Romans 4
4
1သို့ဖြစ်၍ ငါတို့လူမျိုးတိုင်း၏ အဖဖြစ်သူ အာဗြဟံ၏အကြောင်းကို စဉ်းစားကြည့်ကြလော့။ သူ၏အတွေ့အကြုံသည်ကား အောက်ပါအတိုင်းဖြစ်သည်။ 2အကယ်၍ အာဗြဟံသည် မိမိ၏အကျင့်သီလအားဖြင့် ဘုရားရှင်နှင့် မှန်ကန်စွာဆက်ဆံခွင့်ကို ရရှိခဲ့ပါမူ သူ့ထံတွင် ဂုဏ်ယူဝင့်ကြွားစရာ အကြောင်းရှိပေသည်။ သို့ရာတွင် သူသည် ဘုရားရှင်၏ရှေ့မှောက်တွင် ထိုသို့ ဂုဏ်ယူဝင့်ကြွားခြင်းကို မပြုလုပ်နိုင်ပေ။ 3ကျမ်းစာတော်က "အာဗြဟံသည် ဘုရားရှင်အား ယုံကြည်သဖြင့် ဘုရားရှင်သည် သူ့အား ဖြောင့်မတ်သူအဖြစ် လက်ခံတော်မူခဲ့၏" ဟုဆိုလေသည်။ 4လူတစ်ယောက်သည် အလုပ်လုပ်၍ အခကြေးငွေကိုရရှိသောအခါ ထိုငွေကြေးသည် လက်ဆောင်အဖြစ်ရရှိသော အရာမဟုတ်ဘဲ မိမိအလုပ်လုပ်၍ ရရှိသောအရာဖြစ်၏။ 5သို့ရာတွင် သူသည် မိမိ၏အကျင့်သီလကို အားကိုးခြင်းမရှိဘဲ ယုံကြည်ခြင်းကို အားကိုးလျှင် ဘုရားရှင်သည် သူ၏ယုံကြည်မှုကို ထောက်ရှုလျက် သူအားအပြစ်မရှိဟု စီရင်ချက်ချမှတ်တော်မူသည်ဖြစ်၏။ သူ၏ ယုံကြည်ခြင်းကြောင့် ဘုရားရှင်သည် သူ့အား မိမိနှင့်မှန်ကန်စွာဆက်ဆံစေတော်မူ၏။ 6အကျင့်သီလကို မထောက်ရှုဘဲ ဘုရားရှင်သည် ဖြောင့်မတ်သောသူအဖြစ် လက်ခံတော်မူခြင်းကို ခံရသောသူသည် မင်္ဂလာရှိကြောင်း ဖော်ပြရာ၌ ဒါဝိဒ်မင်းက၊ 7မိမိ၏ အပြစ်များကို ထာဝရဘုရား မှတ်ယူတော်မူခြင်းကို မခံရသောသူသည်မင်္ဂလာရှိ၏" ဟုမြွက်ဆိုလေသည်။ 8အကယ်၍ ယောရှုပေးသည့် ငြိမ်ဝပ်ရာချမ်းသာသည် ဘုရားရှင်ကတိထားတော်မူသည့် ငြိမ်ဝပ်ရာချမ်းသာဖြစ်ပါမူ ဘုရားရှင်သည် အခြားနေ့ရက်တစ်ရက်အကြောင်းကို မိန့်ကြားတော်မူမည်မဟုတ်ပေ။ 9ဒါဝိဒ်မင်း ဖော်ပြသော မင်္ဂလာကို အရေဖျားလှီးခြင်း ခံယူကြသူတို့သာလျှင် ရရှိကြသလော။ အရေဖျားလှီးခြင်း မခံယူကြသူတို့သည်လည်း ရရှိကြပေသည်။ ငါတို့ဖော်ပြခဲ့သော ကျမ်းစာအရ "အာဗြဟံသည် ဘုရားရှင်ကို ယုံကြည်သဖြင့် ဘုရားရှင်သည် သူ့အားဖြောင့်မတ်သောသူအဖြစ် လက်ခံတော်မူ၏။" 10ဤသို့ အာဗြဟံအား ဖြောင့်မတ်သောသူအဖြစ် ဘုရားရှင်လက်ခံတော်မူသည့် အချိန်တွင် အာဗြဟံသည် အရေဖျားလှီးခြင်းမင်္ဂလာ ခံယူပြီးမှလော။ ခံယူခြင်းမပြုမီကလော။ ခံယူပြီးသည့်အချိန်တွင် မဟုတ်ပေ။ ခံယူခြင်း