Revelation 5
5
1ထို့နောက် ရာဇပလ္လင်ပေါ်၌ထိုင်နေသောအရှင်၏ ညာလက်တွင် စာလိပ်ကိုမြင်ရ၏။ ထိုစာလိပ်အတွင်း အပြင်နှစ်ဖက်လုံး၌ စာများရေးထား၍ တံဆိပ်ခုနှစ်ခုဖြင့် ခတ်နှိပ်ထား၏။ 2ထိုအခါ တန်ခိုးကြီးသော နတ်ဒေဝါတစ်ပါးက ကျယ်လောင်သောအသံဖြင့် "မည်သူသည် ၎င်း၏တံဆိပ်များ ကိုခွာ၍ ပုရပိုက်အားဖွင့်ထိုက်ပါသနည်း" ဟုကြွေးကြော်နေသည်ကို ကျွန်ုပ်မြင်ရ၏။ 3သို့သော် ရွှေမြို့တော်၌ဖြစ်စေ၊ ကမ္ဘာမြေကြီး၌ဖြစ်စေ၊ မြေကြီးအောက်၌ဖြစ်စေ ထိုစာလိပ်ကိုဖွင့်ကြည့်ရ မည်သူမျှ တတ်စွမ်းနိုင်မည်မဟုတ်ပေ။ 4ထိုစာလိပ်အား ဖွင့်ကြည့်ရန်ထိုက်တန်သောသူ မည်သူတစ်ဦးတစ်ယောက်မျှမရှိသည်ကို ကျွန်ုပ်မြင်ရသောကြောင့် ဝမ်းနည်းစွာငိုကြွေးမိ၏။ 5ထို့နောက် အသေသတ်ခံရပြီးသကဲ့သို့ ဖြစ်နေသော သိုးသငယ်တော်ကိုကျွန်ုပ်မြင်ရ၏။ ထိုသိုးသငယ်သည် ရာဇာပလ္လင်တော်နှင့် သတ္တဝါလေးပါးတို့၏ အလယ်၌ရှိနေပြီး အကြီးအကဲတို့က ဝန်းရံထား၏။ ထိုးသိုးသငယ်တော်၌ ဦးချိုခုနစ်ချောင်းနှင့် မျက်လုံးခုနစ်လုံးရှိ၏။ ထိုမျက်လုံးတို့သည် ဘုရားရှင်၏ ဉာဏ်အလင်တော်ခုနှစ်ပါးဖြစ်၏။ 6ငါကြည့်သောအခါ သက်ရှိသတ္တဝါလေးကောင်နှင့် အကြီးအကဲများဝန်းရံထားသော ပလ္လင်၏အလယ်၌ သိုးသူငယ်တစ်ကောင်ရပ်နေသည်ကို တွေ့ခဲ့သည်။ သိုးသူငယ်သည် တစ်ခါအသတ်ခံရပြီးသည့်ပုံနှင့်တူနေ၏။ ၎င်း၌ ကမ္ဘာမြေပြင်တစ်ခုလုံးသို့စေလွှတ်ထားသော ဘုရားရှင်၏ ဉာဏ်အလင်း တော်ခုနှစ်ပါးဖြစ်သည့် ဦးချိုခုနှစ်ချောင်း နှင့်မျက်လုံးခုနှစ်လုံး ပါရှိ၏။ 7သိုးသငယ်တော်သည် ရာဇပလ္လင်ပေါ်၌ထိုင်တော်မူသော အရှင်၏ညာဘက်မှ စာလိပ်ကိုသွား၍ ယူလေ၏။ 8သူသည် ၎င်းအားယူပြီးနောက် သက်ရှိသတ္တဝါလေးမျိုးနှင့်အကြီးအကဲနှစ်ဆယ့်လေးပါးတို့သည် သူ၏ရှေ့၌ ဝပ်တွားခယကြ၏။ သူတို့တစ်ဦးစီတွင် စောင်းကိုလည်းကောင်း အမွှေးနံ့သာနှင့် ပြည့်သောရွှေဖလားကိုလည်းကောင်း ကိုင်ဆောင်ထားကြ၏။ ထိုရွှေဖလား၌ရှိသော အမွေးနံ့သာများသည် မြင့်မြတ်သောသူတို့၏ ဆုတောင်းချက်များကို ကိုယ်စားပြု၏။ 9ထို့နောက်သူတို့သည် သီချင်းအသစ်အားသီဆိုခဲ့ကြ၏။ ထိုသီချင်းမှာ “သင်သည် သေဆုံးပြီး၍ သင်၏သွေးနှင့် လူမျိုးစု၊ ဘာသာစကား၊ လူမျိုးရေးတိုင်းမှ ဘုရားရှင်၏လူများအတွက် ဝယ်ယူခြင်းကြောင့် ပုရပိုက်နှင့်၎င်း၏တံဆိပ်များကို ဖွင့်ယူထိုက်သူဖြစ်၏။ 10ကိုယ်တော်သည် ထိုသူတို့အား ဘုရားရှင်၏လူမျိုးတော်နှင့် ပရောဟိတ်များ ဖြစ်စေတော်မူ၏။ ထိုသူတို့သည် ကမ္ဘာလောကကို အုပ်စိုးကြလိမ့်မည်” ဟူ၍ဖြစ်၏။ 11ထို့နောက် ကျွန်ုပ်ကြည့်လိုက်ရာ သိသန်းကုဋေမက အလွန်များပြလှသော နတ်ဒေဝါတို့၏ ကြွေးကြော်သံကို ကြားရ၏။ သူတို့သည် ရာဇပလ္လင်တော်၊ သတ္တဝါလေးပါ၊ နှင့် အကြီးအကဲတို့ကို ဝန်းရံထားကြ၏။ 12ထိုသူတို့က “အသေသတ်ခြင်းခံရသော သိုးသငယ်တော်သည် တန်ခိုး၊ စည်းစိမ်၊ ဉာဏ်ပညာ၊ အစွမ်းသတ္တိ၊ ဂုဏ်အသရေ၊ ဘုန်းအသရေနှင့် ချီးမွှမ်းခြင်းတို့ကို ခံယူရန် ထိုက်တန်၏” ဟု ကျယ်လောင်စွာ အော်ဟစ်နေကြ၏။ 13ထို့အပြင် ကောင်းကင်၊ မြေကြီး၊ မြေကြီးအောက်၊ ပင်လယ်ထဲ စသည့်နေရာအသီးသီး၌ရှိကြသော ဖန်ဆင်းခံ သတ္တဝါ အပေါင်းတို့က “ရာဇပလ္လင်တော်ပေါ်တွင် ထိုင်တော်မူသောအရှင်နှင့် သိုးသငယ်တော်သည် အစဉ်ထာဝရ ချီးမွှမ်းခြင်းကို ခံစားရ၍ ဂုဏ်အသရေ၊ ဘုန်းအသရေ၊ ဘုန်းတန်ခိုးတော်နှင့် အစဉ်ထာဝရ တည်ရှိပါစေသော” ဟုကြွေးကြောကြသည်ကို ကျွန်ုပ်ကြားရ၏။ 14ထိုအခါ သတ္တဝါလေးပါက “အာမင်” ဟုဆိုကြ၏။ အကြီးအကဲတို့သည်လည်း ဘုရားရှင်နှင့် သိုးသငယ်တော်ကို ဒူထောက်လျက်ရှိခိုးကြ၏။
Currently Selected:
Revelation 5: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
