Revelation 11
11
1ထို့နောက် နတ်ဒေဝါက ကျွန်ုပ်အား တောင်ဝှေးနှင့်တူသော တိုင်တာစရာကျူတုတ်တစ်ချောင်းကို ကျွန်ုပ်အားပေး၍ “ထလော့ ဘုရားရှင်၏ ဗိမာန်တော်နှင့် ပူဇော်ပလ္လင်ကို တိုင်းထွာ၍ ထိုနေရာ၌ ဝတ်ပြုနေသော သူတို့ကို ရေတွက်လော့။ 2ဗိမာန်တော်အပြင်ဘက်ရှိ တံတိုင်းကိုမတိုင်းနှင့်။ အဘယ်ကြောင့်ဆိုသော် ထိုနေရာကို လူမျိုးခြားတို့အား ပေးထားသောကြောင့်ဖြစ်၏။ သူတို့သည် မြင့်မြတ်သောမြို့တော်ကို လေးဆယ့်နှစ်လတိုင်တိုင် ခြေဖြင့်နင်းချေကြလိမ့်မည်။ 3ကျွန်ုပ်သည် ကျွန်ုပ်၏သက်သေခံနှစ်ပါးကို သူတို့သည် လျှော်ထည်ကြမ်းကို ဝတ်၍ ရက်ပေါင်းဆစ်ထောင့်နှစ်ရာ ခြောက်ဆယ် ကြိုတင်ဟောပြောကြလိမ့်မည်” ဟုဆို၏။ 4ဤသက်သေခံနှစ်ပါးတို့သည် ကမ္ဘာလောကကို အုပ်စိုးသည့် အရှင်သခင်၏ ရှေ့တော်၌ရှိသော သံလွင်ပင်နှင့် ဆီမီးတိုင်နှစ်ခု ဖြစ်၏။ 5တစ်စုံတစ်ယောက်သည် သူတို့ကို အန္တရာယ်ပြုလိုလျှင် သူတို့၏ ခံတွင်းမှ မီးထွက်လာ၍ ရန်သူကိုလောင်ကျွမ်းစေလိမ့်မည်။ သူတို့ကကို အန္တရာယ်ပြုလိုသောသူသည် ၌နည်းဖြင့်အသတ်ခံရမည်။ 6ထိုသူတို့၌ ကြိုတင်ဟောပြောနေသည့် အချိန်ကာလအတွင်း မိုးမရွာစေရန် ကောင်းကင်ကိုပိတ်ထားနိုင်စွမ်းရှိသော အစွမ်းတန်ခိုးများရှိကြ၏။ ထိုသူတို့၌ ရေကိုသွေးအဖြစ်သို့ပြောင်းလဲစေနိုင်သော အစွမ်းတန်ခိုး နှင့် မိမိအလိုရှိသည့်အချိန်အတိုင်း ကမ္ဘာလောကကို ဘေးဒဏ်အမျိုးမျိုးသင့်စေနိုင်သော အစွမ်းတန်ခိုးလည်းရှိကြ၏။ 7သူတို့သက်သေခံပြီးသောအခါ တွင်းနက်ကြီးထဲမှာ သားရဲသည် ထွက်လာ၍ သူတို့အား တိုက်ခိုက် သတ်ဖြတ်၍ အနိုင်ယူကြလိမ့်မည်။ 8လက်ဝါးကပ်တိုင်ပေါ်၌ သူတို့၏ ကိုယ်တော်ယေရှု အသေခံတော်မူရာအရပ်ဖြစ်သည့် သောဒုံနှင့် အီဂျစ်ဟု ခေါ်ဆိုသောမြို့ကြီး၏ လမ်းပေါ်၌ သူတို့၏အလောင်းများရှိကြလိမ့်မည်။ 9ဘာသာစကားအသီးသီး ပြောဆိုကြသော လူမျိုးနွယ်တို့သည် သုံးရက်ခွဲပတ်လုံး အလောင်းများကို ကြည့်ပြီး သင်္ချိုင်းဂူ၌ သင်္ဂြိုလ်ခွင့်မပေးကြဘဲနေကြလိမ့်မည်။ 10ကမ္ဘာပေါ်၌ နေထိုင်ကြသောသူတို့သည့် ထိုအရိယာသူတော်စင်နှစ်ပါး၏အဖြစ်ကြောင့် ဝမ်းမြောက်၍ တစ်ဦးကိုတစ်ဦး လက်ဆောင်များပေးကြလိမ့်မည်။ အဘယ်ကြောင့်ဆိုသော ထိုအရိယာသူတော်စင်နှစ်ပါးသည် ကမ္ဘာလောက၌ နေထိုင်သောသူတို့ကို