Psalms 72
72
1အို ဘုရားရှင်၊ ကိုယ်တော်၏စီရင်ထုံးဖွဲ့ချက်တို့ကို ရှင်ဘုရင်အားလည်းကောင်း၊ ကိုယ်တော်၏ဖြောင့်မတ်ခြင်းကို ရှင်ဘုရင်၏သားတော်အားလည်းကောင်း ပေးတော်မူပါ။ 2ထိုဘုရင်သည် ကိုယ်တော်၏လူမျိုးတော်ကို ဖြောင့်မတ်ခြင်းအားဖြင့်လည်းကောင်း၊ အဖိနှိပ်ခံရသော ကိုယ်တော်၏လူတို့ကို တရားမျှတခြင်းဖြင့်လည်းကောင်း စစ်ကြောစီရင်ပါစေသော။ 3တောင်များသည် ငြိမ်းချမ်းခြင်းကိုလည်းကောင်း၊ တောင်ကုန်းများသည် ဖြောင့်မတ်ခြင်းကိုလည်းကောင်း လူတို့ထံသို့ ယူဆောင်လာကြပါစေသော။ 4သူသည် လူများထဲမှ အဖိနှိပ်ခံရသောသူတို့အတွက် တရားစီရင်ပေး၍ ချို့တဲ့နွမ်းပါးသောသူ၏သားသမီးများကို ကယ်တင်လျက် နှိပ်စက်သောသူတို့အား နှိမ်နင်းပါစေသော။ 5နေနှင့်လတည်နေသရွှေ့ လူတို့သည် ကိုယ်တော်အား မျိုးရိုးအစဥ်အဆက် ကြောက်ရွံ့ကြပါစေသော။ 6ထိုမင်းသည် ရိတ်ထားသောမြက်ခင်းအပေါ်တွင် ရွာချသည့် မိုးကဲ့သို့လည်းကောင်း၊ မြေကြီးကိုစိုစွတ်စေသည့် မိုးပေါက်များကဲ့သို့လည်းကောင်း ဖြစ်ပါစေသော။ 7သူ၏လက်ထက်၌ ဖြောင့်မတ်သောသူသည် ကြီးပွား၍ လကွယ်ပျောက်သွားသည်အထိ ငြိမ်းချမ်းမှုအပြည့်ရှိပါစေသော။ 8သူသည် ပင်လယ်တစ်ခုမှ အခြားပင်လယ်တစ်ခုတိုင်အောင်လည်းကောင်း၊ မြစ်တစ်စင်းမှ ကမ္ဘာမြေအစွန်းတိုင်အောင်လည်းကောင်း အုပ်စိးပါစေသော။ 9ကန္တာရ၌နေထိုင်သောလူမျိုးတို့သည် သူ့ရှေ့တော်၌ဦးညွှတ်ကြပါလိမ့်မည်။ သူ၏ရန်သူတို့သည် မြေမှုန့်ကိုလျက်ကြရပါစေသော။ 10တာရှုဘုရင်နှင့် ကမ်းရိုးတန်းနိုင်ငံများမှ ရှင်ဘုရင်တို့သည် လက်ဆောင်ပဏ္ဏာကို ယူဆောင်လာကြပါစေသော။ ရှေဘဘုရင်နှင့် သေဘဘုရင်တို့သည်လည်း အခွန်ကို ဆက်သကြပါစေသော။ 11ထိုမျှမက ဘုရင်အပေါင်းတို့သည် သူ၏ရှေ့၌ပျပ်ဝပ်ကြပါစေသော။ လူမျိုးအပေါင်းတို့သည်လည်း သူ့ကိုအစေခံကြပါစေသော။ 12အကြောင်းမူကား သူသည် အကူအညီအော်ဟစ်တောင်းခံသည့် နွမ်းပါးသောသူကိုလည်းကောင်း၊ ကူညီမစမည့်သူမရှိသည့် အဖိနှိပ်ခံရသောသူကိုလည်းကောင်း ကယ်တင်တော်မူလိမ့်မည်။ 13သူသည် ဆင်းရဲသောသူနှင့် နွမ်းပါးသောသူကို သနား၍ သူတို့၏အသက်ကို ကယ်တင်တော်မူလိမ့်မည်။ 14သူသည် သူတို့၏အသက်ကို ဖိနှိပ်ခြယ်လှယ်ခြင်းနှင့် ရက်စက်ကြမ်းကြုတ်ခြင်းတို့ထဲမှ ရွှေးနုတ်တော်မူလိမ့်မည်။ အကြောင်းမူကား သူ့အတွက် သူတို့၏သွေးသည် တန်ဖိုးကြီးလှသည်။ 15သူသည် သက်တော်ရှည်ပါစေသော။ လူတို့သည် ရှေဘမှရသောရွှေကို သူ့အားဆက်သ၍ သူ့အတွက် အစဥ်မပြတ်ဆုတောင်းပေးကာ သူ့အားတစ်နေ့လုံး ကောင်းချီးပေးကြပါစေသော။ 16တိုင်းပြည်အတွင်း၌ များစွာသောဂျုံစပါးရှိ၍ တောင်များပေါ် ယိမ်းနွဲ့လျက်ရှိကြပါစေသော။ ၎င်း၏အသီးအနှံတို့သည် လက်ဘနွန်ကဲ့သို့ ဖြစ်ကြပါစေသော။ လူတို့သည် တော၌ရှိသောမြက်ပင်များကဲ့သို့ မြို့ရွာတွင် ရှင်သန်ကြပါစေသော။ 17သူ၏နာမတော်သည် အစဥ်အမြဲတည်ပါစေသော။ နေသည်တည်နေသရွေ့ သူ၏နာမတော်သည် ဆက်၍တည်ပါစေသော။ ထို့နောက် လူမျိုးအပေါင်းတို့သည် သူ့အားဖြင့် ကောင်းချီးမင်္ဂလာခံစားရ၍ သူ့အား မင်္ဂလာရှိသူဟု ခေါ်ကြပါစေသော။ 18အံ့ဖွယ်သောအမှုတို့ကို တစ်ပါးတည်းပြုတော်မူသော အစ္စရေးလူမျိုးတို့၏ အရှင်ဖြစ်တော်မူသော ဘုရားရှင်သည် မင်္ဂလာရှိပါစေသော။ 19ကိုယ်တော်၏ဘုန်းကြီးသောနာမတော်သည် အစဉ်အမြဲမင်္ဂလာရှိတော်မူပါစေသော။ ကမ္ဘာမြေတစ်ခွင်လုံးသည် ကိုယ်တော်၏ဘအသရေတော်နှင့် ပြည့်ပါစေသော။ အာမင်။ အာမင်။ 20ဤတွင် ယေရှဲ၏သားဒါဝိဒ်၏ ဆုတောင်းချက်များ ပြီးဆုံးသည်။
Currently Selected:
Psalms 72: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
