Romans 3
3
1သို့ဖြစ်လျှင် အစ္စရေးလူမျိုးများသည် လူမျိုးခြားများထက် မည်သို့သာလွန်ကြသနည်း။ သူတို့သည် အရေဖျားလှီးခြင်းမင်္ဂလာ ခံယူသည့်အတွက် မည်သည့်အကျိုးရှိကြသနည်း။ 2မောရှေသည် ဘုရားရှင်၏အိမ်တော်၌ မိမိထမ်းဆောင်ရမည့်အလုပ်တွင် သစ္စာစောင့်သိသကဲ့သို့ ကိုယ်တော်ယေရှုသည်လည်း မိမိအား ဤအလုပ်တာဝန်ကို ပေးအပ်တော်မူသော ဘုရားရှင်အား သစ္စာစောင့်သိတော်မူ၏။ 3အကယ်၍ ထိုသူတို့ထဲမှ အချို့တို့သည် သစ္စာမဲ့ကြခြင်းကြောင့် ဘုရားရှင်သည်လည်း သစ္စာမဲ့တော်မူမည်ဟု ဆိုရမည်လော။ 4မည်သည့်နည်းနှင့်မျှ ဤသို့မဆိုနိုင်ပေ။ လူတိုင်းကပင် လိမ်လည်ကြစေကာမူ ဘုရားရှင်သည်ကား ကတိသစ္စာ တည်တော်မူမည်သာဖြစ်၏။ ကျမ်းစာတော်က၊ "ကိုယ်တော် မိန့်တော်မူသောစကားသည် မှန်ကန်ရမည်။ တရားရင်ဆိုင်တော်မူရလျှင်လည်း ကိုယ်တော်သာလျှင် အနိုင်ရမည်" ဟုဖော်ပြသည့်အတိုင်းပင်ဖြစ်၏။ 5သို့ရာတွင် လူအချို့က "ငါတို့၏ ဆိုးယုတ်မှုသည် ဘုရားရှင်၏ ကောင်းမြတ်မှန်ကန်မှုကို ပိုမိုထင်ရှားစေသည် မဟုတ်ပါသလော" ဟုမေးကြလိမ့်မည်။ ငါတို့ မည်သို့အဖြေပေးမည်နည်း" ဘုရားရှင်သည် ငါတို့ကို ဒဏ်ခတ်တော်မူသည်မှာ မတရား" ဟုငါတို့ဖြေဆိုကြမည်လော။ (ဤသို့ငါဆိုရာ၌ လူတို့ပြောဆိုလေ့ရှိသည့်အတိုင်း ပြောလိုက်ခြင်းပင်ဖြစ်သည်။) 6"ဘုရားရှင်သည် တရားမျှတမှုမရှိ" ဟုမည်သည့်နည်းနှင့်မျှ မဆိုနိုင်ပေ။ အကယ်၍ ကိုယ်တော်သည် တရားမျှတမှုမရှိလျှင် မည်သို့ ကမ္ဘာလောကအား တရားစီရင်တော်မူနိုင်မည်နည်း။ 7အကယ်၍ ငါ၏သစ္စာမဲ့မှုသည် ဘုရားရှင်၏သစ္စာတော်ကို ပိုမိုထင်ရှားစေသောအားဖြင့် ကိုယ်တော်၏ ဂုဏ်အသရေတော်ကို တောက်ပစေသည်ဆိုပါက အဘယ်ကြောင့် ငါသည် အပြစ်ကျူးလွန်သူအဖြစ်ဖြင့် အပြစ်စီရင်ခြင်းကို ခံရသနည်း။ 8"ကောင်းသည့်အရာများ ဖြစ်ပျက်စေရန် ဆိုးသည့်အရာများအား ငါတို့ပြုကြရမည်" ဟုဆိုရမည်လော။ ဤကဲ့သို့ပင် ငါပြောဆိုသည်ဟူ၍ လူအချို့က အပြစ်တင်စွပ်စွဲကာ ငါ့အားစော်ကားကြလေပြီဖြစ်၏။ ထိုသူတို့သည် အပြစ်ဒဏ်စီရင်ခြင်းကို