ညှဉ်းဆဲသောကြောင့်ဖြစ်၏။ 11သို့သော် သုံးရက်ခွဲကြာပြီးနောက် ဘုရားရှင်ထံမှ အသက်ဝိဉာာဉ်သည် ထိုသူတို့ထဲသို့ ဝင်ရောက်၍ သူတို့သူသည် ထရပ်ကြ၍ မြင်ရသောသူအပေါင်းတို့သည်လည်း ထိတ်လန့်ကြ၏။ 12ထိုအခါ ရွှေမြို့တော်မှ “ဤအရပ်သို့တက်လာလော့” ဟု ကျယ်လောင်သောခေါ်သံကို ထိုအရိယာသူတော်စင်နှစ်ပါးတို့ ကြာရ၏။ 13ထိုအချိန်တွင် အလွန်ပြင်းထန်သော ငလျင်လှုပ်၍ မြို့၏ဆယ်ပုံတစ်ပုံသည် ပြိုကျသွား၏။ ထိုငလျင်ဒဏ်ကြောင့် လူခုနှစ်ထောင်သေဆုံး၍ အသက်ရှင်ကျန်ရစ်သူများသည် ထိတ်လန့်ကာ ရွှေမြို့တော်မှ ဘုရားရှင်၏ ဘုန်းတန်ခိုးတော်ကို ချီးမွှမ်းကြ၏။ 14ဒုတိယ အမင်္ဂလာသည် ကုန်လွန်သွားပြီဖြစ်၏။ ထို့နောက် တတိယ အမင်္ဂလာသည် မကြာမီရောက်ရှိလာတော့မည်ဖြစ်၏။ 15သတ္တမနတ်ဒေဝါသည် တံပိုခရာမှုတ်သောအခါ “ဤလောကီနိုင်ငံသည် ယခုငါတို့အရှင်နှင့် ထိုအရှင်၏ ခရစ်တော်စိုးပိုင်သော နိုင်ငံဖြစ်လေပြီ။ ကိုယ်တော်သည် အစဉ်ထာဝရ အုပ်စိုးတော်မူလိမ့်မည်” ဟု ကောင်းကင်မှ ကျယ်လောက်စွာ ပြောဆိုသံများထွက်ပေါ်လာ၏။ 16ဘုရားရှင်၏ရှေ့တော်၌ ရှိသောမိမိတို့၏ ပလ္လင်တော်ပေါ်တွင် ထိုင်နေကြသော အကြီးအကဲနှစ်ဆယ့်လေးပါးတို့သည် ဘုရားရှင်အား ဒူးထောက်၍ ရှိခိုးပြီး 17“ယခုကာလ၊ ယခင်ကာလတွင်လည်း ရှိတော်မူသည့် အန္တတန်ခိုးရှင် ဘုရားရှင်ကို အကျွန်ုပ်တို့ ကျေးဇူးတင်ပါ၏။ အဘယ်ကြောင့်ဆိုသော် ကိုယ်တော်သည် မဟာတန်ခိုးတော်ကိုသုံး၍ အုပ်စိုးတော်မူသောကြောင့်ဖြစ်၏။ 18လူမျိုးစုတို့သည် အမျက်ဒေါသထွက်ကြ၏။ သို့သော် ယခုဘုရားရှင် အမျက်ထွက်ရန်အချိန်တန်ပြီ။ သေလွန်ပြီးသောသူတို့ကို တရားစီရင်ရသောအချိန်ရောက်လာပြီ။ ကိုယ်တော်၏ အစေခံဖြစ်သော ပရောဖက်များ၊ မြင့်မြတ်သောသူများနှင့် ကိုယ်တော်ကို ကြောက်ရွံ့သည့်လူတန်းစား အနိမ့်၊ အမြင့် တို့အား ဆုလာဘ်ကို ပေးလိမ့်မည်။ 19ထိုအခါ ရွှေမြို့တော်၌ရှိသော ဘုရားရှင်၏ ဗိမာန်တော်သည် ပွင့်၍ ကိုယ်တော်၏ဗိမာန်တော်၌ ပဋိဉာာဉ်တ္တောတော်ကို မြင်ရ၏။ ထို့နောက် လျှပ်စီးလက်ခြင်း၊ အသံမြည်ဟည်းခြင်း၊ မိုးခြိမ်းခြင်း၊ ငလျင်လှုပ်ခြင်း၊ ကြီးမားသော မိုးသီးများကြွေကျခြင်းတို့ဖြစ်လေ၏။
Currently Selected:
Revelation 11: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
