Siraka 21
21
Ta xidyoho
1N'wananga, xana u dyohile ke? U nga tshuki u dyoha nakambe,
kambe khongela leswaku swidyoho leswi u swi endleke swi ta rivaleriwa.
2Baleka xidyoho tanihi nyoka.
Loko u xi tshinelela, xidyoho xi ta ku luma.
Meno ya xona ma fana ni meno ya nghala,
ma dlaya mimoya wa vanhu.
3Vuhomboloki hinkwabyo byi kariha kukota tlhari leri lotiweke matlhelo mambirhi,
swilondza swa byona swi tsandza vatshunguri.
4Ku rhukana ni ku tiarisa#Van'wana va ri: Makhombo layo chavisa ni madzolonga swi hangalasa rifuwo;
kutani yindlu ya loyi a tikurisaka yi ta mbundzumuxiwa.
5 #
Sir. 35:17-19
Xikwembu xi yingisa swikombelo swa swisiwana,
xi hatlisa ku swi hlamula.
6Loyi a vengaka ku tshinyiwa, wa dyoha,
kambe la chavaka Xikwembu, ú tisola hi mbilu ya yena hinkwayo.
7Xivulavuri lexikulu xi duma ekule;
kambe la twisisaka, wa swi tiva loko a rheta ririmi.
8Loyi a akaka yindlu ya yena hi mali leyi lombiweke,
ú fana ni loyi a hlengeletaka maribye ematshan'wini ya ku rhotela tihunyi ta vuxika.
9Nhlengeletano ya vahomboloki yi fana ni xikatsa xa mavivi,
va ta tshwa hi ndzilo.
10Ndlela ya vadyohi yi andlariwile hi maribye yo rhetela,
kambe yi yisa exivandleni xa vafi.
Ta vutlhari ni ta vuphukuphuku
11Loyi a hlayisaka nawu, wa tikhoma emiehleketweni ya yena,#Kumbe: ú fanele ku wu tiva
loyi a chavaka HOSI Xikwembu hi ku hetiseka, ú ta kuma vutlhari.
12La nga ehleketiki swinene, a nga dyondziseki,
kambe ku ni vutivi byin'wana lebyi vangaka mbitsi.
13Vutivi bya munhu wo tlhariha byi fana ni ndhambi,#Kumbe: nambu lowu mati ya wona ma nga phyiki
switsundzuxo swa yena swi kota xihlovo lexi mati ya xona ma nga phyiki.#Kumbe: xinambyana lexi khulukaka minkarhi hinkwayo
14Mianakanyo ya xiphukuphuku yi fana ni khuwana ro fayeka,
yi nga ka yi nga hlayisi vutivi.
15Loko munhu wo twisisa a twa xivuriso,
ú ta xi dzunisa ni ku xi engetela.
Loko munhu wa vusopfa a xi twa, wa xi nyenya,
kutani a hatlisa ku xi rivala.
16Ku yingisa xiphukuphuku swi fana ni ku khoma riendzo u rhwale ndzhwalo lowukulu,
kambe marito ya munhu wa vutlhari ma tsakisa.
17Ku vulavula ka loyi a tlhariheke ka yingisiwa enhlengeletanweni,
kutani vanhu va kona va anakanya marito ya yena etimbilwini ta vona.
18Vutlhari eka munhu wo kala mano a byi pfuni nchumu, byi fana ni yindlu leyi hindzimuxiweke,
kutani vutivi bya xiphunta i bulu ra hava.
19Eka munhu wo pfumala miehleketo, switsundzuxo swi kotisa tinketani emilengeni ya yena,
swi fana ni tinsimbhi evokweni ra yena ra xinene.
20Xiphukuphuku xi hleka swinene,
kambe la tlhariheke ú n'wayitela ntsena.
21Eka munhu wa miehleketo, switsundzuxo swi fana ni swikhaviso swa nsuku,
swi kotisa masindza evokweni ra xinene.
22Xiphukuphuku xi hatla xi nghena endlwini,
kambe munhu wa vutivi ú rindzela ehandle hi xichavo.
23Xiphunta xi hlometela endlwini hi le nyangweni,
kambe munhu wa ndzhuti ú yima ehandle.
24I mukhuva lowo biha ku yingisela hi le nyangweni,
swi khomisa munhu wa miehleketo tingana.
25Vahlevi va jakatseka ntsena hi timhaka ta van'wana,#Van'wana va ri: vanhu va le handle va vulavula hi swilo leswi va swi yingiseke hi le nyangweni
kambe lavo tlhariha va pima marito ya vona.
26Swiphukuphuku swi hatlisa swi vulavula swi nga anakanyi nchumu,
kambe lavo tlhariha va xiyaxiya leswi va lavaka ku vulavula swona.
27Loko muhomboloki a rhuketela nala wa yena,#Kumbe: Sathana wa tirhuketela.
28Loyi a hlevaka, wa tinyamisa,
kutani vaakelani va yena hinkwavo va n'wi venga.
Currently Selected:
Siraka 21: TSO89
Highlight
Copy
Compare
Share
Want to have your highlights saved across all your devices? Sign up or sign in
© Bible Society of South Africa 1989. Used with permission. All rights reserved.