Psalms 145
145
1အကျွန်ုပ်၏ဘုရားရှင်၊ အကျွန်ုပ်၏ဘုရားရှင်၊ ကိုယ်တော်ကို အကျွန်ုပ်ချီးမြောက်ပါမည်။ ကိုယ်တော်၏နာမတော်ကို ကာလအစဉ်အဆက် ကောင်းချီးထောမနာပြုပါမည်။ 2အကျွန်ုပ်သည် ကိုယ်တော်ကို နေ့စဉ်နေ့တိုင်းကောင်းချီးထောမနာပြု၍ ကိုယ်တော်၏နာမတော်ကို ကာလအစဉ်အဆက်ချီးမွမ်းပါမည်။ 3ဘရားရှင်သည် ကြီးမြတ်တော်မူ၍ အလွန်ချီးမွမ်းဖွယ်ဖြစ်တော်မူ၏။ ကိုယ်တော်၏ကြီးမြတ်တော်မူခြင်းကို စူစမ်း၍မကုန်နိုင်။ 4မျိုးဆက်တစ်ဆက်တည်းသည် နောက်မျိုးဆက်တစ်ဆက်အား ကိုယ်တော်ပြုတော်မူသောအမှုတို့ကို ထောမနာပြုပြောဆိုပါလိမ့်မည်။ ကိုယ်တော်၏အစွမ်းတန်ခိုးတော်များအကြောင်းကိုလည်း ပြောကြားပါလိမ့်မည်။ 5အကျွန်ုပ်သည် ကိုယ်တော်၏ဘုန်းကျက်သရေနှင့်ဆိုင်သည့် ဘုန်းအသရေခန့်ညားထည်ဝါမှုကို လည်းကောင်း၊ ကိုယ်တော်၏အံ့ဖွယ်သောအမှုတို့ကိုလည်းကောင်း ဆင်ခြင်အောက်မေ့ပါမည်။ 6သူတို့သည် ကိုယ်တော်၏အံ့ဩဖွယ်ကောင်းသော တန်ခိုးတော်အကြောင်းကို ပြောဆိုကြပါလိမ့်မည်။ အကျွန်ုပ်သည်လည်း ကိုယ်တော်၏ ကြီးမြတ်တော်မူခြင်းအကြောင်းကို ပြောကြားပါမည်။ 7သူတို့သည် ကိုယ်တော်၏ကြွယ်ဝသော ကောင်းမြတ်ခြင်းနှင့်ဆိုင်သည့် အောက်မေ့စရာကို မြွက်ဆို၍ ကိုယ်တော်၏ဖြောင့်မတ်ခြင်းအကြောင်းကို ရွှင်လန်းစွာသီချင်းဆိုကြပါလိမ့်မည်။ 8ဘုရားရှင်သည် ကျေးဇူးပြတတ်သောသဘော၊ သနားစုံမက်တတ်သောသဘောရှိတော်မူ၏။ စိတ်ရှည်၍ မေတ္တာကရုဏာကြီးမားတော်မူ၏။ 9ဘုရားရှင်သည် အရာခပ်သိမ်းတို့အပေါ် ကောင်းမြတ်တော်မူ၏။ မိမိပြုလုပ်ဖန်ဆင်းသော အရာအားလုံးကိုလည်း သနားစုံဖက်တော်မူ၏။ 10အိုဘုရားရှင်၊ ကိုယ်တော်ဖန်ဆင်းသမျှသောအရာအားလုံးသည် ကိုယ်တော်၏ကျေးဇူးတော်ကို ချီးမွမ်းကြပါလိမ့်မည်။ ကိုယ်တော်၏ မြင့်မြတ်သူအပေါင်းတို့သည်လည်း ကိုယ်တော်ကို ကောင်းချီးထောမနာပြုကြပါလိမ့်မည်။ 11သူတို့သည် ကိုယ်တော်သာသနာတော်၏ ဘုန်းအသေရေတော်အကြောင်းကို ပြောဆိုကြပါလိမ့်မည်။ ကိုယ်တော်၏အစွမ်းတန်ခိုးတော်အကြောင်းကိုလည်း မြွက်ဆိုကြပါလိမ့်မည်။ 12ဤသို့ဖြင့် ကိုယ်တော်၏အစွမ်းတန်ခိုးတော်များနှင့် ကိုယ်တော့်သာသနာတော်၏ ဘုန်းအသရေခန့်ညားထည်ဝါမှုကို လူသားတို့အား သိမြင်စေကြပါလိမ့်မည်။ 13ကိုယ်တော်၏ သာသနာတော်သည် အစဉ်အမြဲတည်တံ့ပါ၏။ ကိုယ်တော်၏အုပ်စိုးမှုသည်လည်း မျိုးဆက်အစဉ်အဆက်တည်ပါ၏။ 14ဘုရားရှင်သည် လဲကျသောသူရှိသမျှတို့ကို ထောက်မ၍ ကိုင်းညွတ်နိမ့်ကျနေသော သူအပေါင်းတို့ကို ထူမတော်မူ၏။ 15လူအပေါင်းတို့သည် ကိုယ်တော်ကိုမျှော်ကြည့်ကြပါ၏။ ကိုယ်တော်သည်အချိန်တန်လျှင် သူတို့အား အစားအစာကိုပေးတော်မူပါ၏။ 16လက်တော်ကိုဖွင့်၍ သက်ရှိသတ္တဝါအပေါင်းတို့၏အလိုကို ပြည့်စုံကြွယ်ဝစေတော်မူ၏။ 17ဘုရားရှင်သည် မိမိ၏လမ်းတော်ရှိသမျှတို့၌ ဖြောင့်မတ်၍ မိမိပြုတော်မူသောအမှုရှိသမျှတို့၌ သစ္စာရှိတော်မူ၏။ 18ဘုရားရှင်သည် မိမိကိုခေါ်သောသူအားလုံး၊ သမ္မာတရားနှင့်အညီ မိမိကိုယ်ခေါ်သောသူအားလုံး၏ အနီးတွင်ရှိတော်မူ၏။ 19ကိုယ်တော်သည် မိမိကိုကြောက်ရွံ့သောသူတို့၏ အလိုကို ပြည့်စုံစေတော်မူ၏။ သူတို့၏အော်ဟစ်သံကိုလည်းကြား၍ သူတို့ကိုကယ်တင်တော်မူ၏။ 20ဘုရားရှင်သည် မိမိကိုချစ်သောသူအပေါင်းတို့ကို စောင့်ရှောက်တော်မူ၏။ ဆိုးယုတ်သောသူအပေါင်းတို့ကိုကား ဖျက်စီးတော်မူလိမ့်မည်။ 21ငါ၏နုတ်သည် ထာဝရဘုရား၏ဂုဏ်ကျေးဇူးတော်ကိုမြွက်ဆိုမည်။ သတ္တဝါအပေါင်းတို့သသည် ကိုယ်တော်၏ သန့်ရှင်းသောနာမတော်ကို ကာလအစဉ်အဆက် ကောင်းချီးထောမနာပြောကြပါစေ။
Currently Selected:
Psalms 145: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
