1 Corinthians 8
8
1ရုပ်တုရှေ့၌ပူဇော်သော အစားအစာနှင့်ပါတ်သက်၍အကျွန်ုပ်ပြောမည်။ အကျွန်ုပ်တို့အားလုံး အသိဉာဏ်ပညာရှိ သည်ကိုအကျွန်ုပ်တို့သိကြသည်။ အသိဉာဏ်ပညာသည် အကျွန်ုပ်တို့ကိုထောင်လွှားမောက်မာစေသည်။ သို့သော် မေတ္တာတရားသည် ယုံကြည်သူတို့အားခွန်အားပေးသည်။ 2တစ်စုံတစ်ယောက်သည် တစ်ခုခုအားသိသည်ဟုထင်နေလျှင် သူသိရမည်အရာကိုအမှန်တကယ်မသိသေးပေ။ 3သို့သော်ဘုရားရှင်ကိုချစ်သောသူသည်ကား ဘုရားရှင်၏အသိအမှတ်ပြုခြင်းကိုခံရသည်ဖြစ်သည်။ 4ထို့ကြောင့်ရုပ်တုရှေ့၌ ပူဇော်ထားသောအစားအစာကိုစားခြင်းနှင့်ပတ်သက်ပြီးပြောရလျှင် ရုပ်တုသည် ဤလောက၌ ဘုရားအစစ်အမှန်မဟုတ်ဘဲ စစ်မှန်သောသက်ရှိဘုရားရှင်သည်လည်းတစ်ဆူတည်းသာရှိကြောင်း ငါတို့သိကြသည်။ 5ကမ္ဘာမြေကြီးနှင့် ရွှေမြို့တော်တွင် ဘုရားရှင်ဟုအမည်ခံထားသည့် ဘုရားနှင့် အရှင်များစွာရှိကြသော်လည်း 6အကျွန်ုပ်တို့အတွက်မူကား အရာအားလုံးကိုဖန်ဆင်းတော်မူသည့် အဖဘုရားရှင်တစ်ပါးတည်းသာရှိသည်။ အဖဘုရားရှင်အတွက်အကျွန်ုပ်တို့အသက်ရှင်နေထိုင်ကြသည်။ အကျွန်ုပ်တို့တွင် အရှင်တစ်ပါးတည်းသာရှိသည်။ ထိုအရှင်သည် ယေရှုခရစ်တော်ပင်ဖြစ်သည်။ ယေရှုခရစ်တော်အားဖြင့် အရာအားလုံးတို့သည် ဖန်ဆင်းခြင်းခံရ သည်။ ယေရှုခရစ်တော်အတွက် အကျွန်ုပ်တို့သည်အသက်ရှင်နေထိုင်ကြသည်။ 7သို့သော် ယုံကြည်သူတိုင်းထိုအသိဉာဏ်ပညာကိုရကြသည်မဟုတ်။ အချို့သောသူတို့သည် ရုပ်ထုကိုကြာရှည် စွာကိုးကွယ်ခဲ့ကြသောကြောင့် သူတို့သည်ရုပ်ထုကိုပူဇော်ထားသောအစားအစာအားစားသောအခါ စစ်မှန်သော ဘုရားရှင်၏အစားအစာကိုယူ၍စားသည်ဟုထင်မှတ်ကြသောကြောင့် သူတို့၏စိတ်သည်အားနည်းလာပြီး ထိုအစားအစာသည်သူတို့ကိုညစ်ညမ်းစေသည်ဟုထင်မြင်လာကြလေသည်။ 8သို့သော်အစားအစာအားဖြင့် ဘုရားရှင်ရှေ့၏နှစ်သက်လက်ခံမှုကို အကျွန်ုပ်တို့ရသည်မဟုတ်ပေ။ အကျွန်ုပ်တို့သည်ထိုအစားအစာကိုမစားပဲနေလျှင် ထိခိုက်နစ်နာမှုမရှိသကဲ့သို့ စားလျှင်လည်းပို၍ကောင်းမွန်သွား သည်ဟူ၍မရှိပါ။ 9သို့သော် သင်တို့၏လွတ်လပ်မှုသည် ယုံကြည်မှုအားနည်းသောသူတို့အား အမှားအယွင်းတစ်စုံတစ်ရာမဖြစ်စေ ရန်သတိထားကြလော့။ 10အဘယ်ကြောင့်ဆိုသော် သင်သည် ပိုင်းခြားတတ်သော အသိဉာဏ်ပညာရှိလျက်ပင် ရုပ်တုအဆောင်အတွင်း စားသောက်နေသည်ကို ယုံကြည်မှုအားနည်းသူတို့တွေ့သွားကြလျှင် ရုပ်ထုအားပူဇော်ထားသောအစားအစာ ကိုစားရဲကြတော့မည်မဟုတ်ပေ။ 11ထို့ကြောင့် ယုံကြည်မှုအားနည်းသောညီအစ်ကိုမောင်နှမများအတွက် ယေရှုခရစ်တော်သည်အသေခံခဲ့ သော်လည်း သင်တို့၏အသိဉာဏ်ပညာကြောင့် ထိုသူတို့ပျက်ဆီးခြင်းသို့ရောက်ကြရသည်။ 12သင်တို့သည်ဤနည်းဖြင့် သင်တို့၏ယုံကြည်သူညီအစ်ကိုမောင်နှမများအား အပြစ်ကျူးလွန်၍ သူတို့၏အားနည်းသောစိတ်ကိုထိခိုက်စေလျှင် သင်တို့သည်ယေရှုခရစ်တော်အပေါ်၌လည်း အပြစ်ကျူးလွန်ရာ ရောက်သည်။ 13သို့ဖြစ်၍ အကျွန်ုပ်စားသောအစားအစာသည် အကျွန်ုပ်တို့၏ညီအစ်ကိုမောင်နှမများကို အပြစ်ဒုစရိုက်ကျူးလွန် စေမိလျှင် ထိုအသားအားအကျွန်ုပ်နောက်မည်သည့်အခါမျှထပ်စားတော့မည်မဟုတ်ပေ။ ထိုမှသာလျှင် အကျွန်ုပ်သည် ယုံကြည်သူများအား အပြစ်ဒုစရိုက်မကျူးလွန်စေမိမည်ဖြစ်သည်။
Currently Selected:
1 Corinthians 8: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