ခံထိုက်သည့်အတိုင်း အမှန်ပင် ခံကြရလိမ့်မည်ဖြစ်၏။ 9သို့ဖြစ်ပါမူ ငါတို့၏အစ္စရေးလူမျိုးများသည် လူမျိုးခြားများထက် မည်ကဲ့သို့သော သာလွန်ကောင်းမွန်သည့် အခြေအနေတွင် ရှိကြသနည်း။ မည်သို့မျှ သာလွန်ကောင်းမွန်သည့် အခြေအနေတွင် မရှိကြပေ။ အစ္စရေးလူမျိုးများနှင့် လူမျိုးခြားများပါ အပြစ်တရား၏ အာဏာစက်အောက်တွင် ရှိကြကြောင်းကို ငါသည် အထက်တွင် ဖော်ပြခဲ့ပြီးဖြစ်၏။ 10ကျမ်းစာတော်တွင်၊ "ဖြောင့်မတ်သူဟူ၍ တစ်ယောက်မျှမရှိ။ 11ပညာရှိသူဟူ၍ မရှိ၊ ဘုရားရှင်ကို ကိုးကွယ်သူတစ်ယောက်မျှမရှိ။ 12လူအပေါင်းတို့သည် ကိုယ်တော်ကိုကျောခိုင်းကြပြီး ထွက်သွားကြလေပြီဖြစ်၏။ သူတို့အားလုံးသည် လမ်းလွဲကြလေပြီဖြစ်၏။ အမှန်တရားကို ပြုကျင့်သူဟူ၍ တစ်ယောက်မျှမရှိပေ။ 13"သူတို့သည် ကြောက်မက်ဖွယ်ကောင်းသော စကားများကို ပြောဆိုတတ်ကြ၏။ သူတို့သည် မိမိတို့၏ လျှာဖြင့်လိမ်လည်လှည့်ဖြားကြ၏။ မြွေဆိုးများကဲ့သို့ သူတို့၏နှုတ်ခမ်းတွင် အဆိပ်အတောက်များရှိကြ၏။" 14"သူတို့၏ခံတွင်းသည် ခါးသီးစွာ ကျိန်စာသင့်သောစကားများနှင့် ပြည့်ဝလျက်ရှိကြ၏။" 15"သူတို့သည် လူ့အသက်ကိုသက်ရန်အတွက် လက်မနှေးကြပေ။ 16သူတို့ရောက်လေရာအရပ်တွင် သူတို့၏လက်ချက်ကြောင့် ပျက်စီးဆုံးရှုံးများမှုရှိ၏။ 17သူတို့သည် ငြိမ်းချမ်းရေးလမ်းစဉ်ကို မည်သည့်အခါမျှ မလိုက်ကြပေ။" 18"သူတို့တွင် ဘုရားရှင်အား ကြောက်ရွံ့သောစိတ် မရှိကြပေ။" 19ပညတ်တရားတွင် ပါရှိသည့် ပြဌာန်းချက်မှန်သမျှသည် ပညတ်တရား၏ စိုးမိုးမှုလက်အောက်တွင် ရှိနေကြသူများအတွက် ဖြစ်ကြောင်း ယခုငါတို့သိကြ၏။ ဤသို့ဖြစ်ရခြင်းအကြောင်းမှာ လူတို့၏ ဆင်ခြေများနှင့် အကြေင်းပြချက်မှန်သမျှတို့အား ရပ်စဲစေရန်နှင့် လူသားအပေါင်းတို့သည် ဘုရားရှင်၏ တရားစီရင်တော်မူခြင်းကို ခံကြရစေရန် ဖြစ်ပေသည်။ 20ပညတ်တရား၏ ပြဌာန်းချက်များကို စောင့်ထိန်းခြင်းအားဖြင့် မည်သူကမျှ ဘုရားရှင်နှင့် မှန်ကန်စွာ မဆက်ဆံနိုင်ကြပေ။ ပညတ်တရား၏ဆောင်ရွက်ချက်မှာ လူတို့အား မိမိတို့သည်အပြစ်ကျူးလွန်သူများ ဖြစ်ကြောင်းကို သိရှိလာစေရန်ပင်ဖြစ်၏။ 21သို့ရာတွင် ယခုအခါ၌ ဘုရားရှင်သည် လူသားတို့အား မိမိနှင့် မည်သည့်နည်းဖြင့် မှန်ကန်စွာ ဆက်ဆံစေကြောင်းကို သိသာထင်ရှားလာစေပြီဖြစ်၏။ ဤနည်းသည် တရားဥပဒေနှင့် လုံးဝမသက်ဆိုင်ပေ။ သို့ရာတွင် ဤအကြောင်းကို မောရှေ၏ပညတ်ကျမ်းနှင့် အရိယာသူတော်စင်များ၏ကျမ်းများက သက်သေခံနေကြ၏။ 22လူတို့အား ဘုရားရှင်နှင့် မှန်ကန်စွာ ဆက်ဆံနိုင်စေသည့် နည်းလမ်းမှာ ယေရှုခရစ်တော်အား ယုံကြည်ခြင်းပင်ဖြစ်သည်။ လူတို့သည်ခြားနားခြင်းမရှိကြပေ။ 23လူမှန်သမျှသည် အပြစ်ဒုစရိုက် ကျူးလွန်သူများဖြစ်ကြ၍ ဘုရားရှင်၏ရှေ့တော်မှောက်မှ ဝေးကွာစွာနေရကြ၏။ 24လူတို့အား အပြစ်မှလွတ်မြောက်စေတော်မူသော ခရစ်တော်ယေရှုကို အကြောင်းပြု၍ ဘုရားရှင်သည် အခမဲ့ ဂုဏ်ကျေးဇူးတော်အားဖြင့် လူတို့အားမိမိနှင့်မှန်ကန်စွာ ဆက်ဆံစေတော်မူ၏။ 25ခရစ်တော်ယေရှု၏ အသေခံတော်မူခြင်းအားဖြင့် လူတို့သည် အပြစ်များမှပြေလွတ်နိုင်ကြစေရန် ဘုရားရှင်သည် ထိုအရှင်ကို ပူဇော်သက္ကာအဖြစ် သတ်မှတ်တော်မူ၏။ လူတို့သည် ခရစ်တော်ယေရှုကို ယုံကြည်ကြခြင်းဖြင့် အပြစ်များမှ ပြေလွတ်ခြင်းကို ခံစားကြရ၏။ ဘုရားရှင်သည် ခရစ်တော်ယေရှုကို ပူဇော်သက္ကာအဖြစ် သတ်မှတ်ခြင်းမှာ ကိုယ်တော်သည် ဖြောင့်မတ်တော်မူသော အရှင်ဖြစ်ကြောင်းကို ပြသရန်ဖြစ်သည်။ 26ယခုခေတ်ကာလအထိတိုင် ဘုရားရှင်သည် စိတ်ရှည်သည်းခံတော်မူပြီးလျှင် လူတို့ကျူးလွန်ခဲ့ကြသည့် အပြစ်များကို အရေးယူတော်မူခြင်း မရှိခဲ့ပေ။ သို့ရာတွင် ယခုခေတ်ကာလ၌ ကိုယ်တော်သည် မိမိ၏ ဖြောင့်မတ်ခြင်းကို ပြသရန်အတွက် လူတို့၏အပြစ်များကို အရေးယူတော်မူ၏။ ဤနည်းအားဖြင့် ဘုရားရှင်သည် မိမိကိုယ်တိုင်ပင် ဖြောင့်မတ်သော အရှင်ဖြစ်တော်မူကြောင်းကိုလည်းကောင်း၊ ကိုယ်တော်ယေရှုအား ယုံကြည်သူအပေါင်းတို့ကို မိမိနှင့်မှန်ကန်စွာ ဆက်ဆံစေတော်မူကြောင်းကိုလည်းကောင်း ဖော်ပြတော်မူ၏။ 27သို့ဖြစ်၍ ငါတို့ထံတွင် ကြွားဝါစရာအကြောင်း မည်သို့ ရှိတော့မည်နည်း။ ငါတို့သည် ကြွားဝါစရာ အကြောင်းမရှိကြပေ။ အဘယ်ကြောင့်နည်း။ ပညတ်တရားအား ငါတို့လိုက်နာကျင့်သုံးကြသည့် အတွက်ကြောင့်လော။ ထိုသို့မဟုတ်ပေ။ ယုံကြည်ခြင်းကြောင့်ပင်ဖြစ်သည်။ 28ယုံကြည်ခြင်းအားဖြင့်သာလျှင် ကိုယ်တော်နှင့် မှန်ကန်စွာဆက်ဆံခွင့် ရရှိနိုင်ကြောင်းနှင့် ပညတ်တရားကို ကျင့်သုံးခြင်းအားဖြင့် မရရှိနိုင်ကြောင်းကို ငါတို့ ယခုသိကြပြီဖြစ်သည်။ 29ဘုရားရှင်သည် အစ္စရေးလူမျိုးတို့၏ ဘုရားသာ ဖြစ်ပါသလော။ လူမျိုးခြားတို့၏ ဘုရားလည်း မဟုတ်ပါသလော။ ဟုတ်ပေ၏။ 30ဘုရားရှင်သည် တစ်ပါးတည်း ဖြစ်တော်မူ၏။ ကိုယ်တော်သည် ယုံကြည်ခြင်းကြောင့် အစ္စရေးလူမျိုးတို့ကို မိမိနှင့်မှန်ကန်စွာ ဆက်သွယ်စေတော်မူ၏။ 31သို့ဖြစ်လျှင် ငါတို့သည် ယုံကြည်ခြင်းဖြင့် ပညတ်တရားကို ပစ်ပယ်ရာရောက်သလော။ အသေအချာပင် ပစ်ပယ်ခြင်းမရှိပေ။ ပညတ်တရားအား ထောက်ခံ၍ အတည်ပြုခြင်းသာဖြစ်၏။
Currently Selected:
Romans 3: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Romans 3
3
1သို့ဖြစ်လျှင် အစ္စရေးလူမျိုးများသည် လူမျိုးခြားများထက် မည်သို့သာလွန်ကြသနည်း။ သူတို့သည် အရေဖျားလှီးခြင်းမင်္ဂလာ ခံယူသည့်အတွက် မည်သည့်အကျိုးရှိကြသနည်း။ 2မောရှေသည် ဘုရားရှင်၏အိမ်တော်၌ မိမိထမ်းဆောင်ရမည့်အလုပ်တွင် သစ္စာစောင့်သိသကဲ့သို့ ကိုယ်တော်ယေရှုသည်လည်း မိမိအား ဤအလုပ်တာဝန်ကို ပေးအပ်တော်မူသော ဘုရားရှင်အား သစ္စာစောင့်သိတော်မူ၏။ 3အကယ်၍ ထိုသူတို့ထဲမှ အချို့တို့သည် သစ္စာမဲ့ကြခြင်းကြောင့် ဘုရားရှင်သည်လည်း သစ္စာမဲ့တော်မူမည်ဟု ဆိုရမည်လော။ 4မည်သည့်နည်းနှင့်မျှ ဤသို့မဆိုနိုင်ပေ။ လူတိုင်းကပင် လိမ်လည်ကြစေကာမူ ဘုရားရှင်သည်ကား ကတိသစ္စာ တည်တော်မူမည်သာဖြစ်၏။ ကျမ်းစာတော်က၊ "ကိုယ်တော် မိန့်တော်မူသောစကားသည် မှန်ကန်ရမည်။ တရားရင်ဆိုင်တော်မူရလျှင်လည်း ကိုယ်တော်သာလျှင် အနိုင်ရမည်" ဟုဖော်ပြသည့်အတိုင်းပင်ဖြစ်၏။ 5သို့ရာတွင် လူအချို့က "ငါတို့၏ ဆိုးယုတ်မှုသည် ဘုရားရှင်၏ ကောင်းမြတ်မှန်ကန်မှုကို ပိုမိုထင်ရှားစေသည် မဟုတ်ပါသလော" ဟုမေးကြလိမ့်မည်။ ငါတို့ မည်သို့အဖြေပေးမည်နည်း" ဘုရားရှင်သည် ငါတို့ကို ဒဏ်ခတ်တော်မူသည်မှာ မတရား" ဟုငါတို့ဖြေဆိုကြမည်လော။ (ဤသို့ငါဆိုရာ၌ လူတို့ပြောဆိုလေ့ရှိသည့်အတိုင်း ပြောလိုက်ခြင်းပင်ဖြစ်သည်။) 6"ဘုရားရှင်သည် တရားမျှတမှုမရှိ" ဟုမည်သည့်နည်းနှင့်မျှ မဆိုနိုင်ပေ။ အကယ်၍ ကိုယ်တော်သည် တရားမျှတမှုမရှိလျှင် မည်သို့ ကမ္ဘာလောကအား တရားစီရင်တော်မူနိုင်မည်နည်း။ 7အကယ်၍ ငါ၏သစ္စာမဲ့မှုသည် ဘုရားရှင်၏သစ္စာတော်ကို ပိုမိုထင်ရှားစေသောအားဖြင့် ကိုယ်တော်၏ ဂုဏ်အသရေတော်ကို တောက်ပစေသည်ဆိုပါက အဘယ်ကြောင့် ငါသည် အပြစ်ကျူးလွန်သူအဖြစ်ဖြင့် အပြစ်စီရင်ခြင်းကို ခံရသနည်း။ 8"ကောင်းသည့်အရာများ ဖြစ်ပျက်စေရန် ဆိုးသည့်အရာများအား ငါတို့ပြုကြရမည်" ဟုဆိုရမည်လော။ ဤကဲ့သို့ပင် ငါပြောဆိုသည်ဟူ၍ လူအချို့က အပြစ်တင်စွပ်စွဲကာ ငါ့အားစော်ကားကြလေပြီဖြစ်၏။ ထိုသူတို့သည် အပြစ်ဒဏ်စီရင်ခြင်းကို ခံထိုက်သည့်အတိုင်း အမှန်ပင် ခံကြရလိမ့်မည်ဖြစ်၏။ 9သို့ဖြစ်ပါမူ ငါတို့၏အစ္စရေးလူမျိုးများသည် လူမျိုးခြားများထက် မည်ကဲ့သို့သော သာလွန်ကောင်းမွန်သည့် အခြေအနေတွင် ရှိကြသနည်း။ မည်သို့မျှ သာလွန်ကောင်းမွန်သည့် အခြေအနေတွင် မရှိကြပေ။ အစ္စရေးလူမျိုးများနှင့် လူမျိုးခြားများပါ အပြစ်တရား၏ အာဏာစက်အောက်တွင် ရှိကြကြောင်းကို ငါသည် အထက်တွင် ဖော်ပြခဲ့ပြီးဖြစ်၏။ 10ကျမ်းစာတော်တွင်၊ "ဖြောင့်မတ်သူဟူ၍ တစ်ယောက်မျှမရှိ။ 11ပညာရှိသူဟူ၍ မရှိ၊ ဘုရားရှင်ကို ကိုးကွယ်သူတစ်ယောက်မျှမရှိ။ 12လူအပေါင်းတို့သည် ကိုယ်တော်ကိုကျောခိုင်းကြပြီး ထွက်သွားကြလေပြီဖြစ်၏။ သူတို့အားလုံးသည် လမ်းလွဲကြလေပြီဖြစ်၏။ အမှန်တရားကို ပြုကျင့်သူဟူ၍ တစ်ယောက်မျှမရှိပေ။ 13"သူတို့သည် ကြောက်မက်ဖွယ်ကောင်းသော စကားများကို ပြောဆိုတတ်ကြ၏။ သူတို့သည် မိမိတို့၏ လျှာဖြင့်လိမ်လည်လှည့်ဖြားကြ၏။ မြွေဆိုးများကဲ့သို့ သူတို့၏နှုတ်ခမ်းတွင် အဆိပ်အတောက်များရှိကြ၏။" 