Revelation 9
9
1ပဉ္စ်မနတ်ဒေဝါသည် တံပိုးခရာမှုသောအခါ ကြယ်တစ်လုံးသည် ကောင်းကင်မှ ကမ္ဘာမြေပေါ်သို့ ကြွေကျသည်ကို ကျွန်ုပ်မြင်ရ၏။ ထိုကြယ်အား တွင်းနက်ကြီး၏ သော့ကိုပေးတော်မူ၏။ 2သူသည် တွင်းနက်ကြီးကို ဖွင့်လိုက်သောအခါ မီးခိုသည် မီးဖိုကြီးမှ ထွက်သည့်အလား တွင်းထဲမှ ထွက်လာ၏။ ထိုမီးခိုးကြောင့် နေနှင့် အာကာသမိုးကောင်းကင်သည် မှောင်မိုက်သွားလေ၏။ 3ထို့နောက် ထိုမီးခိုးမှ ကျိုင်းကောင်များသည် မြေကြီးပေါ်သို့ထွက်လာကြ၏။ သူတို့အား ကမ္ဘာမြေပေါ်ရှိကင်းမြီးကောက်အစွမ်းကဲ့သို့သော အစွမ်းကိုပေးထား၏။ 4သူတို့သည် ကမ္ဘာမြေပေါ်ရှိ မြက်ပင်များမှစ၍ အခြားစိမ်းစိုသောအပင်ငယ်မျာ၊ သစ်ပင်များကို ဖျက်စီးခွင့်မရှိ။ 5ထို့အပြင် လူတို့ကို အသေမသတ်ဘဲ ငါးလပတ်လုံး ညှဉ်းဆဲရန် ခွင့်ပြုထား၏။ 6ထိုကာလ၌ လူတို့သည် သေလမ်းကိုရှာသော်လည်း မတွေ့နိုင်ကြ။ သူတို့သည် သေလိုသော်လည်း သေခြင်းသည် သူတို့ထံမှ ထွက်ပြေးသွားလိမ့်မည်။ 7ကျိုင်းကောင်များသည် စစ်တိုက်ရန်အတွက် ပြင်ဆင်ထားသော မြင်းများနှင့်တူ၏။ သူတို့၏ ဦးခေါင်းပေါ်၌ သရဖူကဲ့သို့သော အရာကိုဆောင်းထား၍ သူတို့၏ မျက်နာများသည် လူ၏မျက်နာကဲ့သို့ဖြစ်၏။ 8သူတို့၏ ဆံပင်များသည် အမျိုးသမီးဆံပင်ကဲ့သို့ဖြစ်၍ သူတို့၏သွားများသည် ခြင်္သေ့သွားများကဲ့သို့ဖြစ်၏။ 9သူတို့တွင် သံချပ်ဝတ်ကဲ့သို့သော ရင်အုပ်ကာ ချပ်ဝတ်များပါရှိပြီး သူတို့၏ တောင်ပံခတ်သံသည် စစ်ပွဲသို့ ပြေးလာသော မြင်းရထားများ၏ အသံကဲ့သို့ဖြစ်၏။ 10သူတို့တွင် ကင်မြီးကောက်များကဲ့သို့ အဆိပ်ရှိသော အမြီးများပါ၍ သူတို့၏ အမြီးသည် လူတို့ကို ငါးလပတ်လုံး ညှဉ်းဆဲနိုင်သည့်အစွမ်းရှိ၏။ 11သူတို့၏ရှင်ဘုရင်မှာ တွင်းနက်ကြီး၏နတ်ဒေဝါဖြစ်၏။ သူ၏အမည်မှာ ဟေဗြဲဘာသာဖြင့် အာဗဒ္ဒုန်ဖြစ်ပြီး ဂရိဘာသာဖြင့် အပေါလျုန်ဖြစ်၏။ 12ပထမဆုံးသော အမင်္ဂလာသည် လွန်းသွားလေပြီ။ ထို့နောက် အခြားအမင်္ဂလာနှစ်ပါးလာဦးမည်။ 13ဆဌမနတ်ဒေဝါသည် တံပိုးခရာကိုမှုတ်သောအခါ ဘုရားရှင်ရှေ့တော်၌ရှိသော ရွှေပူဇော်ပလ္လင်၏ ဦးချိုလေးချောင်းမှ ထွက်လာသောအသံကို ကျွန်ုပ်ကြားရ၏။ 14ထိုအသံက တံပိုးခရာကိုင်ထားသော ဆဌမနတ်ဒေဝါအား “ယူဖရေးတီးမြစ်ကြီးအနီး၌ ချည်နှောင်ထားသော နတ်ဒေဝါလေးပါးကို လွှတ်ပေးလော့” ဟုဆို၏။ 15ထိုနှစ်၊ ထိုလ၊ ထိုနေ့ရက်၊ ထိုအချိန်တို့အတွက် ပြင်ဆင်ထားသော နတ်ဒေဝါးလေးပါသည် သုံးပုံတစ်ပုံသောလူတို့ကို သတ်ရန် စေလွှတ်ခြင်းခံကြရ၏။ 16သူတို့တွင် မြင်းစစ်သည် သန်းနှစ်ရာရှိသည်ကို ကျွန်ုပ်ကြားသိခဲ့ရ၏။ 17ကျွန်ုပ်၏ ရူပါရုံတွင် မြင်းများနှင့် မြင်းစစ်သည်များကိုမြင်ရ၏။ သူတို့၏ ချပ်ဝတ်တန်ဆာများသည် မီးလျံကဲ့သို့သော အနီရောင်၊ နက်ပြာရော၊ ကန့်ကဲ့သို့သော အဝါရောင်များဖြစ်၏။ မြင်းတို့၏ဦးခေါင်းသည် ခြင်္သေ့ခေါင်းနှင့်တူ၍ မြင်းတို့၏ပါးစပ်မှ မီးလျံ၊ မီးခိုး၊ ကန့်များထွက်လာ၏။ 18မြင်းတို့၏ပါးစပ်မှ ထွက်လာသည့် မီးလျံ၊ မီးခိုးနှင့် ကန့်စသည့် ဘေဒဏ်သုံးမျိုးကြောင့် လူသုံးပုံတစ်ပုံ သေဆုံးကြ၏။ 19ဤမြင်းတို့၏ သတ်ဖြတ်နိုင်သောအစွမ်းသည် သူတို့၏ပါးစပ်များတွင်သာမကဘဲ အမြီးများတွင်လည်း ပါရှိ၏။ သူတို့၏အမြီးများသည် မြွေနှင့်တူ၍ ထိုအမြီး၌ လူကိုအန္တရာယ်ပြုနိုင်သော ဦးခေါင်းပါရှိ၏။ 20ဤဘေးဒဏ်ကြောင့်မသေဘဲ ကျန်ရစ်သောလူတို့သည် မိမိတို့ ကျူးလွန်သောအရာများအတွက် နောင်တမရကြ။ ရွှေ၊ ငွေ၊ ကြေး၊ ကျောက်၊ သစ်သားတို့ဖြင့် ပြုလုပ်ထားသော မမြင်နိုင် မကြားနိုင် လမ်းမလျှောက်နိုင်သော ရုပ်တုများနှင့် နတ်ဆိုးများကို ဆက်လက်ကိုးကွယ်ကြ၏။ 21ထိုသူတို့သည် မိမိတို့ပြုသည် လူသတ်ခြင်း၊ ပြုစားခြင်း၊ တရားနှင့်မညီသော မေထုန်ပြုခြင်း ခိုးခြင်းတို့အတွက် နောင်တမရကြ။
Currently Selected:
Revelation 9: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
