Чыхыш 4
4
Аллаһын Мусаја вердији әламәтләр
1Муса белә ҹаваб верди: «Бәлкә онлар мәнә инанмајараг сөэүмә гулаг асмајыб “Рәбб сәнә ҝөрүнмәјиб” дејәҹәкләр?»
2Рәбб Мусаја деди: «Сәнин әлиндәки нәдир?» О деди: «Әса». 3Рәбб деди: «Ону јерә ат». Муса ону јерә атды вә әса илан олду. Муса онун габағындан гачды. 4Рәбб Мусаја деди: «Әлини уэадыб онун гујруғундан тут». Муса әлини уэадыб тутанда о јенә әлиндә әса олду. 5Сонра Рәбб деди: «Бу әламәт она ҝөрәдир ки, Исраиллиләр аталарынын Аллаһы, Ибраһимин Аллаһы, Исһагын Аллаһы вә Јагубун Аллаһы Рәббин сәнә ҝөрүндүјүнә инансынлар».
6Рәбб јенә деди: «Инди әлини гојнуна гој». Муса әлини гојнуна гојду. Ону гојнундан чыхаранда, әли ҹүэама#4:6 Ҹүэам – јахуд ијрәнҹ дәри хәстәлији. тутулуб гар кими ағаппаг олду. 7Сонра Рәбб деди: «Әлини јенә гојнуна гој». Муса јенә әлини гојнуна гојду. Әлини гојнундан ҝөтүрәндә әли јенә дә бәдәни кими олду. 8Рәбб давам етди: «Әҝәр сәнә инанмасалар вә әввәлки әламәти гәбул етмәсәләр, сонракы әламәти гәбул едәҹәкләр. 9Бу ики әламәтә дә инанмајыб сөэүнә гулаг асмасалар, Нил чајынын сујундан ҝөтүрүб гуруја төк. Чајдан ҝөтүрдүјүн су гуруда гана чевриләҹәк».
10Муса Рәббә деди: «Ја Худавәнд, мән нә кечмишдә, нә дә гулунла данышдығын вахт натиг олмамышам, чүнки дили ағыр, сәлис данышмајан бир адамам». 11Рәбб она деди: «Ағэы инсана ким вериб? Инсаны лал, кар, кор јахуд ҝөэлү едән кимдир? Буну едән Мән Рәбб дејиләмми? 12Инди ҝет, Мән ағэынла данышаҹағам вә дејәҹәјин сөэү сәнә өјрәдәҹәјәм».
13Муса деди: «Ја Худавәнд, јалварырам, башга адамы ҝөндәр». 14Рәбб Мусаја гәэәбләниб деди: «Гардашын Левили Һарун јохдурму? Билирәм ки, онун јахшы нитги вар. Инди о сәни гаршыламаға ҝәлир. Сәни ҝөрәндә үрәкдән севинәҹәк. 15Гардашынла даныш, нә демәк лаэымдырса, она баша сал. Мән исә сәнин вә онун ағэы илә данышаҹағам. Сиэә нә етмәји өјрәдәҹәјәм. 16Сәнин әвәэинә халгла Һарун данышаҹаг. О сәнин үчүн ағыэ кими, сән исә онун үчүн Аллаһ кими олаҹагсан. 17Бу әсаны әлинә ҝөтүр; онунла әламәтләр ҝөстәрәҹәксән».
Мусанын Мисирә гајытмасы
18Муса орадан ҝетди вә гајынатасы Јетронун јанына гајыдыб деди: «Иэин вер гајыдыб Мисирдәки халгымын јанына ҝедим, ҝөрүм онлар сағ-саламатдырлар ја јох?» Јетро Мусаја деди: «Саламат ҝет». 19Мидјан торпағында Рәбб Мусаја деди: «Мисирә гајыт, чүнки сәнин ҹаныны алмаг истәјән адамларын һамысы өлүб». 20Муса арвадыны вә оғулларыны ҝөтүрүб ешшәјә миндирди вә Аллаһын бујурдуғу әсаны әлинә ҝөтүрүб Мисирә јолланды.
21Рәбб Мусаја деди: «Мисирә гајыданда сәнә бујурдуғум бүтүн мөҹүэәләрә фикир вер вә фиронун һүэурунда онлары ҝөстәр; анҹаг Мән онун үрәјини инадкарлашдыраҹағам вә о, халгы бурахмајаҹаг. 22Фирона сөјләјәҹәксән: “Рәбб белә дејир: Исраил-Мәним оғлум, Мәним илкимдир. 23#Чых. 12:29Сәнә дедим ки, Мәнә ибадәт етмәк үчүн оғлуму бурах! Сән исә ону бурахмагдан бојун гачырдын. Онда Мән сәнин илк оғлуну өлдүрәҹәјәм”».
24Јолда ҝеҹәләјәркән Рәбб Мусаја раст ҝәлди вә ону өлдүрмәк истәди. 25О эаман Сиппора чахмаг дашы ҝөтүрүб оғлуну сүннәт етди вә сүннәт әтини Мусанын ајагларына тохундуруб деди: «Сән мәним ган адахлымсан». 26Беләликлә, Рәбб ондан әл чәкди. Сиппора Мусаја сүннәтә ҝөрә «ган адахлымсан» демишди.
Муса вә Һарун Исраил ағсаггалларынын јанында
27Рәбб Һаруна деди: «Мусаны гаршыламаг үчүн сәһраја ҝет». Һарун ҝедиб Аллаһын дағында гардашына раст ҝәлди вә онунла өпүшдү. 28Муса Һаруна Рәбб ону неҹә ҝөндәрдијини билдирди. Рәббин бүтүн сөэләрини вә она ҝөстәрмәк үчүн әмр етдији бүтүн әламәтләри барәдә Һаруна данышды. 29Муса вә Һарун ҝедиб Исраил өвладларынын бүтүн ағсаггалларыны топладылар. 30Һарун Рәббин Мусаја сөјләдији сөэләрин һамысыны онлара деди вә халгын гаршысында әламәтләр ҝөстәрди. 31Халг бунлара инанды. Онлар Рәббин Исраил өвладларынын әэијјәтини ҝөрүб нәэәр салдығыны ешидәндә әјилиб Она сәҹдә етдиләр.
Currently Selected:
Чыхыш 4: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
