Psalms 17
17
1အို ဘုရားရှင်၊ တရားမျှတမှုရရှိရန်အတွက် အကျွန်ုပ် ပန်ကြားသည်ကို နားထောင်တော်မူပါ။ ကူညီမစတော်မူရန် အကျွန်ုပ် အော်ဟစ်တောင်းလျှောက်သံကို ဂရုပြုတော်မူပါ။ အကျွန်ုပ်သည် လိမ်လည်ခြင်းမရှိဘဲ ရိုးသားဖြောင့်မတ်စွာ တောင်းလျှောက်သည်ဖြစ်၍ အကျွန်ုပ်၏ ဆုတောင်းသံကို နားထောင်တော်မူပါ။ 2အကျွန်ုပ်အတွက် တရားစီရင်ခြင်းသည် ကိုယ်တော့်ထံမှ လာပါစေ။ ကိုယ်တော်၏မျက်စိသည် သမာသမတ်ရှိခြင်းကို မြင်နိုင်ပါစေ။ 3ကိုယ်တော်သည် အကျွန်ုပ်၏စိတ်နှလုံးကို စစ်ဆေးတော်မူပါ၏။ ညအချိန်၌ စစ်ဆေးတော်မူပါ၏။ အကျွန်ုပ်ကို စစ်ဆေးသော်လည်း အကျွန်ုပ်ထံတွင်မည်သည့် အရာကိုမျှ တွေ့ရမည်မဟုတ်။ အကျွန်ုပ်၏နှုတ်သည် အပြစ်မကျူးလွန်မိစေရန် စိတ်ပိုင်းဖြတ်ထားပါ၏။ 4လူတို့၏ လုပ်ဆောင်မှုများနှင့်ပတ်သက်၍မူကား ကြမ်းကြုတ်သောနည်းလမ်းများကို ကိုယ်တော်၏ နှုတ်ထွက်စကားတော်အားဖြင့် အကျွန်ုပ် ရှောင်ကြဉ်ခဲ့ပါ၏။ 5အကျွန်ုပ်၏ ခြေလှမ်းများသည် ကိုယ်တော်၏လမ်းတော်၌ ရှိပါ၏။ အကျွန်ုပ်သည် ခြေချော်ခြင်းမရှိပါ။ 6အို ဘုရားရှင်ကို၊ ကိုယ်တော်သည် အကျွန်ုပ်ကို ထူးတော်မူမည်ဖြစ်၍ ကိုယ်တော်အား အကျွန်ုပ်ခေါ်ပါ၏။ အကျွန်ုပ်ကို ဂရုစိုက်နားထောင်လျက် အကျွန်ုပ်၏ ဆုတောင်း စကားကို နားထောင်တော်မူပါ။ 7ကိုယ်တော်၏ အံ့ဩဖွယ်မေတ္တာတော်ကို ပေါ်လွင်အောင်ပြသတော်မူ၍ အကျွန်ုပ်အား ကယ်တင်တော်မူပါ။ အကျွန်ုပ်သည် ကိုယ်တော်၏ထံပါးတွင် ရန်သူများ၏ ဘေးမှ ကင်းလွတ်လုံခြုံခွင့် ရရှိပါ၏။ 8အကျွန်ုပ်အား နိုင်ထက်စီးနင်းပြုသည့် သူယုတ်မာတို့၏ ရှေ့မှလည်းကောင်း၊ အကျွန်ုပ်ကို ဝန်းရံထားလျက် အကျွန်ုပ်အား သတ်လိုသည့် ရန်သူတို့၏ရှေ့မှလည်းကောင်း 9အကျွန်ုပ်အား ကိုယ်တော်၏မျက်စိသူငယ်အိမ်ကဲ့သို့ စောင့်ရှောက်တော်မူပါ။ ကိုယ်တော်၏ အတောင်တော်အရိပ်အောက်၌ အကျွန်ုပ်အား ဖုံးကွယ်ထားတော်မူပါ။ 10သူတို့သည် သနားကြင်နာစိတ်ကင်းမဲ့လျက် မာန်မာနထောင်လွှား၍ ပြောဆိုကြပါ၏။ 11သူတို့သည် အကျွန်ုပ်တို့အား ခြေရာခံ၍ ယခု အကျွန်ုပ်တို့အား ဝန်းရံထားကြပြီး အကျွန်ုပ်တို့ကို မြေကြီးပေါ်သို့လှဲချရန် စောင့်ကြည့်နေကြပါ၏။ 12သူတို့သည် ကိုက်ဖဲ့လိုစိတ်ပြင်းထန်သော ခြင်္သေ့များကဲ့သို့လည်းကောင်း၊ ကွယ်ရာမှ ချောင်းမြောင်းနေကြသော ခြင်္သေ့ပျိုများကဲ့သို့လည်းကောင်း ဖြစ်ကြပါ၏။ 13အို ဘုရားရှင်၊ ကြွလာတော်မူပါ။ အကျွန်ုပ်၏ရန်သူများအား တွန်းလှန်ဖြိုခွင်းတော်မူပါ။ ကိုယ်တော်၏ ဓားတော်ဖြင့် သူယုတ်မာတို့၏လက်မှ အကျွန်ုပ်၏အသက်အား ကယ်တင်တော်မူပါ 14အို ဘုရားရှင်၊ ဤလောက၏အမွေကိုသာ ခံစားကြရသည့် လောကီသားတို့၏လက်မှ ကိုယ်တော်၏လက်တော်ဖြင့် အကျွန်ုပ်အားကယ်တင်တော်မူပါ။ ကိုယ်တော်သည် သူတို့၏ဝမ်းကို ကိုယ်တော်၏ဘဏ္ဍာတော်ဖြင့် ပြည့်စေတော်မူ၏။ သူတို့သည် သားသမီးအများပြားထွန်း၍ သူတို့၏ ကလေးများအတွက်လည်း သူတို့၏ စည်းစိမ်ဥစ္စာကို ချန်ထားတတ်ကြပါ၏။ 15အကျွန်ုပ်မူကား ဖြောင့်မတ်ခြင်းကြောင့် ကိုယ်တော်၏မျက်နှာတော်ကို ဖူးမြော်ရပါလိမ့်မည်။ အကျွန်ုပ် အိပ်ရာမှနိုးထသောအခါ၌ ကိုယ်တော်သည် အကျွန်ုပ်နှင့်အတူ ရှိတော်မူသဖြင့် ရွှင်လမ်းဝမ်းမြောက်ရပါလိမ့်မည်။
Currently Selected:
Psalms 17: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