14"သူတို့၏ခံတွင်းသည် ခါးသီးစွာ ကျိန်စာသင့်သောစကားများနှင့် ပြည့်ဝလျက်ရှိကြ၏။" 15"သူတို့သည် လူ့အသက်ကိုသက်ရန်အတွက် လက်မနှေးကြပေ။ 16သူတို့ရောက်လေရာအရပ်တွင် သူတို့၏လက်ချက်ကြောင့် ပျက်စီးဆုံးရှုံးများမှုရှိ၏။ 17သူတို့သည် ငြိမ်းချမ်းရေးလမ်းစဉ်ကို မည်သည့်အခါမျှ မလိုက်ကြပေ။" 18"သူတို့တွင် ဘုရားရှင်အား ကြောက်ရွံ့သောစိတ် မရှိကြပေ။" 19ပညတ်တရားတွင် ပါရှိသည့် ပြဌာန်းချက်မှန်သမျှသည် ပညတ်တရား၏ စိုးမိုးမှုလက်အောက်တွင် ရှိနေကြသူများအတွက် ဖြစ်ကြောင်း ယခုငါတို့သိကြ၏။ ဤသို့ဖြစ်ရခြင်းအကြောင်းမှာ လူတို့၏ ဆင်ခြေများနှင့် အကြေင်းပြချက်မှန်သမျှတို့အား ရပ်စဲစေရန်နှင့် လူသားအပေါင်းတို့သည် ဘုရားရှင်၏ တရားစီရင်တော်မူခြင်းကို ခံကြရစေရန် ဖြစ်ပေသည်။ 20ပညတ်တရား၏ ပြဌာန်းချက်များကို စောင့်ထိန်းခြင်းအားဖြင့် မည်သူကမျှ ဘုရားရှင်နှင့် မှန်ကန်စွာ မဆက်ဆံနိုင်ကြပေ။ ပညတ်တရား၏ဆောင်ရွက်ချက်မှာ လူတို့အား မိမိတို့သည်အပြစ်ကျူးလွန်သူများ ဖြစ်ကြောင်းကို သိရှိလာစေရန်ပင်ဖြစ်၏။ 21သို့ရာတွင် ယခုအခါ၌ ဘုရားရှင်သည် လူသားတို့အား မိမိနှင့် မည်သည့်နည်းဖြင့် မှန်ကန်စွာ ဆက်ဆံစေကြောင်းကို သိသာထင်ရှားလာစေပြီဖြစ်၏။ ဤနည်းသည် တရားဥပဒေနှင့် လုံးဝမသက်ဆိုင်ပေ။ သို့ရာတွင် ဤအကြောင်းကို မောရှေ၏ပညတ်ကျမ်းနှင့် အရိယာသူတော်စင်များ၏ကျမ်းများက သက်သေခံနေကြ၏။ 22လူတို့အား ဘုရားရှင်နှင့် မှန်ကန်စွာ ဆက်ဆံနိုင်စေသည့် နည်းလမ်းမှာ ယေရှုခရစ်တော်အား ယုံကြည်ခြင်းပင်ဖြစ်သည်။ လူတို့သည်ခြားနားခြင်းမရှိကြပေ။ 23လူမှန်သမျှသည် အပြစ်ဒုစရိုက် ကျူးလွန်သူများဖြစ်ကြ၍ ဘုရားရှင်၏ရှေ့တော်မှောက်မှ ဝေးကွာစွာနေရကြ၏။ 24လူတို့အား အပြစ်မှလွတ်မြောက်စေတော်မူသော ခရစ်တော်ယေရှုကို အကြောင်းပြု၍ ဘုရားရှင်သည် အခမဲ့ ဂုဏ်ကျေးဇူးတော်အားဖြင့် လူတို့အားမိမိနှင့်မှန်ကန်စွာ ဆက်ဆံစေတော်မူ၏။ 25ခရစ်တော်ယေရှု၏ အသေခံတော်မူခြင်းအားဖြင့် လူတို့သည် အပြစ်များမှပြေလွတ်နိုင်ကြစေရန် ဘုရားရှင်သည် ထိုအရှင်ကို