2 Timothy 2
2
1သို့ဖြစ်၍ ငါ့သား၊ သင်သည် ယေရှုခရစ်တော်၌ရှိသော ကျေးဇူးတော်အားဖြင့် ခွန်အားရှိစေလော့။ 2ထိုပြင်များစွာသောမျက်မြင်သက်သေတို့ရှေ့၌ ငါဆိုသောအရာတို့ကို သင်ကြားသိရပြီ။ အခြားသူတို့အား သွန်သင်နိုင်စွမ်းရှိသည့် စိတ်ချယုံကြည်ရသူတို့ထံအပ်နှံလော့။ 3သင်သည် ကိုယ်တော်ယေရှု၏စစ်သည်တော်ကောင်းတို့ကဲ့သို့ ဆင်းရဲဒုက္ခကိုသည်းခံလော့။ 4စစ်သည်တော်သည်ကား မိမိအားအမိန့်ပေးသောတပ်မှူး၏နှစ်သက်မှုကို ရစေရန် အရပ်သားတို့နှင့်သက်ဆိုင်သောအမှုကိစ္စတို့တွင် ပါဝင်ပတ်သက်ခြင်းမပြုတတ်ပေ။ 5ထိုနည်းတူ မည်သူမဆို အားကစားပြိုင်ပွဲကို ယှဉ်ပြိုင်သောအခါ စည်းမျဉ်းစည်းကမ်းနှင့်အညီ မယှဉ်ပြိုင်ပါက အောင်မြင်ခြင်းသရဖူကို ရလိမ့်မည်မဟုတ်။ 6အလုပ်ကို ကြိုးစားပမ်းစားလုပ်သောလယ်သမားသည် အသီးအနှံမှရသောဝေစုကို ဦးစွာရသင့်၏။ 7ငါပြောသောစကားကိုဆင်ခြင်လော့။ အကြောင်းမူကား အရှင်သည် ဤအရာခပ်သိမ်းအား ထိုးထွင်းသိမြင်နိုင်သောဉာဏ်ကို သင့်အားပေးသနားတော်မူလိမ့်မည်ဖြစ်၏။ 8ငါဟောသောမင်္ဂလာသတင်းကောင်းအတိုင်း ဘုရင်ဒါဝိဒ်မျိုးဆက်မှဆင်းသက်လာသည့် သေရာမှအသက်ပြန်ရှင်တော်မူသော ကိုယ်တော်ယေရှုကို အောက်မေ့သတိရကြလော့။ 9အကြောင်းမူကား ငါသည်လူဆိုးကဲ့သို့ ချည်နှောင်ခြင်းခံရသည့်တိုင်အောင် ဆင်းရဲဒုက္ခကိုခံရ၏။ သို့သော် ဘုရားရှင်၏နှုတ်ကပတ်တော်သည် ချည်နှောင်ခြင်းနှင့်ကင်းလွတ်၏။ 10ထိုကြောင့်ရွေးကောက်တော်မူသော သူတို့အတွက် နိစ္စထာဝရ ဘုန်းတန်ခိုးတော်နှင့်တကွ ယေရှုခရစ်တော်အားဖြင့် ကယ်တင်ခြင်းခံရရန်အလို့ငှာ သူတို့အတွက်အရာရာကို ငါသည်းခံရ၏။ 11ဤသည်ကားသစ္စာစကားဖြစ်၏။ ငါတို့သည် ထိုအရှင်နှင့်အတူသေလျှင် အတူအသက်ပြန်ရှင်လိမ့်မည်။ 12ငါတို့သည် သည်းခံလျှင်၊ ထိုအရှင်နှင့်အတူ အုပ်စိုးရလိမ့်မည်။ ထိုအရှင်ကို ငါတို့သည် ငြင်းပယ်လျှင် ထိုအရှင်သည်လည်း ငါတို့ကို ငြင်းပယ်တော်မူလိမ့်မည်။ 13ငါတို့သည်သစ္စာမရှိလျှင်လည်း ထိုသခင်သည် မိမိကိုယ်ကိုမငြင်းပယ်နိုင်သဖြင့် သစ္စာတည်လိမ့်မည်။ 14ဤအကြောင်းအရာများကို သူတို့အား သတိပေးလော့။ မည်သည့်အကျိုးမျှမရှိဘဲ ကြားနာသောသူတို့ကို ပျက်စီးစေသည့်စကားလုံးများကြောင့် ငြင်းခုံခြင်းကို မပြုကြရန် ဘုရားရှင်ရှေ့၌ သတိပေးလော့။ 15သင်သည် သမ္မာတရားတော်ကို မှန်ကန်စွာပိုင်းခြားတတ်သည့် ရှက်ကြောက်ရန်မလိုသော