မပြုရသေးမီကဖြစ်၏။ 11သူ့အား ဘုရားရှင်သည် ထိုသို့လက်ခံတော်မူပြီးမှ အာဗြဟံသည် အရေဖျားလှီးခြင်းမင်္ဂလာကို ခံယူရ၏။ ထိုအရေဖျားလှီးခြင်းမင်္ဂလာကား ဘုရားရှင်သည် အာဗြဟံ၏ယုံကြည်မှုကို ထောက်ရှုလျက် အရေဖျားလှီးခြင်း မင်္ဂလာ မခံယူမီ ဖြောင့်မတ်သူအဖြစ် လက်ခံတော်မူကြောင်းကို သက်သေပြသော အမှတ်လက္ခဏာပင် ဖြစ်၏။ သို့ဖြစ်၍ အာဗြဟံသည် အရေဖျားလှီးခြင်းမင်္ဂလာကို မခံယူသော်လည်း ဘုရားရှင်ကိုယုံကြည်ခြင်းအားဖြင့် ဖြောင့်မတ်သူအဖြစ် ကိုယ်တော်ကိုလက်ခံကြသူအပေါင်းတို့၏ အဖဖြစ်လာ၏။ 12သူသည် အရေဖျားလှီးခြင်းမင်္ဂလာ ခံယူကြသူတို့၏ အဖလည်း ဖြစ်ပေသည်။ တနည်းဆိုရသော် ငါတို့အဖအာဗြဟံသည် အရေဖျားလှီးခြင်းမင်္ဂလာကို ခံယူရုံမျှမက သူသည် အရေဖျားလှီးမင်္ဂလာကို မခံယူမီကပင် ဘုရားရှင်အပေါ်တွင်ထားရှိသည့် ယုံကြည်ခြင်းမျိုးသည် ထိုသူတို့၌လည်း ရှိရမည်ဖြစ်၏။ 13ဘုရားရှင်သည် အာဗြဟံနှင့် သူ၏သားမြေးတို့အား ကမ္ဘာလောကကို ပိုင်ဆိုင်စေတော်မူမည်ဟု ကတိထားတော်မူခဲ့၏။ ဤသို့ ကတိထားတော်မူခြင်းမှာ အာဗြဟံသည် ပညတ်တရားကို စောင့်ထိန်းသောကြောင့် မဟုတ်ပေ။ ဘုရားရှင်အား ယုံကြည်သဖြင့် သူ့အားဖြောင့်မတ်သူအဖြစ် ကိုယ်တော်လက်ခံတော်မူသောကြောင့်ဖြစ်၏။ 14အကယ်၍ ပညတ်တရားအား စောင့်ထိန်းကြသူများသာလျှင် ကတိတော်ကို ခံစားရကြမည်ဆိုလျှင် ဘုရားရှင်အား ယုံကြည်မှုသည် အချည်းအနှီးဖြစ်၍ ကတိတော်သည်လည်း အဓိပ္ပာယ်မရှိတော့ပေ။ 15ပညတ်တရားသည် ဘုရားရှင်၏ အမျက်တော်ကိုဖြစ်ပွားစေ၏။ သို့ရာတွင် တရားဥပဒေမရှိလျှင် တရားဥပဒေကို ချိုးဖောက်ခြင်းလည်းမရှိနိုင်။ 16သို့ဖြစ်၍ အာဗြဟံ၏ သားမြေးအပေါင်းတို့သည် ဘုရားရှင်၏ကတိတော်ကို အခမဲ့ခံစားခွင့်ရှိကြောင်း အာမခံချက်ရှိစေရန် ကိုယ်တော်သည် အာဗြဟံ၏ ယုံကြည်မှုအပေါ်တွင်အခြေခံ၍ ကတိထားတော်မူ၏။ ထိုကတိတော်သည် ပညတ်တရားကို စောင့်ထိန်းသူကြများအတွက်သာလျှင် မဟုတ်ပေ။ အာဗြဟံကဲ့သို့ ဘုရားရှင်ကို ယုံကြည်ကြသူတို့အတွက်လည်းဖြစ်၏။ အဘယ်ကြောင့်ဆိုသော် အာဗြဟံသည် ငါတို့အားလုံး၏ အဖဖြစ်သောကြောင့်ဖြစ်ပေသည်။ 17"ငါသည် သင့်အား လူမျိုးအမြောက်အများတို့၏ အဖဖြစ်စေပြီ" ဟုကျမ်းစာတော်တွင် ဖော်ပြသည်နှင့်အညီ ဖြစ်သည်။ သို့ဖြစ်၍ ဘုရားရှင်၏ရှေ့တော်၌ ထိုကတိတော်သည် တည်ရခြင်းဖြစ်၏။ ဘုရားရှင်သည် အာဗြဟံ ယုံကြည်သောဘုရား၊ သေသူတို့ကို အသက်ရှင်စေသောဘုရား၊ ယခင်က မဖြစ်ဘူးသည့်အရာများကို ဖြစ်ပေါ်စေရန် အမိန့်ပေးတော်မူသော ဘုရားဖြစ်တော်မူ၏။ 18အာဗြဟံသည် မျှော်လင့်ချက်မဲ့သည့် အခြေအနေ၌ပင်လျှင် ဘုရားရှင်အား ယုံကြည်ခဲ့၏။ သို့ဖြစ်၍ သူသည် လူမျိုးအမြောက်အမြားတို့၏ အဖဖြစ်လာ၏။ ကျမ်းစာတော်တွင် "သင်၏အမျိုးအနွယ်တို့သည် ကြယ်များကဲ့သို့ များပြားလာလိမ့်မည်" ဟုဖော်ပြထားသည့်အတိုင်းဖြစ်၏။ 19ထိုအချိန်၌ အာဗြဟံသည် အသက်တစ်ရာခန့်ပင်ရှိ၍ မိမိ၏ကိုယ်ခန္ဓာသည် လူသေကဲ့သို့ ဖြစ်လျက်နေကြောင်းကိုလည်းကောင်း၊ စာရာသည်လည်း ကလေးမရနိုင်ကြောင်းကိုလည်းကောင်း သိသော်လည်း ဘုရားရှင်အပေါ်တွင် ယုံကြည်မှုခိုင်မြဲလျက်ရှိ၏။ 20သူသည် မည်သည့်အခါ၌မျှ ဘုရားရှင်၏ ကတိစကားကို ယုံမှားသံသယ မဖြစ်ခဲ့ပေ။ ကိုယ်တော့်အပေါ်တွင်ထားရှိသော ယုံကြည်မှုကိုလည်း မစွန့်လွှတ်ခဲ့ပေ။ ဘုရားရှင်ကို ယုံကြည်သည်ဖြစ်၍ ခွန်အားပြည့်ဝလာ၏။ ထို့ကြောင့် သူသည် ဘုရားရှင်၏ ဂုဏ်တော်ကိုချီးမွမ်းခဲ့ပေသည်။ 21ဘုရားရှင်သည် မိမိကတိထားတော်မူသည့်အတိုင်း ပြုတော်မူနိုင်ကြောင်း အာဗြဟံသည် အကြွင်းမဲ့ ယုံကြည်သည်ဖြစ်၏။ 22ထိုသို့ ယုံကြည်မှုကြောင့် ဘုရားရှင်သည် သူ့အားဖြောင့်မတ်သူအဖြစ် လက်ခံတော်မူ၏။ 23"ဘုရားရှင်သည် သူ့အား ဖြောင့်မတ်သူအဖြစ် လက်ခံတော်မူ၏" ဟူသော စကားရပ်သည် အာဗြဟံတစ်ဦးတည်းကိုသာ ရည်ညွှန်းခြင်းမဟုတ်။ 24ငါတို့အားလည်း ရည်ညွှန်းခြင်းဖြစ်ပေသည်။ အဘယ့်ကြောင့်ဆိုသော် ငါတို့သည် ကိုယ်တော်ယေရှုအား အသက်ပြန်ရှင်စေသည့် ဘုရားရှင်အား ငါတို့သည်ယုံကြည်ကြသဖြင့် ငါတို့အားဖြောင့်မတ်သူများအဖြစ် ကိုယ်တော်သည် လက်ခံမည်ဖြစ်သောကြောင့်သာဖြစ်၏။ 25ထိုအရှင်သည် ငါတို့၏အပြစ်များကြောင့် အသေခံစေရန်အပ်နှံခြင်းကို ခံယူတော်မူ၏။ ငါတို့အား ဘုရားရှင်နှင့် မှန်ကန်စွာ ဆက်ဆံနိုင်စေရန်အတွက် ဘုရားရှင်သည် ကိုယ်တော်အား သေခြင်းမှ အသက်ပြန်ရှင်စေတော်မူ၏။
Currently Selected:
Romans 4: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Romans 4
