Psalms 118
118
1ဘုရားရှင်၏ကျေးဇူးတော်ကို ချီးမွမ်းကြလော့။ အကြောင်းမူကား "ကိုယ်တော်သည် ကောင်းမြတ်တော်မူ၍ ကိုယ်တော်၏မေတ္တာကရုဏာတော်သည် အစဉ်အမြဲတည်၏။ 2ကိုယ်တော်၏ မေတဂရုဏာတော်သည် အစဉ်အမြဲတည်ကြောင်း အစ္စရေးအမျိုးသည် ဝန်ခံပါစေ။ 3ကိုယ်တော်၏ မေတ္တာကရုဏာတော်သည် အစဉ်အမြဲတည်ကြောင်း အာရုန်၏အမျိုးအနွယ်သည် ဝန်ခံပါ၏။ 4ကိုယ်တော်၏ မေတ္တာကရုဏာတော်သည် အစဉ်အမြဲတည်ကြောင်း ဘုရားရှင်ကို ကြောက်ရွံသောသူတို့သည် ဝန်ခံကြပါစေ။ 5ငါသည် ပြင်းထန်သောဝေဒနာထဲမှ ဘုရားရှင်ကိုခေါ်၏။ ဘုရားရှင်သည် ငါ့ကိုထူးတော်မူပြီး ကျယ်ဝန်းသောအရပ်၌ ထားတော်မူ၏။ 6ထာဝရဘုရားသည် ငါ့ဘက်၌ရှိတော်မူ၏။ ငါသည်ကြောက်ရွံမည်မဟုတ်။ လူသည် ငါ့ကိုမည်သို့ပြုနိုင်မည်နည်း။ 7ဘုရားရှင်သည် ငါ့ကိုကူညီမစသော အရှင်အဖြစ် ငါ့ဘက်၌ရှိတော်မူသည်ဖြစ် ငါ့ကိုမုန်းသောသူတို့ကို အပေါ်စီးမှ ငါကြည့်မြင်ရ၏။ 8ဘုရားရှင်ထံ ခိုလှုံခြင်းသည် လူကိုကိုးစားခြင်းထက် ပို၍ကောင်း၏။ 9ဘုရားရှင်ထံခိုလှုံခြင်းသည် မင်အရာရှိတို့ကို ကိုးစားခြင်းထက်ပို၍ ကောင်း၏။ 10လူမျိုးအပေါင်းတို့သည် ငါ့ကိုဝိုင်းရံထားကြ၏။ ငါသည် ထာဝရဘုရား၏နာမတော်အားဖြင့် သူတို့ကို မုချသုတ်သင်ရှင်လင်းပစ်မည်။ 11သူတို့သည် ငါ့ကိုဝိုင်းရံထားကြ၏။ အမှန်တစ်ကယ်ပင် သူတို့သည် ငါ့ကိုဝိုင်းရံထားကြ၏။ ငါသည် ဘုရားရှင်၏နာမတော်အားဖြင့် သူတို့ကို မုချဖြတ်ပယ်ရှင်းလင်းမည်။ 12သူတို့သည် ပျားများကဲ့သို့ ငါ့ကိုဝိုင်းရံထားကြသော်လည်း ဆူပင်ကိုလောင်သောမီးကဲ့သို့ ငြိမ်းသွားကြ၏။ ငါသည် ဘုရားရှင်၏နာမတော်အားဖြင့် သူတို့ကို မုချဖတ်ပယ်ရှင်းလင်းမည်။ 13သင်သည် ငါ့ကိုလဲစေရန် ကြမ်းတမ်းစွာတွန်းချသော်လည်း ဘုရားရှင်သည် ငါ့ကိုကူညီမတော်မူ၏။ 14ဘုရားရှင်သည် ငါ၏ခွန်အားနှင့် တေးသီချင်း၊ ငါ့ကိုကယ်တင်သောအရှင်ဖြစ်တော်မူ၏။ 15ဖြောင့်မတ်သောသူတို့၏ တဲများ၌ ရွှင်လန်းစွာကြွေးကြော်ခြင်းအသံနှင့် ကယ်တင်ခြင်းအသံရှိ၏။ ဘုရားရှင်၏လက်တော်သည် တန်ခိုးကြီးသောအမှုကိုပြုတော်မူ၏။ 