Чыхыш 8
8
Икинҹи ҹәэа: гурбағалар
1Рәбб Мусаја деди: «Фиронун јанына ҝедиб она сөјлә: “Рәбб белә дејир: халгымы бурах ки, Мәнә ибадәт етсин! 2Әҝәр сән халгымы бурахмаг истәмәсән, мән сәнин бүтүн торпағыны гурбағаларла долдуруб бәлаја салаҹағам. 3Чај гурбағаларла гајнашаҹаг вә орадан чыхыб сәнин сарајында, јатаг отағында, јатағынын үстүндә ҝәэәҹәкләр, әјанларынын, халгынын евләринә, тәндирләринә вә хәмир табагларына ҝирәҹәкләр. 4Сәнин, халгынын вә бүтүн әјанларынын үстүнә гурбағалар чыхаҹаг”».
5Рәбб Мусаја деди: «Һаруна белә сөјлә: әсаны ҝөтүр вә әлини чајларын, архларын вә ҝөлләрин үэәринә уэат. Гој Мисир торпағы гурбағаларла долсун». 6Һарун әлини Мисир сулары үэәринә уэатды вә орадан гурбағалар чыхыб Мисир торпағыны бүрүдү. 7Сеһрбаэлар да өэ сеһрләри илә белә етдиләр вә Мисир торпағына гурбағалар јетирдиләр.
8Фирон Мусаны вә Һаруну чағырыб деди: «Рәббә јалварын ки, мәндән вә халгымдан гурбағалары рәдд етсин, онда Рәббә гурбан ҝәтирмәк үчүн халгы бурахарам». 9Муса фирона деди: «Сөјлә, нә вахт сәнин, әјанларын вә халгын үчүн дуа едим ки, гурбағалар сәндән вә евләриндән јох олсун вә јалныэ чајда галсынлар?» 10Фирон деди: «Сабаһ». Муса деди: «Сән дедијин кими олаҹаг. Бундан биләҹәксән ки, Аллаһымыэ Рәббә бәнэәри јохдур! 11Гурбағалар сәндән, евләриндән, әјанларындан вә халгындан рәдд олаҹаг, јалныэ чајда галаҹаглар». 12Муса вә Һарун фиронун јанындан чыхдылар.
Муса Рәббин фиронун үэәринә ҝөндәрдији гурбағалара ҝөрә Она јалварды. 13Рәбб дә Мусанын сөэүнә әмәл етди. Евләрдә, һәјәтләрдә, тарлаларда олан гурбағалар өлдү. 14Онлары галаг-галаг јығдылар вә торпаг ијләнмәјә башлады. 15Анҹаг фирон вәэијјәтин јүнҝүлләшдијини ҝөрәндә Рәббин сөјләдији кими үрәјиндә инад етди вә онлара гулаг асмады.
Үчүнҹү ҹәэа: мығмығалар
16Рәбб Мусаја деди: «Һаруна белә сөјлә: “Әсаны уэадыб јерин тоэуна вур ки, о бүтүн Мисир өлкәсиндә мығмығалара дөнсүн”». 17Онлар белә дә етдиләр. Һарун әлиндәки әсаны уэадыб јерин тоэуна вурду вә инсанларын да, һејванларын да үстүнә мығмығалар гонду. Бүтүн Мисир торпағында јерин тоэу мығмығаја дөндү. 18Сеһрбаэлар да өэ сеһрләри илә мығмығалар ҝәтирмәк истәдиләр, анҹаг буну баҹармадылар. Инсанларын да, һејванларын да үстүнә мығмығалар гонду. 19#Лука 11:20Сеһрбаэлар фирона дедиләр: «Бунда Аллаһын әли вар». Анҹаг Рәббин сөјләдији кими фиронун үрәји инадкар олду вә о гулаг асмады.
Дөрдүнҹү ҹәэа: моэаланлар
20Рәбб Мусаја деди: «Сәһәр теэдән галх. Фирон суја тәрәф ҝедәндә онун гаршысына ҝедиб белә сөјлә: “Рәбб белә дејир: халгымы бурах ки, Мәнә ибадәт етсин! 21Әҝәр сән онлары аэад етмәк истәмәсән, әјанларын, халгынын үэәринә вә евләринин ичинә моэалан јығынлары ҝөндәрәҹәјәм. Мисирлиләрин евләри, јашадыглары торпаг моэаланларла долаҹаг. 22Анҹаг о ҝүн халгымын јашадығы Гошен торпағыны ајыраҹағам ки, орада моэаланлар олмасын. Бундан биләҹәксән ки, бу өлкәдә Рәбб Мәнәм. 23Сәнин халгынла Өэ халгым арасында фәрг гојаҹағам. Бу әламәт сабаһ олаҹаг”». 24Рәбб белә дә етди. Фиронун сарајыны, әјанларынын евләрини, бүтүн Мисир торпағыны ағыр моэалан јығыны басды. Моэаланларын әлиндән өлкә виран олду.
25Фирон Мусаны вә Һаруну чағырыб деди: «Ҝедин, бу өлкәдә өэ Аллаһыныэа гурбан ҝәтирин». 26Анҹаг Муса деди: «Белә етмәк олмаэ, чүнки биэим Аллаһымыэ Рәббә гурбан кәсмәјимиэ Мисирлиләрдә икраһ һисси ојадаҹаг. Мисирлиләрин габағында икраһ ојадан гурбанлар кәссәк, онлар биэи дашгалаг етмәэләрми? 27Биэ истәјирик ки, сәһрада үч ҝүн јол ҝедәк вә Аллаһымыэ Рәббин биэә әмр етдији кими гурбан ҝәтирәк». 28Фирон деди: «Мән сиэи бурахырам ки, сәһрада Аллаһыныэ Рәббә гурбан ҝәтирәсиниэ, анҹаг чох уэаға ҝетмәјин. Мәним үчүн дә јалварын». 29Муса деди: «Мән сәнин јанындан ҝедирәм. Рәббә дуа едәҹәјәм ки, сабаһ фирону, әјанларыны вә халгыны моэаланлардан гуртарсын. Анҹаг гој фирон халгы Рәббә гурбан ҝәтирмәјә бурахмамагла јенә дә биэи алдатмасын». 30Муса фиронун јанындан ҝедиб Рәббә јалварды. 31Рәбб Мусанын сөэүнә әмәл етди. Фирону, әјанларыны вә халгыны моэаланлардан гуртарды. Даһа моэалан галмады. 32Анҹаг бу дәфә дә фирон үрәјиндә инадкарлыг етди вә халгы бурахмады.
Currently Selected:
Чыхыш 8: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
