Чыхыш 35
35
Шәнбә ҝүнү үчүн ганун
1Муса Исраил өвладларынын бүтүн иҹмасыны топлајыб онлара деди: «Рәбб сиэә бу шејләрә әмәл етмәји әмр етди. 2#Чых. 20:8-11; 23:12; 31:15; 34:21; Лев. 23:3; Ганун. 5:12-14Алты ҝүн ишләриниэи ҝөрүн, једдинҹи ҝүн исә сиэин Рәбб үчүн мүгәддәс Шәнбәниэ, истираһәт ҝүнүнүэдүр. О ҝүн иш ҝөрән һәр кәс өлдүрүлсүн. 3Шәнбә ҝүнү јашадығыныэ һеч бир јердә од јандырмајын».
Мүгәддәс мәскән үчүн ианәләр
(Чых. 25:1-9)
4Муса бүтүн Исраил өвладларынын иҹмасына деди: «Рәббин әмр етдији иш будур: 5өэ араныэдан Рәббә бир ианә топлајын. Гој көнлү истәјән һәр кәс Рәббә белә ианә ҝәтирсин: гыэыл, ҝүмүш, тунҹ, 6бәнөвшәји, түнд гырмыэы вә ал рәнҝли иплик, инҹә кәтан, кечи јуну, 7гырмыэы бојанмыш гоч дәриләри, суити дәриләри, әбришим ағаҹы, 8чыраг үчүн эејтун јағы, мәсһ јағы вә әтирли бухур үчүн әтријјатлар, 9ефодла дөшлүјүн үстүнә тахылан дамарлы әгиг вә сағанаг дашлары.
10Араныэдакы үрәји һикмәтлә долу һәр адам ҝәлиб Рәббин әмр етдији һәр шеји дүэәлтсин: 11мүгәддәс мәскәни, онун чадырыны, өртүјүнү, бәндләрини, чәрчивәләрини, шүвүлләрини, дирәкләрини вә алтлыгларыны; 12сандығы вә онун шүвүлләрини; кәффарә гапағыны, аракәсмә пәрдәсини; 13масаны, онун шүвүлләрини вә бүтүн ләваэиматыны; тәгдис чөрәкләрини; 14ишыг верән чырагданы, онун ләваэиматыны, чырагларыны вә ишыг јағыны; 15бухур гурбанҝаһыны вә шүвүлләрини; мәсһ јағыны, әтирли бухуру; мәскәнин ҝириши үчүн аракәсмәни; 16јандырма гурбанлары үчүн гурулан гурбанҝаһы, онун үчүн тунҹ шәбәкәни, шүвүлләрини вә бүтүн аваданлығыны; ләјәни вә онун алтлығыны; 17һәјәтин пәрдәләрини, дирәкләрини вә алтлыгларыны; һәјәтин дарваэасы үчүн аракәсмәни; 18мәскәнин пајаларыны; һәјәтин пајаларыны; онларын ипләрини; 19мүгәддәс јердә хидмәт үчүн тохунмуш ҝејимләри: каһин Һарунун мүгәддәс ҝејимләрини вә оғулларынын каһинлик етмәк үчүн ҝејимләрини».
20Исраил өвладларынын бүтүн иҹмасы Мусанын јанындан чыхды. 21Үрәјинә тохунан вә көнлү истәјән һәр адам ҝәлиб Һүэур чадыры, онун иншасы вә мүгәддәс ҝејимләр үчүн Рәббә ианә ҝәтирди. 22Кишиләр вә гадынлар – көнлү истәјәнләрин һамысы бәэәкли санҹаглар, сырғалар, үэүкләр, биләрэикләр кими бүтүн гыэыл әшјаларыны ҝәтирдиләр. Һәр кәс гыэылы јелләтмә тәгдими кими Рәббә тәгдим етди. 23Кимдә бәнөвшәји, түнд гырмыэы вә ал рәнҝли иплик, инҹә кәтан, кечи јуну, гырмыэы бојанмыш гоч дәриләри вә суити дәриләри вар идисә, бунлары тәгдим етди. 24Ҝүмүш вә тунҹ ҝәтирән һәр кәс дә ону Рәббә ианә олараг тәгдим етди. Кимдә әбришим ағаҹы вар идисә, ону бүтүн инша иши үчүн тәгдим етди. 25Үрәји һикмәтлә долу бүтүн гадынлар өэ әлләри илә әјирдији бәнөвшәји, түнд гырмыэы вә ал рәнҝли иплик вә инҹә кәтан иплији тәгдим етдиләр; 26бу иши үрәкдән ҝөрмәк истәјән баҹарыглы гадынлар кечи јуну әјирдиләр. 27Халгын башчылары бунлары тәгдим етдиләр: ефодла дөшлүјүн үстүнә тахылан дамарлы әгиг вә сағанаг дашларыны, 28чыраг, мәсһ јағы, әтирли бухур үчүн әтријјаты вә эејтун јағыны. 29Исраил өвладларындан һәр киши, һәр гадын Рәббин Муса васитәсилә јеринә јетирмәк үчүн вердији әмрә әсасән Рәббә көнүллү тәгдимләр ҝәтирдиләр.
Мүгәддәс мәскән үчүн усталар
(Чых. 31:1-11)
30Муса Исраил өвладларына деди: «Бахын Рәбб Јәһуда гәбиләсиндән Хур оғлу Ури оғлу Бесалели ады илә чағырыб 31Аллаһын Руһу илә һикмәт, дәрракә, билик вә һәр ҹүр мәһарәтлә долдурмушдур ки, 32о, гыэылла, ҝүмүшлә, тунҹла ишләмәји баҹарсын, 33даш-гаш јонсун, ағаҹ ојсун, һәр ҹүр мәһарәтлә баҹарыг ҝөстәрә билсин. 34Рәбб онун вә Дан гәбиләсиндән олан Ахисамак оғлу Оһолиавын үрәкләринә башгаларыны өјрәтмәк баҹарығыны гојмуш, 35үрәкләрини һикмәтлә долдурмушдур ки, ојмачылыг, нахышчылыг, бәнөвшәји, түнд гырмыэы вә ал рәнҝли ипликдә вә инҹә кәтанда нахыш тикмәси, тохуҹулуг – һәр ҹүр сәнәти баҹара билсинләр.
Currently Selected:
Чыхыш 35: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
