Psalms 139
139
1အို ဘုရားရှင်၊ ကိုယ်တော်သည် အကျွန်ုပ်ကိုစစ်ကြော၍ သိတော်မူ၏။ 2အကျွန်ုပ်တို့၏ထိုင်ခြင်းနှင့် ထခြင်းကို သိတော်မူ၏။ အကျွန်ုပ်၏အတွေးအကြံကို အဝေးကပင် သိနားလည်တော်မူ၏။ 3အကျွန်ုပ်၏သွားလာခြင်းနှင့် အိပ်စက်နာနေခြင်းကို ခွဲခြားသိမြင်တော်မူ၏။ အကျွန်ုပ်၏လမ်းခရီးရှိသမျှတို့နှင့်လည်း ကျွမ်းဝင်တော်မူ၏။ 4အကျွန်ုပ်၏နှုတ်၌ စကားတစ်ခွန်းမျှမရှိသော်လည်း အို ဘုရားရှင်၊ ထိုစကားအလုံးစုံတို့ကို ကိုယ်တော်သိတော်မူ၏။ 5ကိုယ်တော်သည် အကျွန်ုပ်ကိုရှေ့နောက်မှကာဆီးပေး၍ အကျွန်ုပ်အပေါ်၌ လက်တော်ကိုတင်တော်မူ၏။ 6ထိုသို့သော အသိပညာသည် အကျွန်ုပ်အတွက် အံ့ဩဖွယ်ကောင်းလွန်းပါ၏။ မြင့်မားလှသည်ဖြစ်၍ အကျွန်ုပ်မမီနိုင်ပါ။ 7ကိုယ်တော်၏ဝိဉာာဉ်တော်မှလွှတ်ရန် မည်သည့်အရပ်သို့ အကျွန်ုပ်သွားနိုင်ပါမည်နည်း။ ကိုယ်တော်၏ရှေ့တော်မှောက်မှ လွန်ရန် မည်သည့်အရပ်သို့ အကျွန်ုပ်ထွက်ပြေးနိုင်ပါမည်နည်း။ 8အကျွန်ုပ်သည် ကောင်းကင်သို့တက်လျှင် ထိုအရပ် ကိုယ်တော်ရှိတော်မူ၏။ မရာဏနိုင်ငံ၌ အိပ်ရာခင်းလျှင်လည်း ထိုအရပ်၌ ကိုယ်တော်ရှိတော်မူ၏။ 9အာရုံဦး၏တောင်ပံတို့ကိုဆောင်ယူလျက် သမုဒ္ဒရာ၏အစွန်အဖျား၌ နေထိုင်လျှင်လည်း 10ထိုအရပ်၌ ကိုယ်တော်၏လက်တော်သည် အကျွန်ု့ပ်ကိုပိုဆောင်လျက်၊ ကိုယ်တော်၏လက်ယာလက်တော်သည် အကျွန်ုပ်ကိုဆွဲကိုလျက်ရှိပါလိမ့်မည်။ 11"အမှန်တကယ်ပင် အမှောင်သည် အကျွန်ုပ်ကိုဖုံးလွှမ်း၍ အကျွန်ုပ်ကိုဝန်းရုံထားသောအလင်းသည် ညဖြစ်သွားလိမ့်မည်" ဟု အကျွန်ုပ်ဆိုလျှင်လည်း 12ကိုယ်တော်အတွက် အမှောင်သည် မမှောင်ပါ။ ညသည် နေကဲ့သို့လင်းပါ၏။ မှောင်မည်းခြင်းသည်လည်း အလင်းကဲ့သို့ဖြစ်ပါ၏။ 13အကြောင်းမူကား ကိုယ်တော်သည် အကျွန်ုပ်၏ကိုယ်တော်ခန္ဓာအတွင်းပိုင်းတို့ကို ဖန်ဆင်း၍ အမိဝမ်းတွင်း၌ အကျွန်ုပ်ကိုဆက်စပ်ဖွဲ့စည်းတော်မူ၏။ 14အကျွန်ုပ်တို့ကို ကြောက်ရွံ့အံဩဖွယ်ကောင်းသော လက္ခဏာတို့ဖြင့် ဖန်ဆင်းတော်မူသည်ဖြစ်၍ ကိုယ်တော်၏ကျေးဇူးတော်ကိုချီးမွမ်းပါ၏။ ကိုယ်တော်ပြုတော်မူသောအမှုတို့သည် အံ့ဩဖွယ်ဖြစ်ကြောင်းကို အကျွန်ုပ်၏စိတ်ဝိဉာာဉ်သည် ကောင်းစွာသိပါ၏။ 15အကျွန်ုပ်ကို မထင်ရှာသောအရပ်၌ဖန်ဆင်း၍ မြေကြီး၏နက်သောအရပ်၌ ယှက်ဖွဲ့တော်မူသောအခါ အကျွန်ုပ်၏ကိုယ်ထည်အကြမ်းသည် ကိုယ်တော်၏ရှေ့တော်၌ ကွယ်ဝှက်၍မနေပါ။ 16ကိုယ်တော်၏မျက်စိတော်သည် ရုပ်လုံးမပေါ်သေးသောအကျွန်ုပ်၏ ကိုယ်ခန္ဓာကိုမြင်တော်မူ၏။ အကျွန်ုပ်အတွက် စီမံထားသောနေ့ရက်များ တစ်ရက်မျှမရှိမီကပင် ၎င်းတို့ကို ကိုယ်တော်၏စာစောင်၌ အကုန်အစင်ရေးသားထားပြီးဖြစ်ပါ၏။ 17အို ဘုရားရှင်၊ ကိုယ်တော်၏ အတွေးအကြံတို့သည် အကျွန်ုပ်အတွက်တန်ဘိုးကြီးလှပါ၏။ ၎င်းတို့အားလုံး၏ပမာဏသည် များပြားလှပါ၏။ 18ထိုအတွေးအကြံတိုကို ရေတွက်မည်ဆိုလျှင် သဲပွင့်များထက်မက များပြားကြပါလိမ့်မည်။ အကျွန်ုပ်နိုးလာသောအခါ ကိုယ်တော်နှင့်အတူ ဆက်၍ရှိနေဦးမည်။ 19အို ဘုရားရှင်၊ ဆိုးယုတ်သောသူတို့ကို ကိုယ်တော်ကွပ်မျက်တော်မူလျှင် ကောင်းပေလိမ့်မည်။ သွေးဆာသောသူတို့၊ ငါ့ထံမှထွက်သွားကြလော့။ 20ထိုသူတို့သည် ကောက်ကျစ်သောသဘောဖြင့် ကိုယ်တော်ကို ဆန့်ကျင်ပြောဆိုကြပါ၏။ ကိုယ်တော်၏ရန်သူတို့သည် နာမတော်ကိုအလွဲသုံးစားပြုကြပါ၏။ 21အို ဘုရားရှင်၊ ကိုယ်တော်ကိုမုန်းသောသူတို့ကို အကျွန်ုပ်မုန်းသည်မဟုတ်လော။ ကိုယ်တော်ကိုဆန့်ကျင်သောသူတို့ကိုလည်း အကျွန်ုပ်စက်ဆုပ်သည်မဟုတ်လော 22အကျွန်ုပ်သည် သူတို့ကို အမုန်းကြီးမုန်းပါ၏။ အကျွန်ုပ်၏ရန်သူများအဖြစ် မှတ်ယူပါ၏။ 23အို ဘုရားရှင်၊ အကျွန်ုပ်ကို စစ်ကြော၍ အကျွန်ုပ်၏စိတ်နှလုံးကို သိမြင်တော်မူပါ။ အကျွန်ုပ်ကိုစစ်ဆေး၍ အကျွန်ုပ်၏ စိုရိမ်ပူပန်မှုတို့ကို သိမြင်တော်မူပါ။ 24အကျွန်ုပ်သည် မှာယွင်းသောလမ်းသို့လိုက်သည်၊ မလိုက်သည်ကို ကြည့်ရှု၍ အကျွန်ုပ်ကို ထာဝရလမ်းသို့ ပို့ဆောင်တော်မူပါ။
Currently Selected:
Psalms 139: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
