2 Timothy 1
1
1ဘုရားရှင်၏ အလိုတော်အရ ယေရှုခရစ်တော်၏ သာဝကအဖြစ် ရွေးချယ်တော်မူခြင်းခံရသူ ယေရှုခရစ်တော်အားဖြင့် ရရှိမည်ဟု ကတိပေးတော်မူသည့်အသက်အကြောင်းကို ဟောပြောရန် ကျွန်ုပ်ပေါလုသည် 2ချစ်သား တိမောသေထံသို့ စာရေးလိုက်ပါ၏။ အဖဘုရားရှင်နှင့် ကျွန်ုပ်တို့၏အရှင်ဖြစ်သောယေရှုခရစ်တော်တို့ထံမှ ကျေးဇူးတော်၊ ကရုဏာတော်နှင့် ငြိမ်ဝပ်ခြင်းတို့ သက်ရောက်ပါစေသော။ 3ကျွန်ုပ်သည် သင့်အတွက် နေ့ရောညပါ အမြဲမပြတ် သတိတရ ဆုတောင်းပေးလျက် လိပ်ပြာသန့်သန့်ဖြင့် ကျွန်ုပ်၏ဘိုးဘေးတို့ပြုခဲ့သည့်အတိုင်း ကျွန်ုပ်တို့ဝတ်ပြုကိုးကွယ်တော်မူသော ဘုရားရှင်၏ကျေးဇူးတော်ကို ချီးမွမ်း၏။ 4သင်မျက်ရည်ကျသည်ကို သတိရလျက် သင့်ကို ကျွန်ုပ်တွေ့လိုလှ၏။ သို့မှသာ ကျွန်ုပ်အလွန်ပျော်ရွှင်ဝမ်းမြောက်နိုင်လိမ့်မည်။ 5သင်၏စစ်မှန်သော ယုံကြည်ခြင်းကိုလည်း ကျွန်ုပ်သတိရ၏။ ထိုယုံကြည်ခြင်းသည် သင်၏အဖွားလောဣနှင့် သင်၏မိခင်ဥနိတ်တို့သည် ဦးစွာရှိကြပြီး ယခု သင်၌လည်း ရှိကြောင်းကို ကျွန်ုပ်စိတ်ချယုံကြည်၏။ 6ထိုအကြောင်းကြောင့် သင့်အပေါ် ကျွန်ုပ်လက်တင်စဉ်က ဘုရားရှင်၏ ဆုလက်ဆောင်ကို ပြန်လည်တောက်လောင်စေရန် လှုံ့ဆော်လော့ဟု ကျွန်ုပ်သတိပေး၏။ 7အကြောင်းမူကား ဘုရားရှင်သည် ကျွန်ုပ်တို့အား ကြောက်စိတ်ကို ပေးတော်မမူဘဲ တန်ခိုးပါသောစိတ်၊ ချစ်တတ်သောစိတ်၊ မိမိကိုယ်မိမိ ချုပ်တည်းနိုင်သောစိတ်တို့ကို ပေးတော်မူသောကြောင့်ဖြစ်၏။ 8ထို့ကြောင့် ကျွန်ုပ်တို့၏ အရှင်အကြောင်း သက်သေခံရန်ကိုလည်းကောင်း၊ အရှင်အတွက်ကြောင့် အကျဉ်းချခံနေရသော ကျွန်ုပ်အတွက်ကိုလည်းကောင်း မရှက်နှင့်။ သို့သော် ဘုရားရှင်၏ တန်ခိုးတော်ဖြင့် မင်္ဂလာသတင်းကောင်းအတွက် ကျွန်ုပ်နှင့်အတူ ဆင်းရဲဒုက္ခခံလော့။ 9ဘုရားရှင်သည် ကျွန်ုပ်တို့ကို ကယ်တင်တော်မူပြီး သန့်ရှင်းသောဘဝ၌ အသက်ရှင်နေထိုင်ရန် ခေါ်ယူတော်မူသည်မှာ ကျွန်ုပ်တို့၏ လုပ်ဆောင်မှုကြောင့် မဟုတ်ဘဲ ကိုယ်တော်၏ အကြံအစည်တော်နှင့် ကျေးဇူးတော်ကြောင့် ဖြစ်၏။ ကိုယ်တော်သည် ရှေးယခင်မတိုင်မီကပင် ယေရှုခရစ်တော်အားဖြင့် ထိုကျေးဇူးတော်ကို ကျွန်ုပ်တို့အား ပေးသနားတော်မူ၏။ 10သို့ရာတွင် ကျွန်ုပ်တို့၏ကယ်တင်ရှင်ဖြစ်သော ယေရှုခရစ်တော် ပေါ်ထွန်းတော်မူခြင်းအားဖြင့် ယခုထင်ရှားတော်မူပြီ။ ထိုအရှင်သည် သေခြင်းတရားကို ပယ်ဖျက်၍ သင်္ခါရတရားကင်းမဲ့ကာ အသက်ရှင်မည့်အကြောင်းကို မင်္ဂလာသတင်းကောင်းအားဖြင့် ထင်ရှားစေတော်မူပြီ။ 11ဤမင်္ဂလာသတင်းကောင်းအတွက် ရှေ့တော်ပြေးအဖြစ်လည်းကောင်း၊ သာဝကအဖြစ်လည်းကောင်း၊ ဆရာအဖြစ်လည်းကောင်း ကျွန်ုပ်ကို ခန့်ထားတော်မူပြီ။ 12ထိုအကြောင်းကြောင့် ဤဆင်းရဲဒုက္ခကို ခံစားနေရ၏။ သို့သော် ကျွန်ုပ်မရှက်ပါ။ အကြောင်းမူကား ကျွန်ုပ်သည် မိမိယုံကြည်သောအရှင်ကို သိပြီး အရှင်ထံ မိမိအပ်ထားသောအရာကိုလည်း ထိုနေ့ရက်တိုင်အောင် စောင့်ထိန်းတော်မူမည်ဟု စိတ်ချသောကြောင့်ဖြစ်၏။ 13ယေရှုခရစ်တော်အပေါ်ထားရှိသော ယုံကြည်ခြင်းနှင့် ချစ်ခြင်းမေတ္တာတို့ဖြင့် ကျွန်ုပ်ထံမှ ကြားရသည့် မှန်ကန်သောဩဝါဒကို စံနမူနာအဖြစ် ခံယူလော့။ 14သင့်ထံ၌ ပေးအပ်ထားသောသတင်းကောင်းကို ကျွန်ုပ်တို့ထဲ၌ ရှိတော်မူသည့်ဉာဏ်အလင်းတော်အားဖြင့် ကာကွယ်စောင့်ရှောက်လော့။ 15ဖုဂေလုနှင့် ဟေရမောဂင်တို့အပါအဝင် အာရှပြည်၌ နေထိုင်သောလူအပေါင်းသည် ကျွန်ုပ်ကို စွန့်ခွာသွားကြောင်း သင်သိ၏။ 16ဩနေသိဖော်၏အိမ်သူအိမ်သားတို့အပေါ် အရှင်၏ မဟာကရုဏာတော် သက်ရောက်ပါစေသော။ အကြောင်းမူကား သူသည် ကျွန်ုပ်သံကြိုးဖြင့် ချည်နှောင်ခံရသည်ကိုပင် ရှက်ကြောက်ခြင်းမရှိဘဲ မကြာခဏ အားပေးသောကြောင့် ဖြစ်၏။ 17တစ်နည်းအားဖြင့် သူသည် ရောမမြို့သို့ ရောက်နေစဉ်က ကျွန်ုပ်ကို မတွေ့မချင်း ကြိုးစားပမ်းစားရှာဖွေခဲ့၏။ 18ဧဖက်မြို့တွင် သူသည် ကျွန်ုပ်အား မည်မျှအကူအညီပေးခဲ့သည်ကို သင်ကောင်းစွာသိ၏။ ထိုနေ့ရက်၌ အရှင်ထံမှမဟာကရုဏာတော်ခံစားရသောအခွင့်ကို အရှင်သည် သူ့အားပေးသနားတော်မူပါစေသော။
Currently Selected:
2 Timothy 1: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