အမှုတော်ဆောင်အနေဖြင့် စိတ်ချယုံကြည်ရသောသူအဖြစ် ဘုရားရှင်လက်ခံစေရန် မိမိကိုယ်ကိုဆက်သနိုင်ရန် ကြိုးစားလော့။ 16ဘုရားတရားနှင့်မဆိုင်သော အချည်းနှီးစကားကို ရှောင်လော့။ အကြောင်းမူကား ထိုစကားတို့သည် ဘုရားတရားနှင့် ပိုမိုဝေးကွာစေသောကြောင့်ဖြစ်၏။ 17သူတို့၏သွန်သင်မှုတို့သည် အသားပုပ်သကဲ့သို့ ပျံ့နှံ့သွားလိမ့်မည်။ ထိုသူတို့တွင် ဟုမေနဲနှင့်ဖိလက်တို့လည်းပါ၏။ 18သူတို့က သမ္မာတရားလမ်းမှ လွဲချော်လျက် သေသူတို့သည် အသက်ပြန်ရှင်ကြပြီဆိုကာ အချို့သောသူတို့၏ ယုံကြည်ခြင်းကို ဖျက်ဆီးခဲ့ကြ၏။ 19သို့သော်ငြား ဘုရားရှင်၏အုတ်မြစ်သည်ခိုင်ခံ့တော်မူလျက် ထိုအုတ်မြစ်တွင် “အရှင်သည် မိမိ၏လူတို့အား သိတော်မူ၏” ဟူ၍လည်းကောင်း၊ “အရှင်၏နာမတော်ကို ဝန်ခံသောသူတိုင်းသည် ဆိုးညစ်သောအမှုတို့မှရှောင်ရမည်” ဟူ၍လည်းကောင်း တံဆိပ်ခတ်ထား၏။ 20ကြီးစွာသောအိမ်၌ ရွှေ၊ ငွေဖြင့်ပြုလုပ်ထားသောအိုးခွက် သာသည်မက သစ်သား၊ မြေကြီးတို့ဖြင့်ပြုလုပ်ထားသောအိုးခွက်တို့လည်းရှိ၏။ အချို့ကို ဂုဏ်ကျက်သရေရှိသောအရာတို့အတွက်သုံးပြီး အချို့ကို ဂုဏ်ကျက်သရေမရှိသော အရာတို့အတွက် သုံး၏။ 21သို့ဖြစ်၍ အထက်ဆိုခဲ့ပြီးသောအကျင့်တို့ကို ပယ်၍ မိမိကိုယ်ကို စင်ကြယ်စေသောသူမည်သည်မဆိုသည် ဂုဏ်ကျက်သရေရှိသောအရာအတွက် သုံးသောအိုးခွက်၊ မြင့်မြတ်၍ သခင်အတွက် သုံးစရာကောင်းသောအိုးခွက်၊ ကောင်းသော အမှုအားလုံးအတွက် ပြင်ဆင်သောအိုးခွက် ဖြစ်လိမ့်မည်။ 22လူပျိုတို့၏ တပ်မက်ခြင်း ကိလေသာစိတ်ကို ကြဉ်ရှောင်လော့။ စင်ကြယ်သောစိတ်ဖြင့် အရှင်ကိုဝတ်ပြုကိုးကွယ်သူတို့နှင့်အတူ ဖြောင့်မတ်ခြင်း၊ သစ္စာရှိခြင်း၊ ချစ်ခြင်းမေတ္တာနှင့် ငြိမ်ဝမ်ခြင်းတို့ကိုရှာကြလော့။ 23မိုက်မဲ၍ ပညာကင်းမဲ့သောအငြင်းပွားမှုတို့သည် ရန်ပွါးစေတတ်သည်ဟု သိမှတ်၍ရှောင်ရှားလော့။ 24အရှင်၏ အစေခံသည် ခိုက်ရန်မဖြစ်ရ။ ခပ်သိမ်းသော သူတို့အား သနားတတ်၍ သွန်သင်ပေးနိုင်စွမ်းရှိသူ၊ သည်းခံနိုင်သောသူဖြစ်ရမည်။ 25မိမိအားဆန့်ကျင်သူတို့ကို နူးညံ့သိမ်မွေ့စွာ ဆုံးမသူဖြစ်ရမည်။ ဘုရားရှင်သည် သူတို့အား နောင်တရ၍ သမ္မာတရားကို သိရှိလာနိုင်ခွင့်ကိုပေးတော်မူလိမ့်မည်။ 26ထိုအခါ မာရ်နတ်၏ အလိုအတိုင်း ပြုစေရန် သူတို့ကိုဖမ်းဆီးထားသော်လည်း သူတို့သည် မာရ်နတ်၏ကျော့ကွင်းမှ လွတ်မြောက်၍ အမြင်မှန်ရကောင်းရကြလိမ့်မည်။
Currently Selected:
2 Timothy 2: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