4
1သို့ဖြစ်၍ ငါတို့လူမျိုးတိုင်း၏ အဖဖြစ်သူ အာဗြဟံ၏အကြောင်းကို စဉ်းစားကြည့်ကြလော့။ သူ၏အတွေ့အကြုံသည်ကား အောက်ပါအတိုင်းဖြစ်သည်။ 2အကယ်၍ အာဗြဟံသည် မိမိ၏အကျင့်သီလအားဖြင့် ဘုရားရှင်နှင့် မှန်ကန်စွာဆက်ဆံခွင့်ကို ရရှိခဲ့ပါမူ သူ့ထံတွင် ဂုဏ်ယူဝင့်ကြွားစရာ အကြောင်းရှိပေသည်။ သို့ရာတွင် သူသည် ဘုရားရှင်၏ရှေ့မှောက်တွင် ထိုသို့ ဂုဏ်ယူဝင့်ကြွားခြင်းကို မပြုလုပ်နိုင်ပေ။ 3ကျမ်းစာတော်က "အာဗြဟံသည် ဘုရားရှင်အား ယုံကြည်သဖြင့် ဘုရားရှင်သည် သူ့အား ဖြောင့်မတ်သူအဖြစ် လက်ခံတော်မူခဲ့၏" ဟုဆိုလေသည်။ 4လူတစ်ယောက်သည် အလုပ်လုပ်၍ အခကြေးငွေကိုရရှိသောအခါ ထိုငွေကြေးသည် လက်ဆောင်အဖြစ်ရရှိသော အရာမဟုတ်ဘဲ မိမိအလုပ်လုပ်၍ ရရှိသောအရာဖြစ်၏။ 5သို့ရာတွင် သူသည် မိမိ၏အကျင့်သီလကို အားကိုးခြင်းမရှိဘဲ ယုံကြည်ခြင်းကို အားကိုးလျှင် ဘုရားရှင်သည် သူ၏ယုံကြည်မှုကို ထောက်ရှုလျက် သူအားအပြစ်မရှိဟု စီရင်ချက်ချမှတ်တော်မူသည်ဖြစ်၏။ သူ၏ ယုံကြည်ခြင်းကြောင့် ဘုရားရှင်သည် သူ့အား မိမိနှင့်မှန်ကန်စွာဆက်ဆံစေတော်မူ၏။ 6အကျင့်သီလကို မထောက်ရှုဘဲ ဘုရားရှင်သည် ဖြောင့်မတ်သောသူအဖြစ် လက်ခံတော်မူခြင်းကို ခံရသောသူသည် မင်္ဂလာရှိကြောင်း ဖော်ပြရာ၌ ဒါဝိဒ်မင်းက၊ 7မိမိ၏ အပြစ်များကို ထာဝရဘုရား မှတ်ယူတော်မူခြင်းကို မခံရသောသူသည်မင်္ဂလာရှိ၏" ဟုမြွက်ဆိုလေသည်။ 8အကယ်၍ ယောရှုပေးသည့် ငြိမ်ဝပ်ရာချမ်းသာသည် ဘုရားရှင်ကတိထားတော်မူသည့် ငြိမ်ဝပ်ရာချမ်းသာဖြစ်ပါမူ ဘုရားရှင်သည် အခြားနေ့ရက်တစ်ရက်အကြောင်းကို မိန့်ကြားတော်မူမည်မဟုတ်ပေ။ 9ဒါဝိဒ်မင်း ဖော်ပြသော မင်္ဂလာကို အရေဖျားလှီးခြင်း ခံယူကြသူတို့သာလျှင် ရရှိကြသလော။ အရေဖျားလှီးခြင်း မခံယူကြသူတို့သည်လည်း ရရှိကြပေသည်။ ငါတို့ဖော်ပြခဲ့သော ကျမ်းစာအရ "အာဗြဟံသည် ဘုရားရှင်ကို ယုံကြည်သဖြင့် ဘုရားရှင်သည် သူ့အားဖြောင့်မတ်သောသူအဖြစ် လက်ခံတော်မူ၏။" 10ဤသို့ အာဗြဟံအား ဖြောင့်မတ်သောသူအဖြစ် ဘုရားရှင်လက်ခံတော်မူသည့် အချိန်တွင် အာဗြဟံသည် အရေဖျားလှီးခြင်းမင်္ဂလာ ခံယူပြီးမှလော။ ခံယူခြင်းမပြုမီကလော။ ခံယူပြီးသည့်အချိန်တွင် မဟုတ်ပေ။ ခံယူခြင်း မပြုရသေးမီကဖြစ်၏။ 11သူ့အား ဘုရားရှင်သည် ထိုသို့လက်ခံတော်မူပြီးမှ အာဗြဟံသည် အရေဖျားလှီးခြင်းမင်္ဂလာကို ခံယူရ၏။ ထိုအရေဖျားလှီးခြင်းမင်္ဂလာကား ဘုရားရှင်သည် အာဗြဟံ၏ယုံကြည်မှုကို ထောက်ရှုလျက် အရေဖျားလှီးခြင်း မင်္ဂလာ မခံယူမီ ဖြောင့်မတ်သူအဖြစ် လက်ခံတော်မူကြောင်းကို သက်သေပြသော အမှတ်လက္ခဏာပင် ဖြစ်၏။ သို့ဖြစ်၍ အာဗြဟံသည် အရေဖျားလှီးခြင်းမင်္ဂလာကို မခံယူသော်လည်း ဘုရားရှင်ကိုယုံကြည်ခြင်းအားဖြင့် ဖြောင့်မတ်သူအဖြစ် ကိုယ်တော်ကိုလက်ခံကြသူအပေါင်းတို့၏ အဖဖြစ်လာ၏။ 12သူသည် အရေဖျားလှီးခြင်းမင်္ဂလာ ခံယူကြသူတို့၏ အဖလည်း ဖြစ်ပေသည်။ တနည်းဆိုရသော် ငါတို့အဖအာဗြဟံသည် အရေဖျားလှီးခြင်းမင်္ဂလာကို ခံယူရုံမျှမက သူသည် အရေဖျားလှီးမင်္ဂလာကို မခံယူမီကပင် ဘုရားရှင်အပေါ်တွင်ထားရှိသည့် ယုံကြည်ခြင်းမျိုးသည် ထိုသူတို့၌လည်း ရှိရမည်ဖြစ်၏။ 13ဘုရားရှင်သည် အာဗြဟံနှင့် သူ၏သားမြေးတို့အား ကမ္ဘာလောကကို ပိုင်ဆိုင်စေတော်မူမည်ဟု ကတိထားတော်မူခဲ့၏။ ဤသို့ ကတိထားတော်မူခြင်းမှာ အာဗြဟံသည် ပညတ်တရားကို စောင့်ထိန်းသောကြောင့် မဟုတ်ပေ။ ဘုရားရှင်အား ယုံကြည်သဖြင့် သူ့အားဖြောင့်မတ်သူအဖြစ် ကိုယ်တော်လက်ခံတော်မူသောကြောင့်ဖြစ်၏။ 14အကယ်၍ ပညတ်တရားအား စောင့်ထိန်းကြသူများသာလျှင် ကတိတော်ကို ခံစားရကြမည်ဆိုလျှင် ဘုရားရှင်အား ယုံကြည်မှုသည် အချည်းအနှီးဖြစ်၍ ကတိတော်သည်လည်း အဓိပ္ပာယ်မရှိတော့ပေ။ 15ပညတ်တရားသည် ဘုရားရှင်၏ အမျက်တော်ကိုဖြစ်ပွားစေ၏။ သို့ရာတွင် တရားဥပဒေမရှိလျှင် တရားဥပဒေကို ချိုးဖောက်ခြင်းလည်းမရှိနိုင်။ 16သို့ဖြစ်၍ အာဗြဟံ၏ သားမြေးအပေါင်းတို့သည် ဘုရားရှင်၏ကတိတော်ကို အခမဲ့ခံစားခွင့်ရှိကြောင်း အာမခံချက်ရှိစေရန် ကိုယ်တော်သည် အာဗြဟံ၏ ယုံကြည်မှုအပေါ်တွင်အခြေခံ၍ ကတိထားတော်မူ၏။ ထိုကတိတော်သည် ပညတ်တရားကို စောင့်ထိန်းသူကြများအတွက်သာလျှင် မဟုတ်ပေ။ အာဗြဟံကဲ့သို့ ဘုရားရှင်ကို ယုံကြည်ကြသူတို့အတွက်လည်းဖြစ်၏။ အဘယ်ကြောင့်ဆိုသော် အာဗြဟံသည် ငါတို့အားလုံး၏ အဖဖြစ်သောကြောင့်ဖြစ်ပေသည်။ 17"ငါသည် သင့်အား လူမျိုးအမြောက်အများတို့၏ အဖဖြစ်စေပြီ" ဟုကျမ်းစာတော်တွင် ဖော်ပြသည်နှင့်အညီ ဖြစ်သည်။ သို့ဖြစ်၍ ဘုရားရှင်၏ရှေ့တော်၌ ထိုကတိတော်သည် တည်ရခြင်းဖြစ်၏။ ဘုရားရှင်သည် အာဗြဟံ ယုံကြည်သောဘုရား၊ သေသူတို့ကို အသက်ရှင်စေသောဘုရား၊ ယခင်က မဖြစ်ဘူးသည့်အရာများကို ဖြစ်ပေါ်စေရန် အမိန့်ပေးတော်မူသော ဘုရားဖြစ်တော်မူ၏။ 18အာဗြဟံသည် မျှော်လင့်ချက်မဲ့သည့် အခြေအနေ၌ပင်လျှင် ဘုရားရှင်အား ယုံကြည်ခဲ့၏။ သို့ဖြစ်၍ သူသည် လူမျိုးအမြောက်အမြားတို့၏ အဖဖြစ်လာ၏။ ကျမ်းစာတော်တွင် "သင်၏အမျိုးအနွယ်တို့သည် ကြယ်များကဲ့သို့ များပြားလာလိမ့်မည်" ဟုဖော်ပြထားသည့်အတိုင်းဖြစ်၏။ 19ထိုအချိန်၌ အာဗြဟံသည် အသက်တစ်ရာခန့်ပင်ရှိ၍ မိမိ၏ကိုယ်ခန္ဓာသည် လူသေကဲ့သို့ ဖြစ်လျက်နေကြောင်းကိုလည်းကောင်း၊ စာရာသည်လည်း ကလေးမရနိုင်ကြောင်းကိုလည်းကောင်း သိသော်လည်း ဘုရားရှင်အပေါ်တွင် ယုံကြည်မှုခိုင်မြဲလျက်ရှိ၏။ 20သူသည် မည်သည့်အခါ၌မျှ ဘုရားရှင်၏ ကတိစကားကို ယုံမှားသံသယ မဖြစ်ခဲ့ပေ။ ကိုယ်တော့်အပေါ်တွင်ထားရှိသော ယုံကြည်မှုကိုလည်း မစွန့်လွှတ်ခဲ့ပေ။ ဘုရားရှင်ကို ယုံကြည်သည်ဖြစ်၍ ခွန်အားပြည့်ဝလာ၏။ ထို့ကြောင့် သူသည် ဘုရားရှင်၏ ဂုဏ်တော်ကိုချီးမွမ်းခဲ့ပေသည်။ 21ဘုရားရှင်သည် မိမိကတိထားတော်မူသည့်အတိုင်း ပြုတော်မူနိုင်ကြောင်း အာဗြဟံသည် အကြွင်းမဲ့ ယုံကြည်သည်ဖြစ်၏။ 22ထိုသို့ ယုံကြည်မှုကြောင့် ဘုရားရှင်သည် သူ့အားဖြောင့်မတ်သူအဖြစ် လက်ခံတော်မူ၏။ 23"ဘုရားရှင်သည် သူ့အား ဖြောင့်မတ်သူအဖြစ် လက်ခံတော်မူ၏" ဟူသော စကားရပ်သည် အာဗြဟံတစ်ဦးတည်းကိုသာ ရည်ညွှန်းခြင်းမဟုတ်။ 24ငါတို့အားလည်း ရည်ညွှန်းခြင်းဖြစ်ပေသည်။ အဘယ့်ကြောင့်ဆိုသော် ငါတို့သည် ကိုယ်တော်ယေရှုအား အသက်ပြန်ရှင်စေသည့် ဘုရားရှင်အား ငါတို့သည်ယုံကြည်ကြသဖြင့် ငါတို့အားဖြောင့်မတ်သူများအဖြစ် ကိုယ်တော်သည် လက်ခံမည်ဖြစ်သောကြောင့်သာဖြစ်၏။ 25ထိုအရှင်သည် ငါတို့၏အပြစ်များကြောင့် အသေခံစေရန်အပ်နှံခြင်းကို ခံယူတော်မူ၏။ ငါတို့အား ဘုရားရှင်နှင့် မှန်ကန်စွာ ဆက်ဆံနိုင်စေရန်အတွက် ဘုရားရှင်သည် ကိုယ်တော်အား သေခြင်းမှ အသက်ပြန်ရှင်စေတော်မူ၏။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.