16ဘုရားရှင်၏လက်ယာတော်သည် ချီးမြောက်ခြင်းရှိ၏။ ဘုရားရှင်၏လက်ယာတော်သည် တန်ခိုးကြီးသောအမှုကိုပြုတော်မူ၏။ 17ငါမသေရသေးဘဲ အသက်ရှင်လျက် ဘုရားရှင်ပြုတော်မူသောအမှုတို့ကို ပြောကြားဦးမည်။ 18ဘုရားရှင်သည် ငါ့ကိုပြင်ထန်စွာပဲ့ပြင်သော်လည်း သေခြင်းလက်သို့ ငါ့ကိုအပ်တော်မမူခဲ့ပေ။ 19ဖြောက်မတ်ခြင်းတံခါးတို့ကို ငါ့အတွက်ဖွင့်ပေးကြလော့။ ငါသည် ထိုတံခါးတို့မှဝင်၍ ဘုရားရှင်၏ကျေးဇူးတော်ကို ချီးမွမ်းပါမည်။ 20ဤတံခါးသည် ဘုရားရှင်၏တံခါးဖြစ်၏။ ဖြောင့်မတ်သောသူတို့သည် တံခါးမှ ဝင်ကြလိမ့်မည်။ 21ကိုယ်တော်သည် အကျွန်ုပ်ကိုထူတော်မူ၍ အကျွန်ုပ်ကိုကယ်တင်သောအရှင်ဖြစ်တော်မူသောကြောင့် ကိုယ်တော်၏ ကျေးဇူးတော်ကို ချီးမွမ်းပါ၏။ 22တိုက်ဆောက်သူများပယ်ထားသောက်ကျောက်သည် ထိပ်ဆုံးထောင့်ချုပ်ကျောက်ဖြစ်လာ၏။ 23ဤအမှုသည် ဘုရားရှင်အားဖြင့် ဖြစ်လာ၍ ငါတို့၏ရှေ့၌ပင် အံ့ဩဖွယ်ရာများဖြစ်၏။ 24ဤနေ့ရက်သည် ဘုရားစီရင်တော်မူသောနေ့ရက်ဖြစ်၏။ ဤနေ့ရက်၌ ငါတို့သည် ရွှင်လန်း၍ ဝမ်းမြောက်ကြပါစို့။ 25အို... ဘုရားရှင်၊ ကယ်တင်တော်မူပါ။ အို... ဘုရားရှင်၊ အောင်မြင်ခွင့်ပေးတော်မူပါ။ 26ဘုရားရှင်၏ အမည်နာမတော်၌ ကြွလာတော်မူသောအရှင်သည် မင်္ဂလာရှိစေသတည်း။ အကွန်ုပ်တို့သည် ကိုယ်တော်ကို ဘုရားရှင်၏အိမ်တော်ထဲမှာ ကောင်းချီးထောမနာပြုကြပါ၏။ 27ကျွန်ုပ်တို့၏ အရှင်သည် ဘုရားရှင်ဖြစ်တော်မူ၏။ ငါတို့အား အလင်ကိုလည်းပေးတော်မူ၏။ ပွဲတော်ပူဇော်သက္ကာကို ပူဇော်ရာပလ္လင်၏ ဦးချို၌ ကြိုးနှင့်ချည်ထားကြလော့ 28ကိုယ်တော်သည် အကျွန်ုပ်၏ ဘုရားရှင်ဖြစ်တော်မူ၍ အကျွန်ုပ်သည် ကိုယ်တော်၏ကျေးဇူးတော်ကို ချီးမွမ်းပါမည်။ ကိုယ်တော်သည် အကျွန်ုပ်၏ ဘုရားရှင်ဖြစ်တော်မူ၍ ကိုယ်တော်ကို အကျွန်ုပ်ချီမြှောက်ပါမည်။ 29ဘုရားရှင်၏ကျေးဇူးတော်ကို ချီးမွမ်းကြလော့။ အကြောင်းမူကား ကိုယ်တော်သည် ကောင်းမြတ်တော်မူ၍ ကိုယ်တော်၏ မေတ္တာဂရုဏာတော်သည် အစဉ်အမြဲတည်၏။
Currently Selected:
Psalms 118: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