ပူဇော်သက္ကာအဖြစ် သတ်မှတ်တော်မူ၏။ လူတို့သည် ခရစ်တော်ယေရှုကို ယုံကြည်ကြခြင်းဖြင့် အပြစ်များမှ ပြေလွတ်ခြင်းကို ခံစားကြရ၏။ ဘုရားရှင်သည် ခရစ်တော်ယေရှုကို ပူဇော်သက္ကာအဖြစ် သတ်မှတ်ခြင်းမှာ ကိုယ်တော်သည် ဖြောင့်မတ်တော်မူသော အရှင်ဖြစ်ကြောင်းကို ပြသရန်ဖြစ်သည်။ 26ယခုခေတ်ကာလအထိတိုင် ဘုရားရှင်သည် စိတ်ရှည်သည်းခံတော်မူပြီးလျှင် လူတို့ကျူးလွန်ခဲ့ကြသည့် အပြစ်များကို အရေးယူတော်မူခြင်း မရှိခဲ့ပေ။ သို့ရာတွင် ယခုခေတ်ကာလ၌ ကိုယ်တော်သည် မိမိ၏ ဖြောင့်မတ်ခြင်းကို ပြသရန်အတွက် လူတို့၏အပြစ်များကို အရေးယူတော်မူ၏။ ဤနည်းအားဖြင့် ဘုရားရှင်သည် မိမိကိုယ်တိုင်ပင် ဖြောင့်မတ်သော အရှင်ဖြစ်တော်မူကြောင်းကိုလည်းကောင်း၊ ကိုယ်တော်ယေရှုအား ယုံကြည်သူအပေါင်းတို့ကို မိမိနှင့်မှန်ကန်စွာ ဆက်ဆံစေတော်မူကြောင်းကိုလည်းကောင်း ဖော်ပြတော်မူ၏။ 27သို့ဖြစ်၍ ငါတို့ထံတွင် ကြွားဝါစရာအကြောင်း မည်သို့ ရှိတော့မည်နည်း။ ငါတို့သည် ကြွားဝါစရာ အကြောင်းမရှိကြပေ။ အဘယ်ကြောင့်နည်း။ ပညတ်တရားအား ငါတို့လိုက်နာကျင့်သုံးကြသည့် အတွက်ကြောင့်လော။ ထိုသို့မဟုတ်ပေ။ ယုံကြည်ခြင်းကြောင့်ပင်ဖြစ်သည်။ 28ယုံကြည်ခြင်းအားဖြင့်သာလျှင် ကိုယ်တော်နှင့် မှန်ကန်စွာဆက်ဆံခွင့် ရရှိနိုင်ကြောင်းနှင့် ပညတ်တရားကို ကျင့်သုံးခြင်းအားဖြင့် မရရှိနိုင်ကြောင်းကို ငါတို့ ယခုသိကြပြီဖြစ်သည်။ 29ဘုရားရှင်သည် အစ္စရေးလူမျိုးတို့၏ ဘုရားသာ ဖြစ်ပါသလော။ လူမျိုးခြားတို့၏ ဘုရားလည်း မဟုတ်ပါသလော။ ဟုတ်ပေ၏။ 30ဘုရားရှင်သည် တစ်ပါးတည်း ဖြစ်တော်မူ၏။ ကိုယ်တော်သည် ယုံကြည်ခြင်းကြောင့် အစ္စရေးလူမျိုးတို့ကို မိမိနှင့်မှန်ကန်စွာ ဆက်သွယ်စေတော်မူ၏။ 31သို့ဖြစ်လျှင် ငါတို့သည် ယုံကြည်ခြင်းဖြင့် ပညတ်တရားကို ပစ်ပယ်ရာရောက်သလော။ အသေအချာပင် ပစ်ပယ်ခြင်းမရှိပေ။ ပညတ်တရားအား ထောက်ခံ၍ အတည်ပြုခြင်းသာဖြစ်၏။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.