2 Timothy 2
2
1သို့ဖြစ်၍ ငါ့သား၊ သင်သည် ယေရှုခရစ်တော်၌ရှိသော ကျေးဇူးတော်အားဖြင့် ခွန်အားရှိစေလော့။ 2ထိုပြင်များစွာသောမျက်မြင်သက်သေတို့ရှေ့၌ ငါဆိုသောအရာတို့ကို သင်ကြားသိရပြီ။ အခြားသူတို့အား သွန်သင်နိုင်စွမ်းရှိသည့် စိတ်ချယုံကြည်ရသူတို့ထံအပ်နှံလော့။ 3သင်သည် ကိုယ်တော်ယေရှု၏စစ်သည်တော်ကောင်းတို့ကဲ့သို့ ဆင်းရဲဒုက္ခကိုသည်းခံလော့။ 4စစ်သည်တော်သည်ကား မိမိအားအမိန့်ပေးသောတပ်မှူး၏နှစ်သက်မှုကို ရစေရန် အရပ်သားတို့နှင့်သက်ဆိုင်သောအမှုကိစ္စတို့တွင် ပါဝင်ပတ်သက်ခြင်းမပြုတတ်ပေ။ 5ထိုနည်းတူ မည်သူမဆို အားကစားပြိုင်ပွဲကို ယှဉ်ပြိုင်သောအခါ စည်းမျဉ်းစည်းကမ်းနှင့်အညီ မယှဉ်ပြိုင်ပါက အောင်မြင်ခြင်းသရဖူကို ရလိမ့်မည်မဟုတ်။ 6အလုပ်ကို ကြိုးစားပမ်းစားလုပ်သောလယ်သမားသည် အသီးအနှံမှရသောဝေစုကို ဦးစွာရသင့်၏။ 7ငါပြောသောစကားကိုဆင်ခြင်လော့။ အကြောင်းမူကား အရှင်သည် ဤအရာခပ်သိမ်းအား ထိုးထွင်းသိမြင်နိုင်သောဉာဏ်ကို သင့်အားပေးသနားတော်မူလိမ့်မည်ဖြစ်၏။ 8ငါဟောသောမင်္ဂလာသတင်းကောင်းအတိုင်း ဘုရင်ဒါဝိဒ်မျိုးဆက်မှဆင်းသက်လာသည့် သေရာမှအသက်ပြန်ရှင်တော်မူသော ကိုယ်တော်ယေရှုကို အောက်မေ့သတိရကြလော့။ 9အကြောင်းမူကား ငါသည်လူဆိုးကဲ့သို့ ချည်နှောင်ခြင်းခံရသည့်တိုင်အောင် ဆင်းရဲဒုက္ခကိုခံရ၏။ သို့သော် ဘုရားရှင်၏နှုတ်ကပတ်တော်သည် ချည်နှောင်ခြင်းနှင့်ကင်းလွတ်၏။ 10ထိုကြောင့်ရွေးကောက်တော်မူသော သူတို့အတွက် နိစ္စထာဝရ ဘုန်းတန်ခိုးတော်နှင့်တကွ ယေရှုခရစ်တော်အားဖြင့် ကယ်တင်ခြင်းခံရရန်အလို့ငှာ သူတို့အတွက်အရာရာကို ငါသည်းခံရ၏။ 11ဤသည်ကားသစ္စာစကားဖြစ်၏။ ငါတို့သည် ထိုအရှင်နှင့်အတူသေလျှင် အတူအသက်ပြန်ရှင်လိမ့်မည်။ 12ငါတို့သည် သည်းခံလျှင်၊ ထိုအရှင်နှင့်အတူ အုပ်စိုးရလိမ့်မည်။ ထိုအရှင်ကို ငါတို့သည် ငြင်းပယ်လျှင် ထိုအရှင်သည်လည်း ငါတို့ကို ငြင်းပယ်တော်မူလိမ့်မည်။ 13ငါတို့သည်သစ္စာမရှိလျှင်လည်း ထိုသခင်သည် မိမိကိုယ်ကိုမငြင်းပယ်နိုင်သဖြင့် သစ္စာတည်လိမ့်မည်။ 14ဤအကြောင်းအရာများကို သူတို့အား သတိပေးလော့။ မည်သည့်အကျိုးမျှမရှိဘဲ ကြားနာသောသူတို့ကို ပျက်စီးစေသည့်စကားလုံးများကြောင့် ငြင်းခုံခြင်းကို မပြုကြရန် ဘုရားရှင်ရှေ့၌ သတိပေးလော့။ 15သင်သည် သမ္မာတရားတော်ကို မှန်ကန်စွာပိုင်းခြားတတ်သည့် ရှက်ကြောက်ရန်မလိုသော