Psalms 66
66
1ကမ္ဘာလောကသားအပေါင်းတို့၊ ဘုရားရှင်ထံသို့ ဝမ်းမြောက်စွာကြွေးကြော်ကြလော့။ 2နာမတော်၏ ဘုန်းအသရေကို သီဆိုချီးမွမ်းကြလော့။ ကိုယ်တော်အား ချီးမွမ်းခြင်းဘုန်းအသရေကို ဆက်သကြလော့။ 3"ကိုယ်တော်ပြုတော်မူသောအမှုတို့သည် အံ့ဩဖွယ်ကောင်းလှပါ၏။ ကိုယ်တော်၏အစွမ်းသတ္တိကြီးမားမှုကြောင့် ကိုယ်တော်၏ရန်သူတို့သည် ကိုယ်တော်၏ရှေ့၌ ခယဝပ်တွားကြပါလိမ့်မည်။ 4ကမ္ဘာလောကသားအပေါင်းတို့သည် ကိုယ်တော်ကိုရှိခိုးကိုးကွယ်၍ သီဆိုချီးမွမ်းကြပါလိမ့်မည်။ သူတို့သည် ကိုယ်တော်၏နာမတော်ကို သီဆိုချီးမွမ်'ကြပါလိမ့်မည်"ဟု ဘုရားရှင်အား လျှောက်တင်ကြလော့။ 5ဘုရားရှင်၏ လုပ်ဆောင်တော်မူချက်တို့ကို လာ၍ကြည့်ကြလော့။ လူသားတို့အတွက် ကိုယ်တော်ပြုတော်မူသောအမှုတို့သည် အံ့ဖွယ်ကောင်းပေ၏။ 6ကိုယ်တော်သည် ပင်လယ်ကို ကုန်းမြေအဖြစ်သို့ ပြောင်းလဲစေတော်မူ၏။ လူတို့သည် မြစ်ကိုခြေကျင်ဖြတ်ကူးကြ၏။ ထိုအရပ်တွင် အကျွန်ုပ်တို့သည် ကိုယ်တော်ထံတွင် ဝမ်းမြောက်ကြ၏။ 7ကိုယ်တော်သည် မိမိ၏အစွမ်းတန်ခိုးတော်ဖြင့် အစဉ်အမြဲအုပ်စိုးတော်မူ၏။ ကိုယ်တော်၏မျက်စိတော်သည် လူမျိုးတကာတို့ကို သေချာစွာကြည့်ရှုတော်မူ၏။ ငြင်းဆန်ကြသောသူတို့သည် သူတို့ကိုယ်သူတို့ ချီးမြှောက်ခြင်းရှိကြပါစေနှင့်။ 8အို လူအပေါင်းတို့၊ အကျွန်ုပ်တို့၏ဘုရားရှင်ကို ချီးမွမ်းကြလော့။ ကိုယ်တော်အား ချီးမွမ်းသောအသံကို ကြွေးကြော်ကြလော့။ 9ကိုယ်တော်သည် အကျွန်ုပ်တို့ကို ဆက်၍အသက်ရှင်စေတော်မူပြီး ငါတို့အားခြေချော်လဲကျခွင့် ပေးတော်မမူ။ 10အကြောင်းမူကား အို ဘုရားရှင်၊ ကိုယ်တော်သည် အကျွန်ုပ်တို့ကို စစ်ဆေးတော်မူပြီ။ ငွေကိုသန့်စင်စေသကဲ့သို့ အကျွန်ုပ်တို့ကို သန့်စင်စေတော်မူပြီ။ 11ကိုယ်တော်သည် အကျွန်ုပ်တို့ကို ပိုက်ကွန်ထဲသို့ကျစေ၍ အကျွန်ုပ်တို့၏ကျောပေါ်တွင် ဝန်ထုပ်ဝန်ပိုးကို တင်တော်မူပြီ။ 12လူတို့အား အကျွန်ုပ်တို့၏ခေါင်းပေါ်၌ ကျော်နင်းစေတော်မူပြီ။ အကျွန်ုပ်တို့သည် မီးထဲ၌လည်းကောင်း၊ ရေထဲလည်းကောင်း ဖြတ်သွားကြရပါ၏။ သို့သော် ကိုယ်တော်သည် အကျွန်ုပ်တို့ကို ကြွယ်ဝသောအရပ်သို့ ခေါ်ဆောင်တော်မူ၏။ 13အကျွန်ုပ်သည် ကိုယ်တော်၏အိမ်တော်သို့ မီရှို့ပူဇော်ရသည့် ပူဇော်သက္ကာများယူဆောင်လျက် လာပါမည်။ အကျွန်ုပ်ကတိသစ္စာများကို ကိုယ်တော့်ထံတွင် ပြည့်စုံစေပါမည်။ 14ထိုအရာများသည် အကျွန်ုပ်ဆင်းရဲဒုက္ခရောက်စဉ်က အကျွန်ုပ်၏နှုတ်ခမ်းကိုဖွင့်ဟ၍ အကျွန်ုပ်၏နှုတ်ဖြင့်မြွက်ဆိုခဲ့သည့် ကတိသစ္စာများဖြစ်ကြပါ၏။ 15အကျွန်ုပ်သည် ပလ္လင်ပေါ်တွင် မီးရှို့ပူဇော်သက္ကာပြုရန် သိုးကိုဆက်သပါမည်။ အကျွန်ုပ်သည် နွားနှင့်ဆိတ်များကိုလည်း ပူဇော်ပါမည်။ မီးရှို၍ ပူဇော်သက္ကာပြုရာမှ ထွက်ပေါ်လာသည့် မီးခိုးများသည် ကောင်းကင်ပေါ်သို့ တက်ပါလိမ့်မည်။ 16ဘုရားရှင်အား ကြောက်ရွံ့ကြသူအပေါင်းတို့ လာ၍နားထောင်ကြလော့။ အကျွန်ုပ်အတွက် ကိုယ်တော်ပြုတော်မူသောအရာကို အကျွန်ုပ်ပြောပြမည်။ 17အကျွန်ုပ်၏နှုတ်သည် ကိုယ်တော်ကိုခေါ်၍ ဂုဏ်တော်ချီးမွမ်းခြင်းသည် အကျွန်ုပ်၏လျှာပေါ်တွင်ရှိ၏။ 18အကျွန်ုပ်စိတ်နှလုံးထဲ၌ အပြစ်ဒုစရိုက်အား လျစ်လျူရှု၍နေခဲ့လျှင် ဘုရားရှင်သည် နားထောင်တော်မူမည်မဟုတ်။ 19သို့သော် ဘုရားရှင်သည် နားထောင်တော်မူပြီဖြစ်၏။ အကျွန်ုပ်၏ဆုတောင်းသံကို အာရုံစိုက်၍ နားထောင်တော်မူပါပြီ။ 20အကျွန်ုပ်၏ဆုတောင်းချက်ကိုလည်းကောင်း၊ မိမိ၏မေတ္တာကရုဏာတော်ကိုလည်းကောင်း အကျွန်ုပ်ထံမှ ပယ်ရှားတော်မမူသောဘုရားရှင်သည် မင်္ဂလာရှိတော်မူပါစေ။
Currently Selected:
Psalms 66: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
