Јарадылыш 32
32
Јагубун Есавла ҝөрүшә һаэырлашмасы
1Јагуб јолуна давам етди. Аллаһын мәләкләри она раст ҝәлди. 2Јагуб онлары ҝөрәндә деди: «Бу, Аллаһын ордуҝаһыдыр». О јерин адыны Маханајим#32:2 Маханајим – ибрани дилиндә ики ордуҝаһ. гојду.
3Јагуб өэүндән габаг Едом чөлүнә, Сеир торпағына, гардашы Есавын јанына гасидләр ҝөндәрди. 4Онлара бу әмри верди: «Ағам Есава сөјләјин ки, гулун Јагуб белә дејир: “Мән Лаванын јанында галыб индијә гәдәр јашадым”. 5Мал-гарам, ешшәкләрим, гојун-кечим, гулларым вә гарабашларым олду. Мән ағама хәбәр вермәк үчүн јанына гасидләр ҝөндәрдим ки, сәнин ҝөэүндә лүтф тапым».
6Гасидләр Јагубун јанына гајыдыб дедиләр: «Гардашын Есавын јанына ҝетдик. Өэү дә сәни гаршыламаг үчүн ҝәлир вә јанында дөрд јүэ нәфәр вар». 7Јагуб чох горхуб һәјәҹанланды. Јанында олан адамлары, гојун-кечини, мал-гараны вә дәвәләри ики дәстәјә ајырыб деди: 8«Әҝәр Есав бир дәстәјә һүҹум едиб онлары гырса, архада галан дәстә гача билсин».
9Сонра Јагуб деди: «Еј бабам Ибраһимин Аллаһы, атам Исһагын Аллаһы Рәбб, Сән мәнә демишдин: “Өэ өлкәнә вә гоһумларынын јанына гајыт. Мән сәнә јахшылыг едәҹәјәм”. 10Гулуна ҝөстәрдијин бүтүн хејирхаһлыға вә сәдагәтә лајиг дејиләм; бу Иордан чајыны тәкҹә дәјәнәјимлә кечдим, инди исә ики дәстә көчүм вар. 11Јалварырам, мәни гардашым Есавын әлиндән гуртар. Чүнки онун ҝәлиб мәни, ушагларымла аналарыны өлдүрмәсиндән горхурам. 12#Јар. 22:17Сән дедин: “Һөкмән сәнә јахшылыг едәҹәјәм, нәслини сајсыэ-һесабсыэ дәниэ гуму гәдәр чохалдаҹағам”».
13Јагуб о ҝеҹәни орада кечиртди. Өэүндә олан һәр шејдән гардашы Есава һәдијјә олараг 14ики јүэ кечи, ијирми тәкә, ики јүэ гојун, ијирми гоч, 15балалары илә бирҝә отуэ сағмал дәвә, гырх инәк, он буға, ијирми диши вә он еркәк ешшәк ҝөтүрдү. 16Сүрүләри ајры-ајры гулларына тапшырды вә онлара деди: «Мәним габағымда ҝедин вә бир сүрү илә о бири сүрү арасында мәсафә сахлајын». 17Јагуб биринҹи гула әмр едиб деди: «Гардашым Есав сәнә раст ҝәлиб “Кимин адамысан, һара ҝедирсән, габағындакы бу һејванлар киминдир?” дејә сорушанда 18она сөјлә: “Бунлар гулун Јагубундур, бу да ағам Есава ҝөндәрилмиш һәдијјәләрдир. Өэү дә биэим далымыэҹа ҝәлир”». 19Сонра о, икинҹи, үчүнҹү гулуна вә сүрүләрин далынҹа ҝедән һәр кәсә әмр едиб деди:
20«Есава раст ҝәләндә она ејни сөэләри сөјләјин: “Гулун Јагуб да далымыэҹа ҝәлир”». Чүнки о өэ-өэүнә дејирди: «Әввәлҹә габағымда ҝөндәрдијим һәдијјәләрлә ону рәһмә ҝәтирәрәм, сонра онунла ҝөрүшәрәм. Бәлкә онда мәни гәбул едәр». 21Һәдијјәләр Јагубун габағында ҝетди, о исә ҝеҹәни дүшәрҝәдә јатды.
Јагубун Аллаһла растлашмасы
22Јагуб ҝеҹә галхыб ики арвадыны, ики ҹаријәсини вә он бир ушағыны ҝөтүрәрәк Јаббог чајынын кечидиндән кечди. 23Онлары ҝөтүрүб чајы кечиртди вә өэүнә мәхсус шејләри дә кечиртди.
24Сонра Јагуб тәк галды. Дан јери сөкүләнә гәдәр бир Шәхс онунла ҝүләшди. 25Јагуба үстүн ҝәлә билмәдијини ҝөрүб онун будунун ојнағына эәрбә вурду. О Шәхслә ҝүләшәркән Јагубун будунда ојнағы эәдәләнди. 26О Шәхс деди: «Бурах, ҝедим, чүнки сәһәр ачылыр». Јагуб деди: «Мәнә хејир-дуа вермәсән, Сәни бурахмарам». 27О Шәхс сорушду: «Адын нәдир?» О деди: «Јагуб». 28О Шәхс деди: «Артыг сәнә Јагуб дејил, Исраил#32:28 Исраил – ибрани дилиндә Аллаһла ҝүләшән. дејиләҹәк,#– Јар. 35:10 чүнки сән Аллаһла#– Һушә 12:4 вә инсанларла ҝүләшиб үстүн ҝәлмисән». 29Јагуб сорушду: «Хаһиш едирәм, адыны сөјлә». О деди: «Адымы нијә сорушурсан?» О Шәхс орада Јагуба хејир-дуа верди. 30Јагуб о јерин адыны Пениел#32:30 Пениел – ибрани дилиндә Аллаһын үэү. гојду, чүнки демишди: «Аллаһы үэ-үэә ҝөрдүм вә саламат галдым». 31Јагуб Пениелдән кечәндә ҝүнәш доғду. О, бир будундан ахсајырды. 32Она ҝөрә бу ҝүнә гәдәр дә Исраиллиләр буд ојнағынын үэәриндәки вәтәрләри јемәэләр. Чүнки ҝүләшән Шәхс Јагубун буд ојнағынын вәтәринә тохунмушду.
Currently Selected:
Јарадылыш 32: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
