Psalms 149
149
1ဘုရားရှင်အားချီးမွမ်းလော့။ ဘုရားရှင်ထံသို့ သီချင်းအသစ်ကို သီဆိုကြလော့။ သစ္စာစောင့်သိသူတို့၏အစုအဝေး၌ အရှင်၏ဂုဏ်ကျေးဇူးတော်ကို ချီးမွမ်းကြလော့။ 2အစ္စရေးလူမျိုးသည် မိမိကို ဖန်ဆင်းသော အရှင်၌ ဝမ်းမြောက်ပါစေ။ ဇိအုန်သားသမီးတို့သည် မိမိတို့၏ရှင်ဘုရင်ရွှင်လန်းကြပါစေ။ 3သူတို့သည် ကခုန်လျက် အရှင်၏နာမတော်ကို ချီးမွမ်းကြပါစေ။ ပတ်သာနှင့် စောင်းကိုတီး၍ အရှင်ကို သီဆိုချီးမွမ်းကြပါစေ။ 4အကြောင်းမူကား ဘုရားရှင်သည် မိမိ၏လူမျိုးတော်တို့ကို နှစ်သက်တော်မူ၏။ အရှင်သည် စိတ်နှိမ့်ချသောသူတို့ကို ကယ်တင်ခြင်းနှင့်တင့်တယ်စေတော်မူ၏။ 5သစ္စာစောင့်သိသူတို့သည် ဘုန်းကျက်သရေတော်၌ ရွှင်မြူးကြပါစေ။ မိမိတို့၏ အိပ်ရာပေါ်၌ ရွှင်လန်းစွာသီချင်းဆိုကြပါစေ။ 6သူတို့၏နှုတ်၌ ဘုရားရှင်အားချီးမွမ်းခြင်းရှိကြပါစေ။ သူတို့၏လက်၌လည်း အသွားနှစ်ဖက်ပါသော သန်လျက်ကို ကိုင်ထားကြပါစေ။ 7သူတို့သည် တိုင်းနိုင်ငံများကို လက်တုံ့ပြန်ခြင်းနှင့် လူတို့ကို ဆုံးမခြင်းအမှုတို့ကို ပြုရန်လည်းကောင်း၊ 8ထိုသူတို့၏ရှင်ဘုရင်များကို သံကြိုးဖြင့် ချည်နှောင်၍ ထိုသူတို့ထဲမှဂုဏ်ကျက်သရေရှိပုဂ္ဂိုလ်များကို သံခြေချင်းခတ်ရန်လည်းကောင်း၊ 9ရေးသားထားသော တရားစီရင်ချက်ကို ထိုသူတို့အပေါ်သက်ရောက်စေရန်လည်းကောင်းဖြစ်၏။ ဤသည်ကား အရှင်၏သစ္စာစောင့်သိသူအပေါင်းတို့၌ရှိသော ခန့်ညားထည်ဝါမှုဖြစ်၏။ ဘုရားရှင်အား ချီးမွမ်းကြလော့။
Currently Selected:
Psalms 149: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