2 Timothy 1
1
1ဘုရားရှင်၏ အလိုတော်အရ ယေရှုခရစ်တော်၏ သာဝကအဖြစ် ရွေးချယ်တော်မူခြင်းခံရသူ ယေရှုခရစ်တော်အားဖြင့် ရရှိမည်ဟု ကတိပေးတော်မူသည့်အသက်အကြောင်းကို ဟောပြောရန် ကျွန်ုပ်ပေါလုသည် 2ချစ်သား တိမောသေထံသို့ စာရေးလိုက်ပါ၏။ အဖဘုရားရှင်နှင့် ကျွန်ုပ်တို့၏အရှင်ဖြစ်သောယေရှုခရစ်တော်တို့ထံမှ ကျေးဇူးတော်၊ ကရုဏာတော်နှင့် ငြိမ်ဝပ်ခြင်းတို့ သက်ရောက်ပါစေသော။ 3ကျွန်ုပ်သည် သင့်အတွက် နေ့ရောညပါ အမြဲမပြတ် သတိတရ ဆုတောင်းပေးလျက် လိပ်ပြာသန့်သန့်ဖြင့် ကျွန်ုပ်၏ဘိုးဘေးတို့ပြုခဲ့သည့်အတိုင်း ကျွန်ုပ်တို့ဝတ်ပြုကိုးကွယ်တော်မူသော ဘုရားရှင်၏ကျေးဇူးတော်ကို ချီးမွမ်း၏။ 4သင်မျက်ရည်ကျသည်ကို သတိရလျက် သင့်ကို ကျွန်ုပ်တွေ့လိုလှ၏။ သို့မှသာ ကျွန်ုပ်အလွန်ပျော်ရွှင်ဝမ်းမြောက်နိုင်လိမ့်မည်။ 5သင်၏စစ်မှန်သော ယုံကြည်ခြင်းကိုလည်း ကျွန်ုပ်သတိရ၏။ ထိုယုံကြည်ခြင်းသည် သင်၏အဖွားလောဣနှင့် သင်၏မိခင်ဥနိတ်တို့သည် ဦးစွာရှိကြပြီး ယခု သင်၌လည်း ရှိကြောင်းကို ကျွန်ုပ်စိတ်ချယုံကြည်၏။ 6ထိုအကြောင်းကြောင့် သင့်အပေါ် ကျွန်ုပ်လက်တင်စဉ်က ဘုရားရှင်၏ ဆုလက်ဆောင်ကို ပြန်လည်တောက်လောင်စေရန် လှုံ့ဆော်လော့ဟု ကျွန်ုပ်သတိပေး၏။ 7အကြောင်းမူကား ဘုရားရှင်သည် ကျွန်ုပ်တို့အား ကြောက်စိတ်ကို ပေးတော်မမူဘဲ တန်ခိုးပါသောစိတ်၊ ချစ်တတ်သောစိတ်၊ မိမိကိုယ်မိမိ ချုပ်တည်းနိုင်သောစိတ်တို့ကို ပေးတော်မူသောကြောင့်ဖြစ်၏။ 8ထို့ကြောင့် ကျွန်ုပ်တို့၏ အရှင်အကြောင်း သက်သေခံရန်ကိုလည်းကောင်း၊ အရှင်အတွက်ကြောင့် အကျဉ်းချခံနေရသော ကျွန်ုပ်အတွက်ကိုလည်းကောင်း မရှက်နှင့်။ သို့သော် ဘုရားရှင်၏ တန်ခိုးတော်ဖြင့် မင်္ဂလာသတင်းကောင်းအတွက် ကျွန်ုပ်နှင့်အတူ ဆင်းရဲဒုက္ခခံလော့။ 9ဘုရားရှင်သည် ကျွန်ုပ်တို့ကို ကယ်တင်တော်မူပြီး သန့်ရှင်းသောဘဝ၌ အသက်ရှင်နေထိုင်ရန် ခေါ်ယူတော်မူသည်မှာ ကျွန်ုပ်တို့၏ လုပ်ဆောင်မှုကြောင့် မဟုတ်ဘဲ ကိုယ်တော်၏ အကြံအစည်တော်နှင့် ကျေးဇူးတော်ကြောင့် ဖြစ်၏။ ကိုယ်တော်သည် ရှေးယခင်မတိုင်မီကပင် ယေရှုခရစ်တော်အားဖြင့် ထိုကျေးဇူးတော်ကို ကျွန်ုပ်တို့အား ပေးသနားတော်မူ၏။ 10သို့ရာတွင် ကျွန်ုပ်တို့၏ကယ်တင်ရှင်ဖြစ်သော ယေရှုခရစ်တော် ပေါ်ထွန်းတော်မူခြင်းအားဖြင့် ယခုထင်ရှားတော်မူပြီ။ ထိုအရှင်သည် သေခြင်းတရားကို ပယ်ဖျက်၍ သင်္ခါရတရားကင်းမဲ့ကာ အသက်ရှင်မည့်အကြောင်းကို မင်္ဂလာသတင်းကောင်းအားဖြင့် ထင်ရှားစေတော်မူပြီ။ 11ဤမင်္ဂလာသတင်းကောင်းအတွက် ရှေ့တော်ပြေးအဖြစ်လည်းကောင်း၊ သာဝကအဖြစ်လည်းကောင်း၊ ဆရာအဖြစ်လည်းကောင်း ကျွန်ုပ်ကို ခန့်ထားတော်မူပြီ။ 12ထိုအကြောင်းကြောင့် ဤဆင်းရဲဒုက္ခကို ခံစားနေရ၏။ သို့သော် ကျွန်ုပ်မရှက်ပါ။ အကြောင်းမူကား ကျွန်ုပ်သည် မိမိယုံကြည်သောအရှင်ကို သိပြီး အရှင်ထံ မိမိအပ်ထားသောအရာကိုလည်း ထိုနေ့ရက်တိုင်အောင် စောင့်ထိန်းတော်မူမည်ဟု စိတ်ချသောကြောင့်ဖြစ်၏။ 13ယေရှုခရစ်တော်အပေါ်ထားရှိသော ယုံကြည်ခြင်းနှင့် ချစ်ခြင်းမေတ္တာတို့ဖြင့် ကျွန်ုပ်ထံမှ ကြားရသည့် မှန်ကန်သောဩဝါဒကို စံနမူနာအဖြစ် ခံယူလော့။ 14သင့်ထံ၌ ပေးအပ်ထားသောသတင်းကောင်းကို ကျွန်ုပ်တို့ထဲ၌ ရှိတော်မူသည့်ဉာဏ်အလင်းတော်အားဖြင့် ကာကွယ်စောင့်ရှောက်လော့။ 15ဖုဂေလုနှင့် ဟေရမောဂင်တို့အပါအဝင် အာရှပြည်၌ နေထိုင်သောလူအပေါင်းသည် ကျွန်ုပ်ကို စွန့်ခွာသွားကြောင်း သင်သိ၏။ 16ဩနေသိဖော်၏အိမ်သူအိမ်သားတို့အပေါ် အရှင်၏ မဟာကရုဏာတော် သက်ရောက်ပါစေသော။ အကြောင်းမူကား သူသည် ကျွန်ုပ်သံကြိုးဖြင့် ချည်နှောင်ခံရသည်ကိုပင် ရှက်ကြောက်ခြင်းမရှိဘဲ မကြာခဏ အားပေးသောကြောင့် ဖြစ်၏။ 17တစ်နည်းအားဖြင့် သူသည် ရောမမြို့သို့ ရောက်နေစဉ်က ကျွန်ုပ်ကို မတွေ့မချင်း ကြိုးစားပမ်းစားရှာဖွေခဲ့၏။ 18ဧဖက်မြို့တွင် သူသည် ကျွန်ုပ်အား မည်မျှအကူအညီပေးခဲ့သည်ကို သင်ကောင်းစွာသိ၏။ ထိုနေ့ရက်၌ အရှင်ထံမှမဟာကရုဏာတော်ခံစားရသောအခွင့်ကို အရှင်သည် သူ့အားပေးသနားတော်မူပါစေသော။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.