Revelation 18
18
1ထို့နောက် အခြားသောနတ်ဒေဝါတစ်ပါးသည် ကြီးမားသော အခွင့်အာဏာနှင့်အတူ ရွှေမြို့တော်မှ ဆင်းသက်လာသည်ကို ကျွန်ုပ်မြင်ရ၏။ သူ၏အရောင်အဝါသည် ကမ္ဘာမြေပြင်တစ်ဝန်းလုံးကို ထွန်းလင်းတောက်ပစေ၏။ 2ထိုနတ်ဒေဝါသည် “ဘေဘီလုံမြို့ကြီး ပျက်သုဉ်းပြီ။ ပျက်သုဉ်းပြီ။ ဤမြို့သည် မကောင်းဆိုးဝါးတို့နေထိုင်ရာအရပ်၊ ညစ်ညမ်းသောနတ်ဆိုးတို့ခိုအောင်းရာအရပ်၊ စက်ဆုတ်ဖွယ်ကောင်းသော ငှက်ဆိုးတို့မှီခိုရာအရပ်ဖြစ်လေပြီ။ 3အဘယ်ကြောင့်ဆိုသော် လူမျိုးအပေါင်းတို့သည် တရားနှင့်မညီသော ကာမဂုဏ်ခံစားခြင်း တည်းဟူသော စပျစ်ရည်တို့ဖြင့် မူးယစ်ကြသောကြောင့်ဖြစ်၏။ ကမ္ဘာလောကရှိ ရှင်ဘုရင်တို့သည် တရားနှင့်မညီသော ကာမဂုဏ်ခံစားခြင်းကို ဗာဗုလုန်မြို့နှင့်အတူ ကျူးလွန်ခဲ့ကြ၏။ ကမ္ဘာပေါ်ရှိ ကုန်သည်တို့သည်လည်း ထိုမြို့၏ အလွန်အကျွံကာမဂုဏ်ခံစားလိုသောဆန္ဒကို အကြောင်းပြု၍ ချမ်းသာကြွယ်ဝကြကုန်၏။ 4ထို့နောက် ရွှေမြို့တော်မှ အခြားသောအသံအား ကျွန်ုပ်ကြာရသည်မှာ “ငါ၏လူမျိုးတို့ ထိုမြို့မှ ထွက်ခဲ့ကြလော့။ ဤသည်မှာ သင်တို့သည် ထိုမြို့၏ အပြစ်ကျူးလွန်မှု၌ မပါဝင်မိစေရန်နှင့် ထိုမြို့၌ ကျရောက်မည့် ပြစ်ဒဏ်စီရင်ခြင်းမှ လွတ်မြောက်စေရန်ဖြစ်၏။ 5သူ၏အပြစ်များသည် ကောင်ကင်အထိစုပုံ၍ မြင့်မားနေသောကြောင့် သူ၏အပြစ်ကျူးလွန်ခြင်းတို့ကို ဘုရားရှင် သတိရတော်မူပြီ။ 6သူတစ်ပါးကို သူပြုမူခဲ့သည့်အတိုင်း သူအား ပြန်၍လက်စားချေကြလော့။ သူပြုခဲ့သည့်အရာအတွက် နှစ်စပြန်၍ တုံ့ပြန်ကြလော့။ သူရောစပ်ပေးသည့်ခွက်ဤ သူ့အတွက် နှစ်ဆပို၍ ရောစပ်ပေးကြလော့။ 7သူသည် မိမိကိုယ်ကိုယ် ဂုဏ်ယူဝံ့ကြွား၍ ကာမဂုဏ်ခံစားခဲ့သည်များနှင့်အညီ သူ့ကိုညှဉ်းဆဲ၍ ဝမ်းနည်းပူဆွေးစေကြလော့။ အဘယ်ကြောင့်ဆိုသော် သူက “ငါသည် မိဖုရားကဲ့သို့အုပ်စိုး၏။ ငါသည် မုဆိုးမမဟုတ်။ ငါသည် မည်သည့်အခါမျှ ဝမ်းနည်းပူဆွေးရမည်မဟုတ်” ဟုမိမိစိတ်ထဲ၌ ပြောဆိုနေသောကြောင့်ဖြစ်၏။ 8သို့ဖြစ်၍ သူခံရမည့် ပြစ်ဒဏ်များဖြစ်သော သေခြင်း၊ ညည်းတွားခြင်း၊ အစာခေါင်းပါးခြင်းတို့သည် သူ့အပေါ်သို့ တစ်ရက်အတွင် ကျရောက်လာမည်။ သူသည် မီးရှို့ခြင်းကိုခံရလိမ့်မည်။ အဘယ်ကြောင့်ဆိုသော် သူ့ကိုတရားစီရင်တော်မူသောအရှင် ဘုရားရှင်သည် တန်ခိုးကြီးတော်မူသောကြောင့်ဖြစ်သည်” ဟူ၍ဖြစ်၏။ 9သူနှင့်အတူ ကာမဂုဏ်အတူခံစားခဲ့ကြသော ကမ္ဘာတစ်ဝှမ်းလုံးရှိ ဘုရင်တို့သည် သူ့ကိုကျွမ်းလောင်သည့်မီးမှ မီးခိုးများကို မြင်သောအခါ ငိုကွေးမြည်တမ်းကြလိမ့်မည်။ 10သူသည် သူခံရသောညှဉ်းပန်းနိပ်စက်မှုတို့ကိုကြောက်ရွံ့တုန်လှုပ်၍ အဝေးမှရပ်ကာ “တနခိုးကြီးသည့် ဗာဗုလုန်မြို့၊ ကြီးမြတ်လှပါသော ဗာဗုလုန်မြို့ ဖြစ်ရလေခြင်း၊ ဖြစ်ရလေခြင်း၊ သင်ခံရမည့် ပြစ်ဒဏ်စီရင်ခြင်းသည် တစ်ခဏချင်းမှာပင် ရောက်လာလေပြီ” ဟု ငိုကြွေးမြည်တမ်းကြလိမ့်မည်။ 11ကမ္ဘာပေါ်ရှိ ကုန်သည်များသည်လည်း သူတို့၏ ကုန်ပစ္စည်းများကို ဝယ်မည့်သူ တစ်စုံတစ်ဦးမျှမရှိတော့သောကြောင့် ငိုကြွေးမြည်တမ်းကြလိမ့်မည်။ 12သူတို့၏ ကုန်ပစ္စည်းများမှာ ရွှေ၊ ငွေ၊ ကျောက်မျက်ရတနာ၊ ပုလဲ၊ ပိတ်ချော၊ ခရမ်းရောင်အထည်၊ ပိုးထည်၊ ဖဲနီထည်၊ သစ်မွှေးအမျိုးမျိုး၊ ဆင်စွယ်တန်ဆာအမျိုးမျိုး၊ အဖိုးတန်သစ်အမျိုးမျိုး၊ ကြေး၊ သံ၊ စကျင်ကျောက်၊ 13သစ်ကြမ်းပိုး၊ အမွှေးအကြိုင်၊ အမွှေးနံ့သာ၊ မုရန်၊ လောဗန်၊ စပျစ်ဝိုင်၊ သံလွင်ဆီ၊ မုန့်ညက်၊ ဂျုံ၊ ကျွဲနွား၊ တိရိစ္ဆာန်၊ သိုး၊ မြင်း၊ မြင်းရထား၊ ကျွန်များနှင့် လူ့အသက်တို့ပင်ဖြစ်ကြ၏။ 14“သင်တပ်မက်သောအသီးများသည် သင့်ထံတွင်မရှိတော့ပြီ။ သင်၏ ဇိမ်ခံပစ္စည်းများနှင့် ဂုဏ်စည်းစိမ်တို့သည်လည်း ပျောက်ဆုံးလေပြီ။ မည်သည့်အခါမျှ တွေ့ရတော့မည်မဟုတ်။” 15ထိုမြို့ကိုအမှီပြု၍ ထိုကုန်ပစ္စည်းများကို ရောင်းဝယ်ခြင်းဖြင့် ချမ်းသာလာကြသော ကုန်သည်များသည် ထိုမြို့ခံရသည် ညှဉ်းဆဲမှုကို ကြောက်ရွံ့၍ အဝေးတွင်ရပ်လျက် 16“ဖြစ်ရလေခြင်း၊ ဖြစ်ရလေခြင်း။ ပိတ်ချောထည်၊ ခရမ်းရောင်အထည်၊ ဖဲနီထည်တို့ကို ဝတ်ဆက်လျက် ရွှေ၊ ကျောက်မျက်ရတနာနှင့် ပုလဲတို့ကို ဆင်မြန်းသောမြို့ကြီး… 17ဤမျှလောက် ကြွယ်ဝသော သင်၏စည်းစိမ်တို့သည် တစ်ခဏချင်းတွင်ပင် ပျက်သုဉ်းလေပြီ” ဟူ၍ ငိုကြွေးမြည်တမ်းကြလိမ့်မည်။ ကုန်သင်္ဘောမှ ရေယာဉ်မှူးများ၊ ခရီးသည်များသည်၊ သင်္ဘောသားများနှင့် ပင်လယ်ကုန်သည်အပေါင်းတို့သည် အဝေးတွင်ရပ်လျှက် 18ထိုမြို့ကိုလောင်ကျွမ်းနေသည့် မီလျှံများမှ မီးခိုးများကိုမြင်သောအခါ သူတို့က “အဘယ်အခါ၌ ဤမြို့ကဲ့သို့ကြီးကျယ်ခမ်းနားသည့်မြို့ အဘယ်မှာရှိတော့မည်နည်း” ဟု အော်ဟစ်ကြ၏။ 19သူတို့သည် ဖုန်မှုန့်များကို မိမိတို၏ခေါင်းပေါ်တွင် ကြဲပြီး “ဖြစ်ရလေခြင်း၊ ဖြစ်ရလေခြင်း၊ ပင်လယ်ကူသင်္ဘောပိုင်ရှင်များကို ချမ်းသာစေခဲ့သောမြို့… သင်သည် တစ်ခဏချင်း ပျက်သုဉ်းလေပြီ” ဟု ငိုကြွေးမြည်တမ်းကြလိမ့်မည်။ 20အို…ရွှေမြို့တော်သားအပေါင်းတို့၊ ထိုမြို့ပျက်စီးခြင်းအတွက် ဝမ်းမြောက်ရွှင်မြူးကြလော့။ အို… ဘုရားရှင်၏ လူစုတော်ဝင်များ၊ တပည့်တော်နှင့် အရိယာသူတော်စင်အပေါင်းတို့ ဝမ်းမြောက်ကြလော့။ သင်တို့အပေါ် ပြုခဲ့သည့်အမှုအတွက် ဘုရားရှင်သည် ထိုမြို့ကို တရားစီရင်တော်မူပြီ။ 21ထို့နောက် တန်ခိုးကြီးသော နတ်ဒေဝါတစ်ပါးသည် ကြိတ်ဆုံကျောက်ကဲ့သို့သော ကြီးမားသည့်ကျောက်တုံးကြီးတစ်တုံးကိုယူ၍ ပင်လယ်ထဲသို့ပစ်ချလိုက်ပြီးလျှင်…“ဘေဘီလုန်မြို့ကြီးသည် ဤကဲ့သို့ ပြင်းထန်စွာ ပစ်ချခြင်းကိုခံရပြီး မည်သည့်အခါမျှ တွေ့ရတော့မည်မဟုတ်။ 22စောင်းသမား၊ ဂီတသမား၊ ပလွေသမား၊ တံပိုးခရာသမားတို့၏ တီမှုတ်သံတိုကိုလည်း သင်တို့သည် ဘယ်သောအခါမျှ ကြားရတော့မည်မဟုတ်။ အလုပ်သမားမျှသင့်ထံတွင် တွေ့မြင်ရတော့မည်မဟုတ်။ ကြိတ်ဆုံသံများကိုလည်း ကြားရတော့မည်မဟုတ်။ 23ဆီမီးအလင်းရောင်တို့ကိုလည်း သင်တို့မြင်ရတော့မည်မဟုတ်။ မင်္ဂလာဆောင် သတို့သား၊ သတို့သမီးတို့၏ ပျော်ရွှင်သောအသံကိုလည်း ဘယ်သောအခါမျှသင်တို့ ကြားရတော့မည်မဟုတ်။ သင်၏ ကုန်သည်ကြီးများသည် ကမ္ဘာပေါ်တွင် အာဏာကြီးမာသူများဖြစ်ကြ၏။ သင်သည် လူမျိုးအပေါင်းတို့ကို ပြုစားခြင်းဖြင့် လမ်းမှားရောက်လေပြီ။ 24ဗာဗုလုန်မြို့ အပြစ်ဒဏ်စီရင်ခံရသည်မှာ ထိုမြို့တွင် အရိယာသူတော်စင်များ၏သွေး၊ ဘုရားရှင်၏လူအစုတော်ဝင်များ၏သွေး၊ ကမ္ဘာပေါ်တွင် အသတ်ခံရသူ အပေါင်းတို့၏သွေးများကို တွေ့ရှိရသောကြောင့်ဖြစ်၏။
Currently Selected:
Revelation 18: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
