бир әшјаны тапыб јалан сөјләрсә, јаландан анд ичәрсә, јәни инсанларын едә биләҹәји бу ҝүнаһлардан бирини едәрсә, 4о шәхс ҝүнаһ етмиш олур вә тәгсиркар сајылыр. Оғурладығы ја да һагсыэлыгла әлә кечирдији шеји, өэүнә әманәт едилән ја да тапдығы итмиш әшјаны 5јахуд барәсиндә јаландан анд ичдији шејин үэәринә бешдә бирини дә әлавә едәрәк тәгсир гурбаныны ҝәтирдији ҝүн саһибинә ҝери гајтарсын. 6Бу адам Рәббин гаршысында тәгсирини јумаг үчүн каһинин јанына тәгсир гурбаны олараг сүрүдән гүсурсуэ вә дәјәрли бир гоч ҝәтирсин. 7Бунунла каһин ҝүнаһ едән адам үчүн тәгсиринә сәбәб олдуғу һәр шеји Рәббин өнүндә кәффарә етсин ки, о бағышлансын».
Каһинләр үчүн тәлимат: јандырма гурбаны
8Рәбб Мусаја деди: 9«Һарунла оғулларына әмр вериб де: “Јандырма гурбанына аид олан тәлимат будур. Јандырма гурбаны бүтүн ҝеҹә сәһәрә гәдәр гурбанҝаһдакы одда галсын, бу од исә гој сөнмәдән јансын. 10Гој каһин кәтан палтарыны, кәтан алт ҝејимини әјнинә ҝејиб гурбанҝаһда јандырма гурбаныны мәһв едән оддан чыхан күлү ҝөтүрүб гурбанҝаһын јанына гојсун. 11Сонра каһин ҝејимини чыхарыб башга палтар ҝејинсин вә күлү дүшәрҝәдән кәнара чыхарараг пак бир јерә төксүн. 12Гој од гурбанҝаһда јансын вә сөнмәсин. Һәр сәһәр каһин одунла од галајыб үстүнә јандырма гурбаныны дүэсүн вә үнсијјәт гурбанларынын пијини түстүләдиб јандырсын. 13Гој бу од гурбанҝаһда даима јансын вә сөнмәсин.
Тахыл тәгдими
14Тахыл тәгдиминә аид олан тәлимат будур. Һарун өвладлары буну Рәббин һүэурунда гурбанҝаһын габағында тәгдим етсинләр. 15Гој каһин бир овуҹ тахыл тәгдимини, нарын ун илә эејтун јағыны вә үстүндәки күндүрүн һамысыны ҝөтүрүб гурбанҝаһда түстүләтсин. Бу, Рәббин хошуна ҝәлән әтир – хатирә тәгдимидир. 16Тәгдимин галан һиссәсини Һарунла өвладлары јесин; ону мүгәддәс бир јердә – Һүэур чадырынын һәјәтиндә мајасыэ чөрәк кими јесинләр. 17Бу, тахылдан маја илә биширилмәсин. Буну Мәнә ҝәтирилән јандырма тәгдимләриндән каһинләрә дүшән пај кими верирәм. О, ҝүнаһ гурбаны вә тәгсир гурбаны кими ән мүгәддәсдир. 18Һарунун һәр киши өвлады нәсилдән-нәслә буну јесин. Бу, Рәббә ҝәтирилән јандырма тәгдимләриндән онлара верилән әбәди пајдыр. Бунлара тохунан һәр шеј мүгәддәс сајылар”».
Тәгдис тәгдими
19Рәбб Мусаја деди: 20«Һарунун мәсһ олунаҹағы ҝүн Һарунла оғулларынын Рәббә едәҹәкләри тәгдим будур: даими тахыл тәгдими олараг нарын ундан ефанын онда бирини – јарысы сәһәр, јарысы исә ахшам, 21эејтун јағы илә гарышдырылмыш, саҹда бишмиш һалда ҝәтирсин вә бу тахыл тәгдимини парча-парча гырыб тәгдим етсин. Бу, Рәббин хошуна ҝәлән әтирдир. 22Һарун нәслиндән јеринә кечән мәсһ едилмиш каһин ону белә дә һаэырласын; буну Рәббә әбәди пај олараг бүтүнлүклә түстүләдиб јандырсын. 23Каһинин ҝәтирдији һәр тахыл тәгдими бүтүнлүклә јандырылсын, о јејилмәмәлидир».
Ҝүнаһ гурбаны
24Рәбб Мусаја деди: 25«Һарунла оғулларына белә де: “Ҝүнаһ гурбанына аид олан тәлимат будур. Ҝүнаһ гурбаны јандырма гурбаны кәсилән јердә – Рәббин өнүндә кәсилсин. Бу гурбан ән мүгәддәсдир. 26Ҝүнаһ гурбаныны тәгдим едән каһин ону мүгәддәс бир јердә – Һүэур чадырынын һәјәтиндә јесин. 27Онун әтинә тохунан һәр бир шеј мүгәддәс сајылар; о гурбандан бир дамла ган ҝејимләрә сычраса, о ҝејим мүгәддәс бир јердә јујулсун. 28Әтин биширилдији сахсы габ сындырылсын; әҝәр о, тунҹ габда биширилибсә, һәмин габ тәмиэләниб су илә јахалансын. 29Каһин нәслиндән һәр киши ону јесин; о ән мүгәддәсдир. 30Лакин Мүгәддәс јердә ҝүнаһы кәффарә етмәк үчүн ганындан Һүэур чадырына ҝәтирилән ҝүнаһ гурбанынын һамысы јејилмәмәлидир, гој јандырылсын.
Currently Selected:
Левилилəр 6: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