အမှုတော်ဆောင်အနေဖြင့် စိတ်ချယုံကြည်ရသောသူအဖြစ် ဘုရားရှင်လက်ခံစေရန် မိမိကိုယ်ကိုဆက်သနိုင်ရန် ကြိုးစားလော့။ 16ဘုရားတရားနှင့်မဆိုင်သော အချည်းနှီးစကားကို ရှောင်လော့။ အကြောင်းမူကား ထိုစကားတို့သည် ဘုရားတရားနှင့် ပိုမိုဝေးကွာစေသောကြောင့်ဖြစ်၏။ 17သူတို့၏သွန်သင်မှုတို့သည် အသားပုပ်သကဲ့သို့ ပျံ့နှံ့သွားလိမ့်မည်။ ထိုသူတို့တွင် ဟုမေနဲနှင့်ဖိလက်တို့လည်းပါ၏။ 18သူတို့က သမ္မာတရားလမ်းမှ လွဲချော်လျက် သေသူတို့သည် အသက်ပြန်ရှင်ကြပြီဆိုကာ အချို့သောသူတို့၏ ယုံကြည်ခြင်းကို ဖျက်ဆီးခဲ့ကြ၏။ 19သို့သော်ငြား ဘုရားရှင်၏အုတ်မြစ်သည်ခိုင်ခံ့တော်မူလျက် ထိုအုတ်မြစ်တွင် “အရှင်သည် မိမိ၏လူတို့အား သိတော်မူ၏” ဟူ၍လည်းကောင်း၊ “အရှင်၏နာမတော်ကို ဝန်ခံသောသူတိုင်းသည် ဆိုးညစ်သောအမှုတို့မှရှောင်ရမည်” ဟူ၍လည်းကောင်း တံဆိပ်ခတ်ထား၏။ 20ကြီးစွာသောအိမ်၌ ရွှေ၊ ငွေဖြင့်ပြုလုပ်ထားသောအိုးခွက် သာသည်မက သစ်သား၊ မြေကြီးတို့ဖြင့်ပြုလုပ်ထားသောအိုးခွက်တို့လည်းရှိ၏။ အချို့ကို ဂုဏ်ကျက်သရေရှိသောအရာတို့အတွက်သုံးပြီး အချို့ကို ဂုဏ်ကျက်သရေမရှိသော အရာတို့အတွက် သုံး၏။ 21သို့ဖြစ်၍ အထက်ဆိုခဲ့ပြီးသောအကျင့်တို့ကို ပယ်၍ မိမိကိုယ်ကို စင်ကြယ်စေသောသူမည်သည်မဆိုသည် ဂုဏ်ကျက်သရေရှိသောအရာအတွက် သုံးသောအိုးခွက်၊ မြင့်မြတ်၍ သခင်အတွက် သုံးစရာကောင်းသောအိုးခွက်၊ ကောင်းသော အမှုအားလုံးအတွက် ပြင်ဆင်သောအိုးခွက် ဖြစ်လိမ့်မည်။ 22လူပျိုတို့၏ တပ်မက်ခြင်း ကိလေသာစိတ်ကို ကြဉ်ရှောင်လော့။ စင်ကြယ်သောစိတ်ဖြင့် အရှင်ကိုဝတ်ပြုကိုးကွယ်သူတို့နှင့်အတူ ဖြောင့်မတ်ခြင်း၊ သစ္စာရှိခြင်း၊ ချစ်ခြင်းမေတ္တာနှင့် ငြိမ်ဝမ်ခြင်းတို့ကိုရှာကြလော့။ 23မိုက်မဲ၍ ပညာကင်းမဲ့သောအငြင်းပွားမှုတို့သည် ရန်ပွါးစေတတ်သည်ဟု သိမှတ်၍ရှောင်ရှားလော့။ 24အရှင်၏ အစေခံသည် ခိုက်ရန်မဖြစ်ရ။ ခပ်သိမ်းသော သူတို့အား သနားတတ်၍ သွန်သင်ပေးနိုင်စွမ်းရှိသူ၊ သည်းခံနိုင်သောသူဖြစ်ရမည်။ 25မိမိအားဆန့်ကျင်သူတို့ကို နူးညံ့သိမ်မွေ့စွာ ဆုံးမသူဖြစ်ရမည်။ ဘုရားရှင်သည် သူတို့အား နောင်တရ၍ သမ္မာတရားကို သိရှိလာနိုင်ခွင့်ကိုပေးတော်မူလိမ့်မည်။ 26ထိုအခါ မာရ်နတ်၏ အလိုအတိုင်း ပြုစေရန် သူတို့ကိုဖမ်းဆီးထားသော်လည်း သူတို့သည် မာရ်နတ်၏ကျော့ကွင်းမှ လွတ်မြောက်၍ အမြင်မှန်ရကောင်းရကြလိမ့်မည်။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.