Siraka 47
47
Ta Natani
1 #
II Sam. 7:2-3; 12:1 Endzhaku ka Samiele, ku humelele Natani,
loyi a a ri muprofeta enkarhini wa Davhida.
Ta Davhida
2 # I Sam. 17:34 – 18:7; II Sam. 5:7; 8:1; 12:13 Tanihi laha mafurha ma hlawuriwaka hakona enyameni ya xifuwo xa mhamba ya xinakulobye,
na yena Davhida ú hlawuriwile exikarhi ka Vaisraele.
3A a tlanga ni tinghala ni swinkankanka#Kumbe: tibere
tanihi loko swi ri swinyimpfana.
4Loko a ha ri mufana, ú dlayile xihontlovila ku kutsula varikwavo.
Ú tekile ribye, a ri hoxa hi xipelupelu,
kutani a herisa ku tikukumuxa ka Goliyadi.
5Ú khongerile Xikwembu xa matimba hinkwawo,
kutani xi n'wi nyikile ntamu
wa ku dlaya nhenha yo chavisa enyimpini,
leswaku vanhu va xona va kota ku tlhela va tiyile.
6Vaisraele va n'wi fundzhile hikuva ú hlurile valala va magidi-gidi,
kutani loko a vekiwile ku va hosi ya vona,
va n'wi dzunisile hikuva a a katekisiwile hi HOSI Xikwembu.
7Ú herisile valala va yena matlhelo hinkwawo,
a herisela makumu matimba ya Vafilista ku fika ninamuntlha.
8Davhida ú nkhensile ni ku dzunisa Muhlawuleki, HOSI Xikwembu xa matimba hinkwawo
eka hinkwaswo leswi a swi endleke.
Ú rhandzile mutumbuluxi wa yena
a n'wi dzunisa hi tinsimu hi mbilu ya yena hinkwayo.
9Ú vekile vayimbeleri emahlweni ka alitari,
leswaku va ta yimbelela tinsimu to saseka.
10Ú hlawurile masiku man'wana ya lembe
leswaku ma va ya minkhuvo yo xonga.
Xivandla lexo hlawuleka xi pfume hi tinsimu siku hinkwaro,
vito ra Xikwembu ri karhi ri dzunisiwa.
11HOSI Xikwembu xi rivalerile swidyoho swa Davhida,
kutani xi n'wi nyike matimba lama nga heriki.
Xi endlile ntwanano na yena ni ku n'wi tshembisa
leswaku yena ni vatukulu va yena va ta fuma Vaisraele hi ndlela yo nkhenseka.
Ta Solomoni
12Solomoni n'wana Davhida ni munhu wa vutlhari a sala a fuma,
a hanya hi ntsako hikwalaho ka tata wa yena.
13 #
I Tih. 4:21-32
A ku vanga na nyimpi enkarhini wa ku fuma ka Solomoni.
HOSI Xikwembu xi n'wi nyikile ku rhula hinkwako,
leswaku a xi xixima hi ku xi akela yindlu,
xi nga Xivandla lexo hlawuleka lexi nga ta va kona hilaha ku nga heriki.
14We Solomoni, u tlharihile swinene evuntshweni bya wena!
Vutivi bya wena a byi fana ni nambu [wa Nilo]#Van'wana a va tsalanga marito lawa. hi ku enta ka byona.
15Miehleketo#Kumbe: Ndzhuti ya wena a yi funengeta misava hinkwayo,
kutani swivuriso ni mitshayito#mitshayito, kumbe: switekatekana, swihitana, mawetana ya wena a swi tiviwa hinkwako.
16Vito ra wena na rona a ri tiviwa eswihlaleni swa le kule,
kutani vanhu va ku rhandzile hikwalaho ka ku rhula ka wena.
17Tinsimu ta wena, ni swivuriso swa wena, ni swifaniso swa wena,
ni tinhlamulo ta wena swi hlamarisile matiko hinkwawo.
18 #
I Tih. 10:21,27 Hi vito ra HOSI Xikwembu,
xi nga xona Xikwembu xa Vaisraele,
we Solomoni, u tihlengeleterile nsuku ku fana ni thini,
ni silivhere tanihi ntsopfu.
19 #
I Tih. 11:1
Kambe u wisile vuhosi bya wena
hi ku etlela ni vavasati.
20U onhile vito ra wena lerinene
ni ra vatukulu va wena.
Va xanisekile hikwalaho ka xihoxo lexi xa wena,
xi va vangela maxangu layo tala.
21 #
I Tih. 12:15-20
Tiko ri avanyisiwile,
kutani en'walungwini wa tiko ra Israele ku sungurile mfumo wun'wana.#Kumbe: etikweni ra Efrayimi tihosi tin'wana to pfulunganya ti sungurile ku fuma
22 #
I Sam. 7:15
Kambe HOSI Xikwembu xi ta komba tintswalo ta xona minkarhi hinkwayo,
xi nga ka xi nga hlweli ni ku hlayisa switshembiso swa xona.#Van'wana va ri: xi nga ka xi nga onheteli leswi xi swi endleke
Xi nga ka xi nga herisi vatukulu va Davhida,
loyi xi n'wi hlawuleke hi ku n'wi rhandza.
Xi pfumerile leswaku Vaisraele van'wana va sala va hanya,
ni xihluke xa Davhida xi ponisiwa.#Kumbe: Hikwalaho ka Vaisraele xi pfumerile leswaku ndyangu wa Davhida wu ponisiwa
Ta Rhobuwamu na Yerobuwamu
23 #
I Tih. 11:43; 12:10-30; II Tih. 17:16,18 Solomoni a hundza emisaveni kutani a lahliwa ni vatata wa yena.
Kavaloko un'wana wa vana va yena a sala a fuma.
N'wana loyi a a ri Rhobuwamu, a nga munhu wo kala mano ni xiphukuphuku lexikulu.#Van'wana va ri: ni xiphukuphuku exikarhi ka vanhu
Swiendlo swa yena swi endle leswaku vanhu va tiko va n'wi pfukela.
Naswona ku ve na Yerobuwamu n'wana Nebati#Van'wana va ri: loyi a nga vulavuriwangiki loyi a rhangeleke Vaisraele eku dyoheni
na Efrayimi endleleni leyo homboloka.#Kumbe: loyi a rhangeleke Vaisraele va le n'walungwini eku dyoheni
24Vaisraele va dyohile ku tlula mpimo,
kutani va hlongoriwile etikweni ra vona.
25Va ya emahlweni ku endla swiendlo hinkwaswo leswo homboloka
ku kondza loko Xikwembu xi va rihisela.
Currently Selected:
Siraka 47: TSO89
Highlight
Copy
Compare
Share
Want to have your highlights saved across all your devices? Sign up or sign in
© Bible Society of South Africa 1989. Used with permission. All rights reserved.