Psalms 51
51
1အို ဘုရားရှင်၊ ကိုယ်တော်၏မေတ္တာကရုဏာတော်နှင့်အညီ အကျွန်ုပ်ကိုသနားတော်မူပါ။ ကိုယ်တော်၏ ကြီးမားသောကရုဏာတော်နှင့်အညီ အကျွန်ုပ်ကျူးလွန်ခဲ့သော အပြစ်များကို ပယ်ဖျက်တော်မူပါ။ 2အကျွန်ုပ်၏ အပြစ်ဒုစရိုက်ကို အကုန်အစင်ဆေးကြော၍ အကျွန်ုပ်၏အပြစ်မှ စင်ကြယ်စေတော်မူပါ။ 3အကြောင်းမူကား အကျွန်ုပ်ကျူးလွန်ခဲ့သောအပြစ်များကို အကျွန်ုပ်သိပါ၏။ အကျွန်ုပ်၏အပြစ်သည် အကျွန်ုပ်၏ရှေ့မှောက်၌ အစဉ်ရှိနေပါ၏။ 4အကျွန်ုပ်သည် ကိုယ်တော်အား ပြစ်မှားမိပါ၏။ ကိုယ်တော်ကိုသာလျှင် ပြစ်မှား၍ ကိုယ်တော်၏မျက်မှောက်တော်၌ မကောင်းသောအမှုကို ပြုမိပါပြီ။ သို့ဖြစ်၍ ကိုယ်တော် အမိန့်ရှိတော်မူသောအခါ ဖြောင့်မတ်ပါ၏။ ကိုယ်တော် တရားစီရင်တော်မူသောအခါ သန့်ရှင်းစင်ကြယ်ပါ၏။ 5အကျွန်ုပ်သည် အပြစ်ဒုစရိုက်ထဲ၌ မွေးဖွားလာပါ၏။ အကျွန်ုပ်၏မိခင်သည် အကျွန်ုပ်အား ကိုယ်ဝန်ဆောင်စဉ်ကပင် အကျွန်ုပ်သည် အပြစ်ထဲ၌ရှိပါ၏။ 6ကိုယ်တော်သည် အတွင်းစိတ်၌မှန်ကန်မှုရှိခြင်းကို နှစ်သက်တော်မူသည်ဖြစ်၍ အကျွန်ုပ်၏အတွင်းစိတ်နှလုံးထဲသို့ ဉာဏ်ပညာကို သွန်သင်ပေးတော်မူပါ၏။ 7အကျွန်ုပ်အား ကျူပင်၏အခက်ဖြင့် သန့်စင်စေတော်မူပါ။ ထိုအခါ အကျွန်ုပ်သည် စင်ကြယ်ပါလိမ့်မည်။ အကျွန်ုပ်ကို ဆေးကြောတော်မူပါ။ ထိုအခါ အကျွန်ုပ်သည် နှင်းပွင့်ထက်ပို၍ဖြူပါလိမ့်မည်။ 8အကျွန်ုပ်အား ရွှင်မြူးခြင်းနှင့်ဝမ်းမြောက်ခြင်းကို ကြားစေတော်မူပါ။ ကိုယ်တော်ကြေမွစေခဲ့သည့် အရိုးတို့ကိုလည်း ရွှင်လန်းစေတော်မူပါ။ 9အကျွန်ုပ်၏ အပြစ်များမှ မျက်နှာတော်လွှဲ၍ အကျွန်ုပ်၏ အပြစ်ဒုစရိုက်များကို ပယ်ဖျက်တော်မူပါ။ 10အို ဘုရားရှင်၊ အကျွန်ုပ်၏အထဲ၌ စင်ကြယ်သောစိတ်နှလုံးကို ဖန်ဆင်းတော်မူပါ။ အကျွန်ုပ်၏အတွင်းထဲ၌ တည်ကြည်သော စိတ်သဘောကို အသစ်ပြုပြင်တော်မူပါ။ 11အကျွန်ုပ်အား ကိုယ်တော်၏ရှေ့မှောက်မှ နှင်ထုတ်တော်မမူပါနှင့်။ ကိုယ်တော်၏ ဉာဏ်အလင်းတော်ကို အကျွန်ုပ်ထံမှ ရုပ်သိမ်းတော်မမူပါနှင့်။ 12ကိုယ်တော်၏ ကယ်တင်ခြင်းနှင့်ဆိုင်သော ရွှင်လန်းဝမ်းမြောက်ခြင်းကို အကျွန်ုပ်အား ပြန်လည်ခံစားစေ စေတနာထက်သန်သော ဝိညာဉ်တော်ဖြင့် အကျွန်ုပ်အား ကူညီမစတော်မူပါ။ 13ထိုအခါ အကျွန်ုပ်သည် အပြစ်ဒုစရိုက်ကျူးလွန်ကြသူတို့အား ကိုယ်တော်၏လမ်းကို သင်ကြားပြသပေးပါမည်။ အပြစ်ဒုစရိုက်သားတို့သည်လည်း ကိုယ်တော်ထံသိူု့ ပြန်လာကြပါလိမ့်မည်။ 14အို ဘုရားရှင်၊ အကျွန်ုပ်အား ကယ်တင်တော်မူသော ဘုရားရှင်၊ လူသတ်ခြင်းအပြစ်မှ အကျွန်ုပ်ကို ကယ်နှုတ်တော်မူပါ။ အကျွန်ုပ်၏လျှာသည် ကိုယ်တော်၏ ဖြောင့်မတ်ခြင်းကို ရွှင်လန်းဝမ်းမြောက်စွာဖြင့် သီဆိုချီးမွမ်းပါမ 15အို ဘုရားရှင်၊ အကျွန်ုပ်၏နှုတ်ခမ်းကို ဖွင့်တော်မူပါ။ ထိုအခါ အကျွန်ုပ်၏နှုတ်သည် ကိုယ်တော်၏ဂုဏ်ကျေးဇူးတော်ကို ပြောကြားပါမည်။ 16အကြောင်းမူကား ကိုယ်တော်သည် ပူဇော်ခြင်းကို အလိုရှိတော်မမူပါ။ အလိုရှိတော်မူလျှင် အကျွန်ုပ်သည် ပူဇော်ခဲ့ပါလိမ့်မည်။ ကိုယ်တော်သည် မီးရှို့၍ ပူဇော်သက္ကာပြုခြင်းကိုလည်း နှစ်သက်တော်မမူပါ။ 17ဘုရားရှင်နှစ်သက်တော်မူသော ပူဇော်သက္ကာများမှာ ကျိုးပဲ့သောစိတ်သဘောဖြစ်ပါ၏။ အို ဘုရားရှင်၊ ကိုယ်တော်သည် ကျိုးပဲ့ကြေမွသောစိတ်နှလုံးကို မထီမဲ့မြင်ပြုတော်မူမည်မဟုတ်ပါ။ 18ကိုယ်တော်၏ကျေးဇူးတော်အားဖြင့် ဇိအုန်မြို့သူမြို့သားတို့အား ကောင်းစားစေတော်မူပါ။ ဂျေရုဆလင်၏ မြို့ရိုးတို့ကို တည်ဆောက်တော်မူပါ။ 19ထိုအခါ ကိုယ်တော်သည် ဖြောင့်မတ်ခြင်းပူဇော်သက္ကာများတည်းဟူသော မီးရှို့၍ပူဇော်သက္ကာမှုကိုပြုခြင်းနှင့် တစ်ကောင်လုံးကိုရှို့၍ပူဇော်ရသည့် ပူဇော်သက္ကာကို နှစ်သက်တော်မူလိမ့်မည်။ ထို လူတို့သည် နွားထီးတို့ကို ကိုယ်တော်၏ပလ္လင်ပေါ်တွင် ပူဇော်ကြပ့်မည်။
Currently Selected:
Psalms 51: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
